BIG BREAKING: કોંગ્રેસના ધારાસભ્ય પર હુમલો, જીગ્નેશ મેવાણીએ અપહરણ થયું હોવાનો કર્યો દાવો

Gujarat Assembly Election 2022: બનાસકાંઠાના  દાંતાના ધારાસભ્ય કાંતિ ખરાડી પર હુમલો થયો છે. દાતા તાલુકાના છોટા બામોદરા પાસે કાંતિ ખરાડીની ગાડી રોકાવી પલટી મરાવી હોવાનો આક્ષેપ કરવામાં આવી રહ્યો છે.

જીગ્નેશ મેવાણી (ફાઈલ તસવીર)

Gujarat Assembly Election 2022: બનાસકાંઠાના  દાંતાના ધારાસભ્ય કાંતિ ખરાડી પર હુમલો થયો છે. દાતા તાલુકાના છોટા બામોદરા પાસે કાંતિ ખરાડીની ગાડી રોકાવી પલટી મરાવી હોવાનો આક્ષેપ કરવામાં આવી રહ્યો છે. કોંગ્રેસના ધારાસભ્ય જીગ્નેશ મેવાણીએ ટ્વિટ કરી લખ્યું કાંતિ ખરાડીનું માર મારી અપહરણ કરાયું છે.

 

દાંતાના કોંગ્રેસ પક્ષના ધારાસભ્ય કાંતિ ખરાડી ઉપર ભાજપના ઉમેદવાર અને એમના ગુંડાઓ દ્વારા જીવલેણ હુમલો. એમની ગાડીને આંતરીને મારી નાખવાની કોશિશ કરવામાં આવી; ગાડી પલટી મારી દીધી. હજુ પણ માનનીય કાંતિભાઈ ખરાડી લાપતા છે.@ECISVEEP @dgpgujarat @GujaratPolice@SP_Banaskantha@PMOIndia

— Jignesh Mevani (@jigneshmevani80) December 4, 2022

કાંતિ ખરાડીએ ગઈકાલે પ્રેસ કોન્ફરન્સ કરી અને બોગસ મતદાન અને ધાક ધમકીની શંકા વ્યક્ત કરી હતી. આજે પણ કાંતિ ખરાડીએ કલેકટર એસપી અને કોંગ્રેસ પ્રવક્તા મનીષ દોશીને પણ જાણ કરી હતી. જિલ્લા પોલીસ વડા સહિત એલસીબી અને પોલીસની ટીમો કાંતિ ખરાડીને શોધવાના કામે લાગી છે. ધારાસભ્ય કાંતિ ખરાડીના બંને મોબાઈલ સ્વીચ ઓફ આવતા મુશ્કેલીઓ વધી છે.

કાલે બીજા તબક્કાની 93 બેઠકો પર મતદાન

ગુજરાત વિધાનસભાની ચૂંટણીના છેલ્લા અને બીજા તબક્કાનું કાઉન્ટડાઉન શરૂ થઈ ગયું છે.  સોમવારે (5 ડિસેમ્બર) મતદાન થશે, સોમવારે બીજા તબક્કામાં રાજ્યની કુલ 93 બેઠકો પર મતદાન થશે. બીજા તબક્કામાં મતદાન યોજાનારી 93 બેઠકો માટે 61 રાજકીય પક્ષોના 833 ઉમેદવારોનું ભાવિ દાવ પર છે. રાજ્ય ચૂંટણી પંચના જણાવ્યા અનુસાર, ઉમેદવારોમાં 285 અપક્ષ ઉમેદવારો છે, જ્યારે બીજા તબક્કામાં ઘણા VIP ઉમેદવારોનું ભાવિ પણ દાવ પર છે.

ભાજપ અને અરવિંદ કેજરીવાલની આગેવાની હેઠળની AAP તમામ 93 બેઠકો પર ચૂંટણી લડી રહી છે. કોંગ્રેસ 90 બેઠકો પર ચૂંટણી લડી રહી છે અને તેના સહયોગી રાષ્ટ્રવાદી કોંગ્રેસ પાર્ટી (NCP) એ બે બેઠકો પર તેના ઉમેદવારો ઉભા રાખ્યા છે. VIP ઉમેદવારોમાં રાજ્યના સીએમ ભૂપેન્દ્ર પટેલ ઘાટલોડિયાથી, ભાજપના નેતા હાર્દિક પટેલ વિરમગામથી અને ભાજપના અલ્પેશ ઠાકોર ગાંધીનગર દક્ષિણ બેઠકપરથી ચૂંટણી લડી રહ્યા છે.

આ ઉપરાંત કૉંગ્રેસના  નેતા જીગ્નેશ મેવાણી બનાસકાંઠા જિલ્લાની વડગામ બેઠક પરથી કોંગ્રેસના ઉમેદવાર તરીકે ચૂંટણી લડી રહ્યા છે અને ગુજરાત વિધાનસભામાં વિરોધ પક્ષના નેતા સુખરામ રાઠવા છોટા ઉદેપુર જિલ્લાના જેતપુરથી ઉમેદવાર છે. ભાજપના બળવાખોર અને દબંગ નેતા  મધુ શ્રીવાસ્તવ વડોદરા જિલ્લાની વાઘોડિયા બેઠક પરથી અપક્ષ ઉમેદવાર તરીકે ચૂંટણી લડી રહ્યા છે.

છેલ્લી ચૂંટણીમાં શું સ્થિતિ રહી?

જો આપણે અહીં 2017માં યોજાયેલી વિધાનસભા ચૂંટણીમાં સત્તાધારી પક્ષના પ્રદર્શનની વાત કરીએ તો અહીંથી ભાજપે કુલ 51 બેઠકો જીતી હતી. આ દરમિયાન કોંગ્રેસે 39 બેઠકો જીતી હતી જ્યારે ત્રણ બેઠકો પર અપક્ષ ઉમેદવારોનું નસીબ ચમક્યું હતું. મધ્ય ગુજરાતમાં ભાજપે 37 બેઠકો જીતી હતી, જ્યારે કોંગ્રેસને અહીંથી 22 બેઠકો મળી હતી. શનિવારે (3 ડિસેમ્બર) બીજા તબક્કાના પ્રચારના પડઘમ શાંત થઈ ગયા હતા. 

5 ડિસેમ્બરે 14 જિલ્લાની 93 બેઠક માટે બીજા તબક્કાનું મતદાન

• બનાસકાંઠા જિલ્લો : બેઠકોના નામ : વાવ, થરાદ, ધાનેરા, દાંતા (ST), વડગામ (SC), પાલનપુર, ડીસા, દિયોદર, કાંકરેજ
• પાટણ જિલ્લો : બેઠકોના નામ : રાધનપુર, ચાણસ્મા, પાટણ, સિદ્ધપુર
• મહેસાણા જિલ્લો : બેઠકો : ખેરાલુ, ઉંઝા, વિસનગર, બેચરાજી, કડી, મહેસાણા, વિજાપુર
• સાબરકાંઠા જિલ્લો : બેઠકોના નામ : હિંમતનગર, ઈડર, ખેડબ્રહ્મા (ST), પ્રાંતિજ
• અરવલ્લી જિલ્લો : બેઠકોના નામ : ભિલોડા (ST), મોડાસા, બાયડ
• ગાંધીનગર જિલ્લો : બેઠકો: દહેગામ, ગાંધીનગર દક્ષિણ, ગાંધીનગર ઉત્તર, માણસા, કલોલ
• અમદાવાદ જિલ્લો : બેઠકો: વિરમગામ, સાણંદ, ઘાટલોડિયા, વેજલપુર, વટવા, એલિસબ્રિજ, નારાણપુરા, નિકોલ, નરોડા, ઠક્કરબાપા નગર, બાપુનગર, અમરાઈવાડી, દરિયાપુર, જમાલપુર-ખાડિયા, મણિનગર, દાણીલીમડા, સાબરમતી, અસારવા, દસક્રોઈ, ધોળકા, ધંધુકા
• આણંદ જિલ્લો : બેઠકો : ખંભાત, બોરસદ, આંકલાવ, ઉમરેઠ, આણંદ, પેટલાદ, સોજિત્રા
• ખેડા જિલ્લો : બેઠકોના નામ : માતર, નડિયાદ, મહેમદાબાદ, મહુધા, ઠાસરા, કપડવંજ
• મહીસાગર જિલ્લો : બેઠકોના નામ : બાલાસિનોર, લુણાવાડા, સંતરામપુર
• પંચમહાલ જિલ્લો : બેઠકોના નામ :  શહેરા, મોરવાહડફ, ગોધરા, કાલોલ, હાલોલ
• દાહોદ જિલ્લો : બેઠકો : ફતેપુરા, ઝાલોદ, લીમખેડા, દાહોદ, ગરબાડા, દેવગઢ બારિયા
• વડોદરા જિલ્લો : બેઠકોના નામ : સાવલી, વાઘોડિયા, ડભોઈ, વડોદરા શહેર (SC), સયાજીગંજ, અકોટા, રાવપુરા, માંજલપુર, પાદરા, કરઝણ
• છોટાઉદેપુર જિલ્લો : બેઠકોના નામ: છોટાઉદેપુર, જેતપુર (ST)