Gujarat Andolan : OPSની માંગ સાથે કર્મચારીઓની વિધાનસભા તરફ કૂચ, પોલીસે કરી અટકાયત
ગાંધીનગરની સત્યાગ્રહ છાવણી ખાતે વિવિધ સંગઠન પહોંચ્યા છે. શિક્ષકો, વિસીએ અને GISFના લોકો સત્યાગ્રહ છાવણી પહોંચ્યા હતા. પોતાના પડતર પ્રશ્નોની માગણીઓ સાથે પહોંચ્યા વિરોધ કરી રહ્યા છે.
Gujarat Andolan : ગાંધીનગરની સત્યાગ્રહ છાવણી ખાતે વિવિધ સંગઠન પહોંચ્યા છે. શિક્ષકો, વિસીએ અને GISFના લોકો સત્યાગ્રહ છાવણી પહોંચ્યા હતા. પોતાના પડતર પ્રશ્નોની માગણીઓ સાથે પહોંચ્યા વિરોધ કરી રહ્યા છે. અહીંથી સરકારી કર્મચારીઓએ વિધાનસભા કૂચ તરફ શરૂ કરી છે. જોકે, પોલીસે તેમને અટકાવ્યા હતા અને તેમની અટકાયત કરવામાં આવી રહી છે.
Gujarat Andolan : 12 કલાકમાં બે આંદોલનોનો આવ્યો અંત, જાણો સંપૂર્ણ વિગત
ગાંધીનગરઃ ગુજરાતમાં વિધાનસભાની ચૂંટણી પહેલા એસટી પછી વધુ એક આંદોલનનો સુખદ અંત આવ્યો છે. પૂર્વ સૈનિકોના આંદોલનનો અંત લાવવામાં સરકાર સફળ થઈ છે. માજી સૈનિકોના 14 મુદ્દાઓ પર કમિટીના ગઠન સાથે આંદોલનનો અંત આવ્યો છે. ગૃહ વિભાગના મુખ્ય અધિક સચિવના અધ્યક્ષ સ્થાને કમિટી બનાવવામાં આવી છે. આંદોલનના ચક્રવ્યૂહને તોડવામાં સરકારને સફળતા મળવાની શરૂઆત થઈ છે.
ગુજરાતમાં 12 કલાકમાં બે આંદોલનનો અંત લાવવામાં ભૂપેન્દ્ર પટેલ સરકારને સફળતા મળી છે. આંદોલનોના કોઠા વિંધવામાં વિધાનસભાનું સત્ર શરૂ થાય તે પહેલા બે સફળતા મળી છે. માજી સૈનિકના 14 મુદ્દાઓ પર કમિટી બનાવવામાં આવી છે. સમય મર્દાયામાં કમિટી રિપોર્ટ ફાઇલ કરશે. પાંચ સભ્યોની કમિટી બનાવવામાં આવી છે. ગૃહ વિભાગના મુખ્ય અધિક સચિવના અધ્યક્ષ સ્થાને કમિટી બનાવવામાં આવી છે. જેમાં મહેસૂલ, સામાન્ય વહિવટ, નાણા અને ગૃહ વિભાગના સચિવોનો સમાવેશ થાય છે.
Gujarat Andolan : સરકાર સાથે બેઠક પછી કયા આંદોલનનો આવ્યો સુખદ અંત, કયા પ્રશ્નોનું થયું નિરાકરણ?
સુરતઃ ગુજરાતમાં એસટી વિભાગ દ્વારા 22મી તારીખે હડતાળનું એલાન કરવામાં આવ્યું હતું. જોકે, એસટી બસોના પૈડા થંભી જાય તે પહેલા જ સરકાર એલર્ટ થઈ હતી અને આંદોલનકારીઓ સાથે વાટાઘાટો કરી હતી. આ વાટાઘાટો સફળ થતાં આંદોલનનો અંત આવ્યો છે. ST કર્મચારીઓનું આંદોલન સમેટાયું છે. એસ.ટી. નિગમના કર્મચારીઓના વર્ષો જૂના પડતર પ્રશ્નોનું સુખદ સમાધાન થયુ.
મંત્રી પુર્ણેશ મોદી સાથે ગઈ કાલે ST યુનિયન ની બેઠક થઈ હતી. બેઠકમાં સમસ્યા ઉકેલવામાં આવી. રાજ્યના મુખ્યમંત્રી ભૂપેન્દ્ર પટેલના માર્ગદર્શન હેઠળ વાહનવ્યવહાર કેબિનેટ મંત્રી પૂર્ણેશ મોદીની અધ્યક્ષતામાં બેઠક મળી હતી. એસ.ટી.ના માન્ય કર્મચારી યુનિયનોના આગેવાનોની ૨૫ વર્ષ જેટલા જૂના વિવિધ પડતર પ્રશ્નોની માંગણી સાથે બેઠક મળી હતી.
સાત કલાકથી વધુ સમય સુધી ચાલેલી આ બેઠકમાં ફાયનાન્સ વિભાગના શ્રી મિલીંદ તોરવણે, એસ.ટી.ના એમ.ડી. શ્રી એમ.એ.ગાંધી સહિત અન્ય અધિકારીઓ ઉપસ્થિત રહ્યા હતાં. મેરેથોન ચર્ચાના અંતે વિવિધ પડતર પ્રશ્નોનું સુખદ નિરાકરણ થતાં કર્મચારીઓમાં હર્ષની લાગણી ફેલાઈ છે.
સરકારે કેટલો પગાર વધારો કર્યો? બીજી કઈ માંગણી સ્વીકારી.
હેલ્પરના 14,800થી વધારીને 15,800 કરાયા.
આરસીએમાં 15 હજાર 16 હજાર કરાયા
ડ્રાઇવરના 16 હજારથી વધારીને 18,500 કરાયા.
કંડક્ટરના 16 હજારથી વધારીને 18,500 કરાયા.
ક્લાર્કના 16 હજારથી વધારીને 18,500 કરાયા.
જૂનિયર આસિસ્ટન્ટના 16 હજારથી વધારીને 18,500 કરાયા.
વર્ગ-3ના સુપરવાઇઝરના 21માં વધારો કરી 23 હજાર કરાયા.
ડ્રાઇવર કમ કંડક્ટરની પોસ્ટ નાબૂદ
વર્ગ-4ના કર્મચારીઓનું બોનસ ચૂકવાશે
ઓનલાઇન બૂકિંગમાં ડ્રાઇવર-કંડક્ટરના નંબર નહીં અપાયા
2021-22ની હક્ક રજા અંગે પણ નિર્ણય લેવાયો
ટોપ સ્ટોરી
ટ્રેન્ડિંગ સમાચાર
