Gujarat Election 2022: કેટલા ટકા લોકો AAPના ઈસુદાન ગઢવીને ગુજરાતના CM બનાવવા માંગે છે ? સર્વેના પરિણામ છે ચોંકાવનારા
Gujarat Election: પાર્ટીએ ગુજરાતમાં તેના મુખ્યમંત્રી ચહેરાની પણ જાહેરાત કરી છે. AAPના કન્વીનર અને દિલ્હીના મુખ્યપ્રધાન અરવિંદ કેજરીવાલે ઇસ્પદાન ગઢવીને ગુજરાતમાં AAPના CM ચહેરા તરીકે જાહેર કર્યા છે.
Gujarat Election 2022: આમ આદમી પાર્ટી ગુજરાત વિધાનસભા ચૂંટણી 2022ને સૌથી રસપ્રદ બનાવવાનો દાવો કરી રહી છે. કેજરીવાલની પાર્ટી દિલ્હી અને પંજાબ બાદ ગુજરાતમાં પણ સરકાર બનાવવાનો દાવો કરી રહી છે. પાર્ટીએ ગુજરાતમાં તેના મુખ્યમંત્રી ચહેરાની પણ જાહેરાત કરી છે. AAPના કન્વીનર અને દિલ્હીના મુખ્યપ્રધાન અરવિંદ કેજરીવાલે ઇસ્પદાન ગઢવીને ગુજરાતમાં AAPના CM ચહેરા તરીકે જાહેર કર્યા છે.
ગુજરાતમાં ચૂંટણી માટે બે તબક્કામાં મતદાન થવાનું છે. પ્રથમ તબક્કાનું મતદાન 1 ડિસેમ્બરે છે જ્યારે બીજા તબક્કાનું મતદાન 5 ડિસેમ્બરે છે. ચૂંટણીના પરિણામો 8 ડિસેમ્બરે જાહેર કરવામાં આવશે. જો કે આ પહેલા વિવિધ ન્યૂઝ ચેનલોના સર્વેમાં જનતાના મૂડનો અંદાજ કાઢવાનો પ્રયાસ કરવામાં આવી રહ્યો છે. ઈન્ડિયા ટીવી-મેટરાઈઝના સર્વેમાં લોકોને એ પણ પૂછવામાં આવ્યું કે તેઓ ગુજરાતમાં સીએમ તરીકે કોને પસંદ કરે છે. ચાલો જોઈએ કે તેમનો શું જવાબ હતો.
પ્રશ્ન - ગુજરાતમાં મુખ્યમંત્રી કોણ બનશે
- ભૂપેન્દ્ર પટેલ - 32 ટકા
- શક્તિસિંહ ગોહિલ - 6 ટકા
- ભરતસિંહ સોલંકી - 4 ટકા
- ઇસુદાન ગઢવી - 7 ટકા
સર્વેના અંદાજો પરથી સ્પષ્ટ થાય છે કે ઇસુદાન ગઢવી માત્ર સાત ટકા લોકોની સીએમ પસંદગી છે. જોકે સાચુ પરિણામ 8મીએ પરિણામ આવશે ત્યારે ખબર પડશે.
ઇસુદાન ગઢવી વિશે કેટલીક મહત્વની વાતો.
40 વર્ષના ઇસુદાન ગઢવીનો જન્મ 10 જાન્યુઆરીના રોજ દેવભૂમિ દ્વારકા જિલ્લાના પીપળીયા ગામમાં થયો હતો. તેમણે અમદાવાદની ગુજરાત વિદ્યાપીઠમાંથી પત્રકારત્વની ડિગ્રી મેળવી છે. તેણે લગભગ 17 વર્ષ પહેલા એક સ્થાનિક ન્યૂઝ ચેનલ સાથે પત્રકાર તરીકે તેની કારકિર્દી શરૂ કરી હતી. તેઓ લોકપ્રિય ટીવી એન્કર રહી ચૂક્યા છે. પત્રકારમાંથી રાજકારણી બનેલાએ VTV ગુજરાતીમાં 'મહામંથન' નામનો શો પણ એન્કર કર્યો હતો, જેણે ગ્રામીણ જનતામાં નોંધપાત્ર લોકપ્રિયતા મેળવી હતી. આ શો ખેતી અને કૃષિ સંબંધિત મુદ્દાઓ પર પ્રકાશ ફેંકતો હતો. એક પત્રકાર તરીકે, તેઓ એન્કરિંગની તેમની આક્રમક શૈલી અને ઓન-સ્ક્રીન વ્યક્તિત્વ માટે જાણીતા હતા.
એક ન્યૂઝ શો દ્વારા, તેમણે ગુજરાતના ડાંગ અને કપરાડા તાલુકાઓમાં ગેરકાયદેસર વન નાબૂદીના રૂ. 150 કરોડના કૌભાંડને સામે લાવ્યા. જે બાદ ઇસુદાન ગઢવીની લોકપ્રિયતા વધી હતી. આ શોએ જ સરકારને પગલાં લેવાની ફરજ પડી હતી. 2015 માં, ઇસુદાન ગઢવી ગુજરાતની ન્યૂઝ ચેનલના સૌથી યુવા સંપાદક પણ રહ્યા છે.
ગઢવી અન્ય પછાત વર્ગ (ઓબીસી) સમુદાયના છે. તેઓ 14 જૂન 2021ના રોજ AAPમાં જોડાયા હતા. જ્યારે અરવિંદ કેજરીવાલ પાર્ટીના રાજ્ય મુખ્યાલયનું ઉદ્ઘાટન કરવા અમદાવાદમાં હતા. પક્ષ દ્વારા હાથ ધરવામાં આવેલા મતદાનમાં ઇસુદાન ગઢવીને 73% મત મળ્યા હતા અને તેમને ગુજરાત ચૂંટણી માટે મુખ્યમંત્રી પદના ઉમેદવાર બનાવવામાં આવ્યા હતા. તેઓ ગુજરાતમાં AAPના પાયાના નેતા તરીકે ઓળખાય છે. ઇસુદાન ગઢવી તેમના વતન ખંભાળીયામાંથી ચૂંટણી લડવાના છે.
વર્ષ 2021માં ગઢવી પણ વિવાદમાં ફસાયા હતા. ગુજરાતમાં પેપર લીકની ઘટના બાદ, AAP કાર્યકરોએ વિરોધ કરવા માટે કમલમમાં બીજેપી હેડક્વાર્ટર પર હુમલો કર્યો. ભાજપે આરોપ લગાવ્યો હતો કે ઇસુદાન ગઢવીએ દારૂ પીને પાર્ટી ઓફિસમાં ઘૂસવાનો પ્રયાસ કર્યો હતો અને મહિલાઓ સાથે ગેરવર્તન કર્યું હતું. જોકે પોલીસે તપાસ કરતાં દારૂ ખૂબ જ ઓછી માત્રામાં મળી આવ્યો હતો.
ટોપ સ્ટોરી
ટ્રેન્ડિંગ સમાચાર
