Kutch: ખાતમૂહુર્ત કરવા ગયેલ ગાંધીધામના ભાજપના ધારાસભ્યનો સ્થાનિક લોકોએ વિરોધ કરતા રાજકારણ ગરમાયું

કચ્છ: વિધાનસભા ચૂંટણી પહેલા ગુજરાતમાં રાજનેતાઓના વિરોધને લઈને રાજકારણ ગરમાયું છે. એક બાજુ વિપુલ ચૌધરીની ધરપકડ બાદ મહેસાણા જિલ્લાના કેટલાક ગામોમાં ભાજપ નેતાના પ્રવેશ પર પ્રતિબંધ લાગતા બેનરો લાગ્યા છે.

ગાંધીધામના ભાજપના ધારાસભ્ય માલતીબેન મહેશ્વરી

કચ્છ: વિધાનસભા ચૂંટણી પહેલા ગુજરાતમાં રાજનેતાઓના વિરોધને લઈને રાજકારણ ગરમાયું છે. એક બાજુ વિપુલ ચૌધરીની ધરપકડ બાદ મહેસાણા જિલ્લાના કેટલાક ગામોમાં ભાજપ નેતાના પ્રવેશ પર પ્રતિબંધ લાગતા બેનરો લાગ્યા છે તો બીજી તરફ પૂર્વ કચ્છ ગાંધીધામના વોર્ડ નંબર ૧માં ધારાસભ્યનો વિરોધ કરવામાં આવ્યો છે. ધારાસભ્ય માલતીબેન મહેશ્વરીનો વિરોધ થતા રાજકારણ ગરમાયું છે. ખાતમૂહુર્ત કરવા ગયેલ ગાંધીધામના ભાજપના ધારાસભ્ય માલતીબેન મહેશ્વરીનો સ્થાનિકોએ વિરોધ કર્યો હતો. તૂટેલા રોડ, ગટર સહિતના મુદ્દાઓને લઈને સ્થાનિકો દ્વારા વિરોધ કરવામાં આવ્યો હતો.

 

કેજરીવાલના ગુજરાત પ્રવાસ પહેલા ઈસુદાનના ટ્વીટથી હડકંપ

આમ આદમી પાર્ટીના રાષ્ટ્રીય સંયોજક અરવિંદ કેજરીવાલ કાલે વડોદરા આવી રહ્યા છે. જો કે તેમના ગુજરાત પ્રવાસ પહેલા જ વિવાદ સામે આવ્યો છે. ગુજરાત આમ આદમી પાર્ટીના નેતા ઈસુદાન ગઢવી એક ટ્વીટના કારણ રાજકારણ ગરમાયું છે. ઈસુદાન ગઢવીએ પોતાના ટ્વીટમાં લખ્યું છે.

શું લખ્યું ઈસુદાન ગઢવીએ

ગુજરાતમાં અત્યાર સુધી ટીવી મીડિયાને ધમકીઓ આપીને અમારા પ્રવક્તાઓને ડિબેટ કરતા અટકાવનાર ભાજપે હવે કેજરીવાલ જીનો બરોડામાં કાર્યક્રમ ન થયા તે માટે 13થી વધુ સભા સ્થળના માલિકોને જગ્યા નહીં આપવાની ધમકી આપીને બુકિંગ કેન્સલ કરાવ્યું છે. ! કેજરીવાલની લોકપ્રિયતાથી ડરી ગયેલી ભાજપ હવે ગુસ્સે ભરાઈ છે.

ઈસુદાન ગઢવી આ ટ્વીટ પર રિપ્લાય આપતા દિલ્હીના સીએમ અરવિંદ કેજરીવાલે લખ્યું કે, વિરોધી પક્ષોને આ રીતે કાર્યક્રમો કરતા અટકાવવા યોગ્ય નથી. તમે તમારા પોતાના કાર્યક્રમો કરો, અન્ય તમામ પક્ષોને તેમના કાર્યક્રમો કરવા દો. જીત અને હાર ચાલુ રહે છે. લોકોને આ રીતે ધમકાવવા યોગ્ય નથી.

કેજરીવાલ-સિસોદીયા આવશે ગુજરાત

ગુજરાત વિધાનસભાની ચૂંટણી નજીક આવવાની સાથે જ રાજ્યમાં પીએમ મોદી, ગૃહમંત્રી અમિત શાહ અને દિલ્હી સીએમ તથા આમ આદમી પાર્ટીના રાષ્ટ્રીય સંયોજક અરવિંદ કેજરીવાલની મુલાકાતો વધી રહી છે. દિલ્હી સીએમ કેજરીવાલ અને શિક્ષણ મંત્રી મનીષ સિસોદીયા ફરી એકવાર ગુજરાત મુલાકાતે આવશે. આપ રાષ્ટ્રીય સંયોજક અરવિંદ કેજરીવાલ 20 સપ્ટેમ્બરે વડોદરા આવશે. અરવિંદ કેજરીવાલ પ્રેસ કોન્ફરન્સ કરશે અને ટાઉનહોલ કાર્યક્રમના માધ્યમથી ગુજરાતની જનતા સમક્ષ પોતાની વાત રજૂ કરશે. દિલ્હીના નાયબ મુખ્યમંત્રી અને શિક્ષણ મંત્રી મનીષ સિસોદિયા 21 સપ્ટેમ્બરે અમદાવાદ આવશે. મનીષ સિસોદિયા સાબરમતી આશ્રમ ખાતે ગાંધીજીના દર્શન કરશે. જે બાદ તેઓ ગુજરાત યાત્રાની શરૂઆત કરશે. મનીષ સિસોદિયા સમગ્ર ઉત્તર ગુજરાતમાં યાત્રા કરી લોકોને પરિવર્તન લાવવા માટે હાકલ કરશે.

આ પણ વાંચો....