અમદાવાદ-રાજકોટ હાઈ-વે પર કારમાં અચાનક ફાટી નીકળી આગ, મહિલાનું મોત

લીંબડીના પાણશીણા ગામના પાટીયા પાસે કારમાં અચાનક આગ લાગતા દોડધામ મચી ગઈ હતી.

સુરેન્દ્રનગરઃ અમદાવાદ રાજકોટ હાઈવે પર કારમાં અચાનક આગ લાગતા મહિલાનું મોત થયું ચે. જ્યારે છ લોકોનો આબાદ બચાવ થયો છે. લીંબડીના પાણશીણા ગામના પાટીયા પાસે કારમાં અચાનક આગ લાગતા દોડધામ મચી ગઈ હતી. આગને કારણે કારમાં સવાર એક મહિલાનું કારમાં જ મોત નીપજ્યું  હતું. જ્યારે અન્ય ૬ જેટલા લોકોને પોલીસ સહીત વાહનચાલકો દ્વારા આબાદ બચાવી લેવામાં આવ્યા છે. શોર્ટ સર્કિટને કારણે આગ લાગી હોવાની આશંકા છે. આ બનાવ મોડી રાતે બન્યો હતો.