Gujarat Rain Forecast: ગુજરાતમાં ફરી ક્યારે આવશે વરસાદ, જાણો હવામાન વિભાગે શું કરી આગાહી

હવામાન વિભાગની આગાહી મુજબ ગુજરાતમાં ફરી વરસાદનું આગમન થશે. આગામી 5 દિવસ સામાન્ય વરસાદનું અનુમાન છે.

પ્રતીકાત્મક તસવીર

Gujarat Rain Forecast: ગુજરાતમાં છેલ્લા કેટલાક દિવસથી વરસાદે લગભગ વિરામ લીધો છે. છૂટછવાયા સામાન્ય ઝાપટા સિવાય રાજ્યમાં ચોમાસુ ક્યાંય સક્રિય નથી. જો કે હવામાન વિભાગે ગુજરાતમાં ફરી મેઘરાજાની એન્ટ્રીના સંકેત આપ્યા છે. રાજ્ય પર એક સિસ્ટમ એક્ટિવ થતાં આગામી 5 દિવસ સામાન્ય વરસાદની આગાહી કરવામાં આવી છે. ગુજરાત પર હાલ એક વરસાદી  સિસ્ટમ સક્રિય હોવાથી હળવાથી સમાન્ય વરસાદનું અનુમાન છે.  હવામાન વિભાગની આગાહી મુજબહ આગામી 5 દિવસ સૌરાષ્ટ્ર , કચ્છમાં સામાન્યથી મધ્યમ વરસાદ વરસી શકે છે.અમદાવાદ અને ગાંધીનગરમાં પણ સામાન્ય વરસાદની આગાહી છે.                    

ગુજરાત પર ચક્રવાતી પવનોની રચનાની અસર રાજસ્થાન અને મધ્યપ્રદેશના  માલવા-નિમાર એટલે કે મધ્ય પ્રદેશના ઈન્દોર-ઉજ્જૈનમાં જોવા મળી રહી છે. ગુરુવારે ખરગોન, ધાર અને ઉજ્જૈનમાં હળવો વરસાદ થયો હતો. શુક્રવારે પણ આવું જ વાતાવરણ રહેવાની ધારણા છે. બંને વિભાગોના ઈન્દોર, ઉજ્જૈન, ખરગોન, બરવાની સહિત 15 જિલ્લામાં વાદળછાયું વાતાવરણ રહેશે. કેટલીક જગ્યાએ હળવો વરસાદ પણ પડી શકે છે.

રાજ્યના બાકીના વિસ્તારોમાં હવામાન શુષ્ક એટલે કે ચોખ્ખું રહેશે. ક્યાંય પણ ભારે વરસાદની આગાહી નથી. ખરેખર, રાજ્યમાં 13-14 ઓગસ્ટ સુધી ચોમાસાનો વિરામ છે. ચોમાસાની કોઈ સિસ્ટમ સક્રિય ન હોવાને કારણે આવું થઈ રહ્યું છે. 5 ઓગસ્ટથી રાજ્યમાં ભારે વરસાદ થયો નથી, પરંતુ ગુજરાત પર અચાનક સાયક્લોનિક સરક્યુલેશન સર્જાયા બાદ માળવા-નિમારમાં હવામાનમાં પલટો આવ્યો હતો. ગુજરાત સાથે જોડાયેલા વિસ્તારોમાં હળવા વરસાદની શક્યતા છે.

તો બીજી તરફ દેશના હવામાન વિશે વાત કરીએ તો ઉત્તરાખંડમાં આજે ભારે વરસાદનું એલર્ટ છે. શુક્રવારે દેહરાદૂન, ટિહરી અને પૌરી જિલ્લામાં ભારે વરસાદની સંભાવના છે. હવામાન વિભાગે આ જિલ્લાઓ માટે રેડ એલર્ટ જાહેર કર્યું છે. હવામાન વિભાગના જણાવ્યા અનુસાર, આજે ગાજવીજ અને વીજળીના કડાકા  સાથે અહીં  વરસાદ પડી શકે છે.

આ સિવાય નૈનીતાલ, ઉધમ સિંહ નગર અને ચંપાવતમાં છૂટાછવાયા સ્થળોએ ભારે વરસાદ પડી શકે છે.  આ વિસ્તારામાં હવામાન વિભાગે  ઓરેન્જ એલર્ટ જાહેર કર્યું છે. હરિદ્વાર, ઉત્તરકાશી, રુદ્રપ્રયાગ, અલ્મોડા અને બાગેશ્વરમાં પણ છૂટાછવાયા સ્થળોએ ભારે વરસાદ પડી શકે છે. અહીં માટે યલો એલર્ટ આપવામાં આવ્યું છે. 

આ પણ વાંચો