Gujarat Assembly Election 2022: નવસારીમાં કોગ્રેસે આઇટી સેલના પ્રમુખને કર્યા સસ્પેન્ડ

ગુજરાત વિધાનસભાની ચૂંટણી અગાઉ કોગ્રેસે નવસારીમાં આઇટી સેલના પ્રમુખને સસ્પેન્ડ કર્યા છે

ફાઇલ તસવીર

નવસારીઃ ગુજરાત વિધાનસભાની ચૂંટણી અગાઉ કોગ્રેસે નવસારીમાં આઇટી સેલના પ્રમુખને સસ્પેન્ડ કર્યા છે. યશ દેસાઈએ સોશલ મીડિયા પર પક્ષ વિરુદ્ધ લખાણ અને વીડિયો પોસ્ટ કર્યો હતો. જે ધ્યાને આવતા કૉંગ્રેસે કાર્યવાહી કરી હતી. આઈ ટી સેલના પ્રમુખ યશ દેસાઈને પક્ષ વિરુદ્ધ કામગીરી કરતા છ વર્ષ માટે સસ્પેન્ડ કરવામાં આવ્યા છે.

ગુજરાતમાં મુખ્યમંત્રીની પ્રથમ પસંદગી કોણ? લોકોએ કોંગ્રેસ કરતાં AAPના સીએમ ઉમેદવારનું નામ વધુ લીધું, જાણો ભૂપેન્દ્ર પટેલ વિશે શું કહ્યું

Gujarat Election 2022: ગુજરાત વિધાનસભા ચૂંટણી 2022ના પ્રથમ તબક્કાના મતદાનમાં માત્ર એક સપ્તાહ બાકી છે. તમામ પક્ષો પોતાની જીતના દાવા કરી રહ્યા છે. મતદાનમાં જનતા કોને સાથ આપે છે તે તો 8મી ડિસેમ્બરે આવનારા પરિણામોમાં ખબર પડશે, પરંતુ તે પહેલા અલગ-અલગ સર્વેમાં જનતાનો મૂડ જાણવાનો પ્રયાસ કરવામાં આવ્યો છે. તમામ ન્યૂઝ ચેનલોએ સર્વે કરીને જાણવાનો પ્રયાસ કર્યો છે કે આ ચૂંટણીમાં કયો પક્ષ કેટલી બેઠકો જીતશે. રાજ્યના આગામી સીએમ તરીકે જનતાની પ્રથમ પસંદ કોણ છે? ચાલો જાણીએ આવા જ એક સર્વેના અંદાજ વિશે.

ઈન્ડિયા ટીવી-મેટર્સ ઓપિનિયન પોલમાં જનતાને પૂછવામાં આવ્યું કે રાજ્યના આગામી સીએમ કોણ હશે. આવો જાણીએ જનતાનો જવાબ...

જ્યારે મુખ્યમંત્રી પદ માટે તેમની પસંદગી વિશે પૂછવામાં આવ્યું ત્યારે 32 ટકા લોકોએ ભૂપેન્દ્ર પટેલ, 7 ટકા AAP નેતા ઇસુદાન ગઢવી, 6 ટકા કોંગ્રેસ નેતા શક્તિસિંહ ગોહિલ, 4 ટકા ભરતસિંહ સોલંકી, 4 ટકા સુખરામ રાઠવા, 4 ટકા લોકોએ પસંદ કર્યું હતું. અર્જુન મોડવાડિયા અને 3 ટકા લોકોએ જગદીશ ઠાકોરને તેમની પસંદગી હોવાનું જણાવ્યું હતું.

આપને જણાવી દઈએ કે, રાજ્યમાં પહેલીવાર ચૂંટણી લડી રહેલા આમ આદમી પાર્ટીના રાષ્ટ્રીય સંયોજક અરવિંદ કેજરીવાલે ગુજરાતમાં પોતાના મુખ્યમંત્રીપદના ચહેરાની જાહેરાત કરી દીધી હતી. કેજરીવાલે ઇસુદાન ગઢવીને સીએમ ચહેરા તરીકે જાહેર કર્યા છે. ઇસુદાન ગઢવી વ્યવસાયે પત્રકાર છે. પંજાબની જેમ ગુજરાતના મુખ્યમંત્રી કોણ હોવું જોઈએ તે અંગે પાર્ટીએ ગુજરાતની જનતાનો અભિપ્રાય માંગ્યો હતો. લોકોના અભિપ્રાય બાદ જ પાર્ટીએ સીએમ ચહેરાની જાહેરાત કરી હતી.

 

તમને જણાવી દઈએ કે વર્ષ 2021માં ગઢવી પણ વિવાદમાં ફસાયા હતા. ગુજરાતમાં પેપર લીકની ઘટના બાદ, AAP કાર્યકરોએ વિરોધ કરવા માટે કમલમમાં બીજેપી હેડક્વાર્ટર પર ધરણાં કર્યાં હતાં. ભાજપે આરોપ લગાવ્યો હતો કે ઇસુદાન ગઢવીએ દારૂ પીને પાર્ટી ઓફિસમાં ઘૂસવાનો પ્રયાસ કર્યો હતો અને મહિલાઓ સાથે ગેરવર્તન કર્યું હતું. જોકે પોલીસે તપાસ કરતાં દારૂ ખૂબ જ ઓછી માત્રામાં મળી આવ્યો હતો.