Heart Attack: ગુજરાતમાં દરરોજ 223થી વધુ લોકોને આવી રહ્યો છે હાર્ટ અટેક, અમદાવાદમાં સૌથી વધુ
ગુજરાતમાં હાલમાં હાર્ટ અટેકના કેસમાં વધારો જોવા મળી રહ્યો છે
ગુજરાતમાં હાલમાં હાર્ટ અટેકના કેસમાં વધારો જોવા મળી રહ્યો છે. હાર્ટ અટેક સામાન્ય લોકોમાં ચર્ચાનો વિષય બની રહે છે. અચાનક લોકો હાર્ટ અટેકના કારણે મૃત્યુ પામી રહ્યા છે. આવી સ્થિતિમાં ગુજરાતમાંથી હાર્ટ અટેક સંબંધિત એક ડેટા સામે આવ્યો છે. જાન્યુઆરીથી જૂલાઈ વચ્ચે અહીં હાર્ટ અટેકના 47180 કેસ નોંધાયા હતા.
આઇએએનએસના રિપોર્ટ અનુસાર, ગુજરાતમાં દરરોજ 223 અને દર કલાકે નવ લોકો હૃદય રોગનો શિકાર બની રહ્યા છે. ઈમરજન્સી સર્વિસ 108 પાસેથી મળેલી માહિતી મુજબ ગત વર્ષે હાર્ટ અટેકના 40258 કેસ નોંધાયા હતા, જ્યારે આ વખતે આ સંખ્યા વધીને 47180 થઈ ગઈ છે. આમ ગયા વર્ષની સરખામણીમાં 17 ટકા વધુ કેસ નોંધાયા છે.
ગુજરાતમાં હાર્ટ અટેકના સૌથી વધુ કેસ રાજ્યના સૌથી મોટા શહેર અમદાવાદમાં નોંધાયા છે. અહીં દરરોજ 66 લોકો તેનાથી પીડિત છે. છેલ્લા સાત મહિનામાં અમદાવાદમાં અંદાજે 13906 લોકોને હાર્ટ અટેક આવ્યો છે. આશ્ચર્યની વાત એ છે કે હાર્ટ અટેકથી પીડિત મોટાભાગના દર્દીઓની ઉંમર 40 વર્ષથી ઓછી છે, જે ડોક્ટરો માટે પણ ચિંતાનો વિષય છે.
108 હેલ્થ કેર સર્વિસ સાથે જોડાયેલા ડોક્ટર વિકાસના કહેવા પ્રમાણે અમારી પાસે 803 એમ્બ્યુલન્સનો કાફલો છે. અમારા કોલ સેન્ટર પર દરરોજ 10 હજાર કોલ્સ આવે છે. આમાં ચાર હજાર ઈમરજન્સી કેસ છે. ગુજરાત સરકારના હેલ્થ કોલનો અત્યાર સુધીમાં એક કરોડથી વધુ લોકોને લાભ મળ્યો છે. ઇમરજન્સી 108 આરોગ્ય તંત્ર લોકો માટે ખૂબ જ મદદરૂપ છે. ગ્રામીણ વિસ્તારોમાં લોકોને 17 મિનિટમાં તેનો લાભ મળે છે, જ્યારે શહેરી વિસ્તારોમાં લોકોને આઠથી દસ મિનિટમાં તેનો લાભ મળે છે.
ઈમરજન્સી સર્વિસ 108 પાસેથી મળેલી માહિતી મુજબ ગત વર્ષે હાર્ટ અટેકના 40258 કેસ નોંધાયા હતા, જ્યારે આ વખતે આ સંખ્યા વધીને 47180 થઈ ગઈ છે. આમ ગયા વર્ષની સરખામણીમાં હાર્ટ અટેકના 17 ટકા વધુ કેસ નોંધાયા છે.
આ પણ વાંચોઃ
ટ્રેન્ડિંગ સમાચાર
ટોપ સ્ટોરી
