જજે ઈટાલિયા-ઈસુદાન સહિતના AAPના 93 નેતા-કાર્યકરોને નહીં પણ આ એક જ કાર્યકરને કેમ આપ્યા જામીન? જજના વલણની કરશો પ્રસંશા

આ કાર્યકરનું નામ રજનીકાન્ત પરમાર છે. રજનીકાન્ત પરમારને બુધવારે PSIની ફિઝિકલ પરીક્ષા હોવાથી એક દિવસના જામીન અપયા છે.

AAP_01

ગાંધીનગરઃ રાજ્યમાં બિનસચિવાલય હેડ ક્લાર્ક પરીક્ષાનું પેપર  લીક થયું એ મુદ્દે ગાંધીનગરના ભાજપ કાર્યાલય કમલમમાં વિરોધ કરવા ગયેલા આમ આદમી પાર્ટીના એક કાર્યકરને બાદ કરતાં બાકીના 64 આરોપીને કોર્ટે જામીન ના આપતા જેલભેગા કરાયા છે. આમ આદમી પાર્ટીના એક કાર્યકરને જામીન મળ્યા છે તે કોણ છે એ વિશે ભારે ઉત્સુકતા પેદા થઈ હતી.

આ કાર્યકરનું નામ રજનીકાન્ત પરમાર છે. રજનીકાન્ત પરમારને બુધવારે PSIની ફિઝિકલ પરીક્ષા હોવાથી એક દિવસના જામીન અપયા છે. રજનીકાન્ત પરમાર વતી વકીલે પરીક્ષામાં હાજર રહેવાનું હોવાથી જામીનની માગણી સાથે  દલીલ કરતા આરોપીને કોર્ટમાં બોલાવવામાં આવ્યા હતા. આરોપી રજનીકાંત પરમાર કોર્ટમાં આવ્યા બાદ તેને જજે પરીક્ષા હોવા અંગે પૂછ્યું હતું અને એ પછી ઓર્ડર લખવાનો શરૂ કર્યો હતો.

જજે પોતાના ઓર્ડરમાં રજનીકાન્ત પરમારને બુધવારે PSIની ફિઝિકલ પરીક્ષા હોવાથી એક દિવસના વચગાળાના જામીન આપવામાં આવ્યા હોવાનું કહ્યું હતું. જજે રજનીકાન્ત પરમારની જામીનની મુદત પૂરી થાય પછી 23 ડિસેમ્બરે કોર્ટમાં હાજર થવા કહ્યું હતું. જજ અન્ય 64 આરોપીઓને જ્યુડિશિયલ કસ્ટડીમાં મોકલવા આદેશ કર્યો હતો. આરોપીઓને કોર્ટમાં રજૂ કરાયા ત્યારથી જ્યુડિશિયલ કસ્ટડીમાં મોકલવાનો આદેશ કર્યો ત્યાં સુધી તમામ આરોપીઓને કોર્ટ પરિસરમાં જ રાખવામાં આવ્યા હતા.

આ પહેલાં મંગળવારે સાંજે જામીન અરજી પર સુનાવણી દલીલ દરમિયાન પોલીસે સ્ટેશન ડાયરી ના લાવ્યા હોવાની દલીલ થઈ કરી હતી.  જજે સાંજે 7.45 કલાકે પોલીસને તાત્કાલિક ડાયરી લાવવા આદેશ કર્યો હતો. જજના આદેશ બાદ બાદ પોલીસ ડાયરી લેવા ગઈ હતી અને 9 વાગે પોલીસ ડાયરી લઈને કોર્ટમાં હાજર થઈ હતી. પોલીસ ડાયરી લઈને આવી પછી 9:05 કલાકે રજનીકાન્ત પરમારે જામીન માટે દલીલ કરી હતી.

આમ આદમી પાર્ટીના કાર્યકરો અને ભાજપના સભ્યો વચ્ચે કમલમ ખાતે ઘર્ષણને પગલે આમ આદમી પાર્ટીના નેતાઓ સામે પોલીસ ફરિયાદ બાદ કુલ 93 કાર્યકરો-નેતાઓની ધરપકડ કરાઈ છે. પોલીસે 65 પુરુષ અને 28 મહિલા મળીને કુલ 93 આરોપીઓની ધરપકડ કરી હતી.

 

આ પણ વાંચો..........