ગુજરાતમાં વર્ષ 2021માં કઈ કઈ તારીખે બેંકો રહેશે બંધ? જાણો જાહેર રજાનું આખું લિસ્ટ

આ લિસ્ટ પ્રમાણે બેંક કર્મચારીઓને 16 જાહેર રજાઓ મળશે. એટલે કે વર્ષ 2021માં 16 દિવસ બેંકો બંધ રહેશે. આ સિવાય પાંચ રજાઓ રવિવાર અને ચોથા શનિવારે આવતી હોવાથી બેંકો માટે આ જાહેર રજાના દિવસ તરીકે જાહેર કરવામાં આવી નથી.

ગાંધીનગરઃ ગુજરાત સરકાર દ્વારા વર્ષ 2021ની જાહેર રજાનું લિસ્ટ જાહેર કરવામાં આવ્યું છે. રાજ્યના સામાન્ય વહીવટ વિભાગે જાહેર રજાના લિસ્ટની જાહેરાત કરી છે. આગામી વર્ષે 22 દિવસ વિવિધ જાહેર રજાઓ રહેશે. જોકે, આગામી વર્ષમાં શનિ અને રવિવારને દિવસે 7 જાહેર રજાઓ આવી રહી છે. ગુજરાત સરકારે બેંકો માટેની જાહેર રજાઓનું લિસ્ટ પણ જાહેર કર્યું છે. આ લિસ્ટ પ્રમાણે બેંક કર્મચારીઓને 16 જાહેર રજાઓ મળશે. એટલે કે વર્ષ 2021માં 16 દિવસ બેંકો બંધ રહેશે. આ સિવાય પાંચ રજાઓ રવિવાર અને ચોથા શનિવારે આવતી હોવાથી બેંકો માટે આ જાહેર રજાના દિવસ તરીકે જાહેર કરવામાં આવી નથી. આ રજાઓની વાત કરીએ તો મહાવીર જન્મ કલ્યાનક (25 એપ્રિલ 2021, રવિવાર), સ્વતંત્રતા દિવસ (15 ઓગસ્ટ, રવિવાર), રક્ષા બંધન (22 ઓગસ્ટ, રવિવાર) અને સરદાર વલ્લભભાઈ પટેલ જન્મજયંતિ (31 ઓક્ટોબર, રવિવાર) આ ચાર જાહેર રજાઓ રવિવારના દિવસે આવે છે. આ ચાર રજાઓ રવિવારના દિવસે આવતી હોવાથી તેને જાહેર રજાઓની લિસ્ટમાં સમાવેશ નથી કરાયો. જ્યારે નાતાલ (25 ડિસેમ્બર) એ ચોથા શનિવારે આવતી હોવાથી આ રજાને પણ જાહેર રજાના લિસ્ટમાં જાહેર કરવામાં આવી નથી. ગુજરાત સરકારે રાજ્યમાં આવેલી બેંકો, ગુજરાત રાજ્યની પગરા અને હિસાબી કચેરી, પેટા તિજોરી કચેરીઓ માટે ગુરુવાર ને 1 એપ્રિલ 2021ના દિવસે તેમના વાર્ષિક હિસાબો બંધ કરી શકે તે માટે જાહેર રજાના દિવસ તરીકે જાહેર કરી છે.