અમદાવાદમાં શાકભાજીના ભાવ આસમાને, ગવાર-ટિંડોડા-ચોળી-પરવળ 100 રૂપિયાને પાર, ભાવવધારાને કોરોના સાથે શું છે સંબંધ ?

શાકભાજીના ભાવ વધવાનું એક કારણ કોરોના વાયરસ પણ છે.

ફાઈલ તસવીર

અમદાવાદઃ એક બાજુ રાજ્યમાં કોરોનાનો પ્રકોપ જોવા મળી રહ્યો છે તો બીજી બાજી કાળઝાળ ગરમી શરૂ થઈ ગઈ છે. ગરમીને કારણએ શાકભાજીના ભાવમાં પણ ઉછાળો આવ્યો છે. સાથે જ કોરોના વાયરસની અસર પણ શાકભાજીના ભાવ પર જોવા મળી રહી છે.

અમદાવાદમાં શાકભાજીના ભાવમાં 40-50 ટકાનો વધારો જોવા મળ્યો છે. શાકભાજીના વધતા ભાવથી ગૃહિણીઓ ત્રાહિમામ પોકારી ગઈ છે. જોકે આગળ પણ ગૃહિણીઓને શાકભાજીના વધતા ભાવમાંથી રાહત મળે એમ નથી. હજુ આગળ પણ શાકભાજીના ભાવમાં વધારો જોવા મળી શકે છે.

શાકભાજીના ભાવ વધવાનું એક કારણ કોરોના વાયરસ પણ છે. મહારાષ્ટ્રમાં અત્યાર સૌથી વધારે કોરોનાનો પ્રકોપ જોવા મળી રહ્યો છે. જેના કારણે મહારાષ્ટ્રમાંથી શાકભાજીની આવક ઘટી ગઈ છે. જેના કારણે શાકભાજીના ભાવમાં ધરખમ વધારો જોવા મળ્યો છે.

હાલમાં વટાણા પ્રતિ કિલો 100 રૂપિયા વેચાઈ રહ્યા છે જે પહેલા 60 રૂપિયા હતા, ભીંડા 80 રૂપિયા છે જે પહેલા 60 રૂપિયા કિલો હતા. ગવાર 160 રૂપિયે કિલો વેચાઈ રહ્યા છે જે પહેલા 120 રૂપિયા હતા. જ્યારે ટિંડાળા 120 રૂપિયા પ્રતિ કિલો વેચાઈ રહ્યા છે જે પહેલા 80 રૂપિયામાં મળતા હતા. જ્યારે ચોળી 100 રૂપિયાની જગ્યાએ વધીને 160 રૂપિયા પ્રતિ કિલોએ વેચાઈ રહી છે. પરવના ભાવ પણ 100 રૂપિયાથી વધીને 120 રૂપિયા પ્રતિ કિલો થઈ ગયા છે.