(Source: ECI/ABP News)
8th Pay Commission: 8મું પગાર પંચ લાગુ થતા આટલી વધી જશે બેસિક સેલેરી, આટલા હજારનો થશે વધારો
8th Pay Commission Update: કેન્દ્ર સરકારના કર્મચારીઓ અને પેન્શનરો માટે મહત્વપૂર્ણ સમાચાર સામે આવ્યા છે.
8th Pay Commission Update: કેન્દ્ર સરકારના કર્મચારીઓ અને પેન્શનરો માટે મહત્વપૂર્ણ સમાચાર સામે આવ્યા છે. કેન્દ્ર સરકારે 8મા પગાર પંચના સંદર્ભ નિયમો (ToR) ને મંજૂરી આપી છે. આ સાથે 50 લાખથી વધુ કેન્દ્રીય સરકારી કર્મચારીઓ અને આશરે 6.9 મિલિયન પેન્શનરોની લાંબી રાહનો અંત આવી રહ્યો છે. નવી ભલામણો પછી પગાર અને પેન્શનમાં કેટલો વધારો થશે તેના પર હવે બધાની નજર છે.
અગાઉના પગાર પંચની જેમ આ વખતે પણ પગાર અને પેન્શન વધારાની સમગ્ર પ્રક્રિયા ફિટમેન્ટ ફેક્ટર પર આધારિત રહેશે. ફિટમેન્ટ ફેક્ટર એ ગુણાંક છે જેના આધારે નવો પગાર નક્કી કરવા માટે હાલના બેસિક પગારમાં વધારો કરવામાં આવે છે. 7મા પગાર પંચમાં આ ફેક્ટર 2.57 પર સેટ કરવામાં આવ્યો હતો, જેના પરિણામે કર્મચારીઓના પગારમાં નોંધપાત્ર વધારો થયો હતો.
ન્યૂનતમ બેસિક સેલેરીમાં કેટલો વધારો થઈ શકે છે?
વિવિધ અંદાજો અનુસાર, 8મા પગાર પંચમાં ફિટમેન્ટ ફેક્ટર 1.83 અને 2.46 ની વચ્ચે હોઈ શકે છે. જો સૌથી ઓછો અંદાજ એટલે કે, 1.83ને પણ આધાર માની લેવામાં આવે તો હાલમાં રહેલી 18,000 રૂપિયા ન્યૂનતમ બેસિક સેલેરી વધીને આશરે લગભગ 32,940 રૂપિયા થઈ શકે છે. જો ઉપરની સીમા એટલે કે 2.46 કે તેની આસપાસ ફિટમેન્ટ ફેક્ટર લાગુ થાય છે તો ન્યૂનતમ બેસિક સેલેરી લગભગ આશરે 44,280 રૂપિયા સુધી પહોંચી શકે છે. ફુગાવાના વર્તમાન યુગમાં કર્મચારીઓ માટે આ વધારો નોંધપાત્ર રાહત સાબિત થઈ શકે છે. નિષ્ણાતો માને છે કે 8મા પગાર પંચ હેઠળ લઘુત્તમ વેતનમાં 14 થી 54 ટકાનો વધારો શક્ય છે.
ફિટમેન્ટ ફેક્ટર કેવી રીતે નક્કી કરવામાં આવે છે?
ફિટમેન્ટ ફેક્ટર કોઈ મનસ્વી આંકડો નથી. તે ફુગાવા, જીવન ખર્ચ અને વપરાશ સૂચકાંક સહિતના અનેક પરિબળોને ધ્યાનમાં લે છે. આ સાથે ડૉ. વોલેસ આર. આયક્રોયડના ફોર્મુલાનો ઉપયોગ થાય છે જેને જરૂરિયાત-આધારિત લઘુત્તમ વેતન નક્કી કરવા માટે વિકસાવવામાં આવ્યું હતું. આ સૂત્રમાં કર્મચારી અને તેના પરિવારની મૂળભૂત જરૂરિયાતો, એટલે કે, જીવનસાથી અને બે બાળકો, જેમ કે ખોરાક, કપડાં અને રહેઠાણનો સમાવેશ થાય છે.
8મા પગાર પંચનો અમલ ક્યારે થશે?
ગયા મહિને 3 નવેમ્બરના રોજ વડા પ્રધાન નરેન્દ્ર મોદીના નેતૃત્વ હેઠળના મંત્રીમંડળે 8મા પગાર પંચના ToR ને મંજૂરી આપી હતી. જોકે, ફક્ત મંજૂરી આપવાથી ભલામણો તાત્કાલિક લાગુ કરવામાં આવશે તેવું નથી. અગાઉના પગાર પંચોના અનુભવના આધારે, સરકારને અહેવાલ લાગુ કરવામાં સામાન્ય રીતે 18 થી 24 મહિનાનો સમય લાગે છે. તેથી એવું માનવામાં આવે છે કે 8મા પગાર પંચની ભલામણો 2027ના મધ્ય પહેલા લાગુ થવાની શક્યતા ઓછી છે. કેટલાક અહેવાલો તો એવું પણ સૂચવે છે કે તેને 2028 ની શરૂઆત સુધી મુલતવી રાખવામાં આવી શકે છે.
કર્મચારીઓની અપેક્ષાઓ વધી
હાલમાં પગાર પંચ પ્રક્રિયાની પ્રગતિએ કર્મચારીઓ અને પેન્શનરોમાં નવી આશાઓ જગાવી છે. વધતી જતી મોંઘવારી અને ખર્ચ વચ્ચે જો પગાર વધારો અપેક્ષા મુજબ થાય છે, તો તે લાખો પરિવારોને નોંધપાત્ર રાહત આપશે. હવે દરેકની નજર કમિશનની ભલામણો અને સરકારના આગામી પગલા પર ટકેલી છે.
ટોપ સ્ટોરી
ટ્રેન્ડિંગ સમાચાર
