![ABP Premium](https://cdn.abplive.com/imagebank/Premium-ad-Icon.png)
Sovereign Gold Bond Scheme: સસ્તું સોનું ખરીદવાનો શાનદાર મોકો, ડિસેમ્બર અને ફેબ્રુઆરીમાં આ દિવસે SGBમાં કરી શકશો રોકાણ, જાણો વિગત
SGB Scheme: સરકારે સૌપ્રથમ નવેમ્બર 2015માં આ યોજના શરૂ કરી હતી. SGBમાં રોકાણ કરવાથી તમને દર વર્ષે 2.50 ટકા વ્યાજ દરનો લાભ પણ મળે છે. આ વ્યાજ દર અર્ધવાર્ષિક ધોરણે ચૂકવવામાં આવે છે.
![Sovereign Gold Bond Scheme: સસ્તું સોનું ખરીદવાનો શાનદાર મોકો, ડિસેમ્બર અને ફેબ્રુઆરીમાં આ દિવસે SGBમાં કરી શકશો રોકાણ, જાણો વિગત Sovereign Gold Bond Scheme: Government to issue sovereign gold bonds in December and February Sovereign Gold Bond Scheme: સસ્તું સોનું ખરીદવાનો શાનદાર મોકો, ડિસેમ્બર અને ફેબ્રુઆરીમાં આ દિવસે SGBમાં કરી શકશો રોકાણ, જાણો વિગત](https://feeds.abplive.com/onecms/images/uploaded-images/2023/12/09/3c9d61ac019c455f4e581045bf938f8e1702104526562497_original.jpg?impolicy=abp_cdn&imwidth=1200&height=675)
Sovereign Gold Bond Scheme 2023-24: જો તમે સોનામાં રોકાણ કરવાનું વિચારી રહ્યા છો તો સરકાર એક મોટી તક લઈને આવી રહી છે. સોવરિન ગોલ્ડ બોન્ડ સ્કીમ (SBG)નો આગામી હપ્તો ડિસેમ્બર અને ફેબ્રુઆરીમાં રિલીઝ થશે. આ બાબતે, નાણા મંત્રાલયે એક નોટિફિકેશન બહાર પાડીને માહિતી આપી છે કે સોવરિન ગોલ્ડ બોન્ડ સ્કીમ 2023-24નો ત્રીજો અને ચોથો હપ્તો ડિસેમ્બર અને ફેબ્રુઆરીમાં રિલીઝ કરવામાં આવશે. તમે 18 ડિસેમ્બરથી 22 ડિસેમ્બરની વચ્ચે ત્રીજા હપ્તામાં રોકાણ કરી શકશો. જ્યારે ચોથી સિરીઝ 12 ફેબ્રુઆરીથી 16 ફેબ્રુઆરી 2024 વચ્ચે ખુલશે.
સોવરિન ગોલ્ડ બોન્ડ સ્કીમની ખાસ વિશેષતાઓ જાણો-
જો તમે ઓનલાઈન માધ્યમથી સોવરિન ગોલ્ડ બોન્ડ સ્કીમમાં રોકાણ કરો છો, તો તમને ઈશ્યુ પ્રાઈસમાં પ્રતિ ગ્રામ રૂ. 50નું વધારાનું ડિસ્કાઉન્ટ મળશે. આ યોજના હેઠળ, તમે કુલ આઠ વર્ષ માટે સોનામાં રોકાણ કરી શકો છો, પરંતુ તમારી પાસે પાંચ વર્ષ પછી બહાર નીકળવાનો વિકલ્પ પણ છે. સરકારે સૌપ્રથમ નવેમ્બર 2015માં આ યોજના શરૂ કરી હતી. SGBમાં રોકાણ કરવાથી તમને દર વર્ષે 2.50 ટકા વ્યાજ દરનો લાભ પણ મળે છે. આ વ્યાજ દર અર્ધવાર્ષિક ધોરણે ચૂકવવામાં આવે છે.
કોણ રોકાણ કરી શકે છે?
સોવરિન ગોલ્ડ બોન્ડ સ્કીમ ભારતીય રિઝર્વ બેંક દ્વારા જારી કરવામાં આવે છે. આ યોજના હેઠળ, તમે વર્ષમાં ઓછામાં ઓછું 1 ગ્રામ અને વધુમાં વધુ 4 કિલોગ્રામ સોનું ખરીદી શકો છો. જ્યારે ટ્રસ્ટ અને સંસ્થાઓ વર્ષમાં 20 કિલો સોનું ખરીદી શકે છે.
ઇશ્યૂની કિંમત કેટલી નક્કી કરવામાં આવી હતી?
હાલમાં, રિઝર્વ બેંકે સોવરિન ગોલ્ડ બોન્ડની ત્રીજી અને ચોથી શ્રેણીની માત્ર જારી કરવાની તારીખ જ જાહેર કરી છે. IBJA ના છેલ્લા ત્રણ દિવસના સરેરાશ સોનાના ભાવ અનુસાર ઇશ્યૂની કિંમત નક્કી કરવામાં આવશે. ડિજિટલ મોડને પ્રોત્સાહન આપવા માટે સરકારે પ્રતિ ગ્રામ 50 રૂપિયાનું ડિસ્કાઉન્ટ આપવાનો નિર્ણય કર્યો છે.
સોવરિન ગોલ્ડ બોન્ડ હેઠળ અહીંથી સોનું ખરીદો
સ્કીમની ત્રીજી કે ચોથી શ્રેણીમાં સોનું ખરીદવા માટે, તમે સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ (SHCIL), NSE, BSE માન્ય સ્ટોક એક્સચેન્જો, પોસ્ટ ઓફિસો અને વ્યાપારી બેંકોનો સંપર્ક કરી શકો છો. SGB હેઠળ સોનું ખરીદવા માટે KYC જરૂરી છે. આ સાથે પાન કાર્ડ હોવું પણ જરૂરી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)