Gujarat Election: કોંગ્રેસમાં ફરી એકવાર ભડકો, કયા દિગ્ગજ નેતાએ ધરી દીધું રાજીનામું? AAPમાં જોડાશે

ગુજરાતમાં વિધાનસભા ચૂંટમી પહેલા કોંગ્રેસમાં ફરી એકવાર ભડકો થયો છે.  મહીસાગર જિલ્લામાં કોંગ્રેસના નેતાએ રાજીનામું આપ્યું છે. આગામી સમયમાં આમ આદમી પાર્ટીમાં જોડાશે.

પ્રતિકાત્મક તસવીર

Gujarat Election: ગુજરાતમાં વિધાનસભા ચૂંટમી પહેલા કોંગ્રેસમાં ફરી એકવાર ભડકો થયો છે.  મહીસાગર જિલ્લામાં કોંગ્રેસના નેતાએ રાજીનામું આપ્યું છે. આગામી સમયમાં આમ આદમી પાર્ટીમાં જોડાશે. મહીસાગર જિલ્લા કોંગ્રેસ સમિતિના ઉપપ્રમુખ ઉદેસિંહ ચૌહાણે રાજીનામું આપ્યું છે. વિધાનસભાની ચૂંટણી પહેલા કોંગ્રેસમાં મોટું ભંગાણ થયું છે. 

મહીસાગર જિલ્લા કોંગ્રેસમાં 2017માં વિધાનસભા માટે ટિકિટ માગી હતી, પરંતુ સગાવાદના કારણે ટિકિટ ન મળ્યા ન લગાવ્યા આક્ષેપ. કોંગ્રેસમાં વિવિધ પદો ઉપર રહી ચૂક્યા છે ઉદેસિંહ ચૌહાણ. આગામી સમયમાં આમ  આદમી પાર્ટીમાં જોડાશે.

Gujarat Election : રાજકોટથી કોંગ્રેસની યાત્રાનો પ્રારંભ, કોણ કોણ રહ્યું ઉપસ્થિત?

Gujarat Election : ગુજરાતમાં ચૂંટણીનો ધમધમાટ શરૂ થઈ ગયો છે. ત્યારે રાજકોટ સરદાર પટેલ સ્ટેચ્યુથી માના દ્વારે કોંગ્રેસની યાત્રાનો પ્રારંભ થયો છે. યાત્રામાં પ્રદેશ કોંગ્રેસના પ્રમુખ જગદીશ ઠાકોર, રાજ્યસભાના સાંસદ શક્તિસિંહ ગોહિલ સહિત ધારાસભ્યો ઉપસ્થિત રહ્યા હતા. જગદીશ ઠાકોરે  ભાજપ સરકાર પર આકરા પ્રહારો કર્યો હતો. સૌરાષ્ટ્ર કોંગ્રેસના ધારાસભ્યો અને સંગઠનના હોદ્દેદારો ઉપસ્થિત છે. 

કોણ કરશે યાત્રાનું સ્વાગત

કોંગ્રેસના ધારાસભ્ય લલિત કગથરાએ શુક્રવારે જણાવ્યું હતું કે 'ચાલો કોંગ્રેસ સાથે માતાના દ્વારે જઈએ'ની યાત્રા બુધવારે સવારે 8 વાગ્યે રાજકોટ શહેરથી શરૂ થશે. કગથરાએ જણાવ્યું હતું કે ખોડલધામ ટેમ્પલ ટ્રસ્ટના પ્રમુખ નરેશ પટેલ રાજકોટ જિલ્લાના કાગવડ મંદિર ખાતે 500 વાહનો સાથે રેલીનું સ્વાગત કરશે. લેઉવા પાટીદાર સમાજમાં નરેશ પટેલોનો આધાર સારો માનવામાં આવે છે. તેઓ ખોડલધામ મંદિરના ટ્રસ્ટી પણ છે.

કોંગ્રેસની આ યાત્રા રાજકોટથી શરૂ થશે અને જૂનાગઢ જિલ્લાના સિદસરની મુલાકાત બાદ સમાપ્ત થશે. આ બંને સ્થાનો કડવા પાટીદાર સમાજની દેવી મા ઉમિયાના મંદિરો માટે જાણીતા છે. યાત્રા શરૂ કરતા પહેલા યાત્રિકો રાજકોટમાં સરદાર પટેલ, ઈન્દિરા ગાંધી અને બાબાસાહેબ આંબેડકરની પ્રતિમાને પુષ્પાંજલિ અર્પણ કરશે અને વીરપુરમાં જલારામ બાપાને પ્રાર્થના કરશે. આ પછી તેઓ ખોડલધામ મંદિર પહોંચશે. ગુજરાત કોંગ્રેસના વરિષ્ઠ નેતા અને રાજ્યસભાના સાંસદ શક્તિસિંહ ગોહિલ પણ આ મુલાકાતમાં ભાગ લેશે.

ગુજરાતનું રાજકારણ

ગુજરાતમાં આ વર્ષના અંત સુધીમાં ચૂંટણી યોજાવાની છે. ગુજરાતમાં લગભગ બે દાયકાથી કોંગ્રેસ સત્તામાંથી ગાયબ છે. તે છેલ્લી ઘણી ચૂંટણીઓમાં ભાજપને સત્તા પરથી દૂર કરી શક્યું નથી. આ વખતે ભાજપ અને કોંગ્રેસને આમ આદમી પાર્ટી તરફથી સખત પડકારનો સામનો કરવો પડી રહ્યો છે. આમ આદમી પાર્ટીએ રાજ્યના લોકોને વીજળી, શિક્ષણ, આરોગ્ય અને મહિલાઓને દર મહિને એકસામટી રકમ ઉપરાંત અનેક ગેરંટી આપવાની જાહેરાત કરી છે.

કોંગ્રેસના નેતા રાહુલ ગાંધી આ મહિનાના પ્રથમ સપ્તાહમાં ગુજરાતની મુલાકાતે આવ્યા હતા. 5 સપ્ટેમ્બરે અમદાવાદમાં યોજાયેલી રેલીમાં રાહુલ ગાંધીએ કોરોના મહામારી દરમિયાન માર્યા ગયેલા લોકોના પરિવારને 4 લાખ રૂપિયાનું વળતર, ખેડૂતોને મફત વીજળી અને સામાન્ય ગ્રાહકોને 300 યુનિટ મફત વીજળી, ત્રણ હજાર અંગ્રેજી માધ્યમની શાળાઓ ખોલવાની જાહેરાત કરી હતી. ઉપરાંત કન્યાઓ માટે મફત શિક્ષણની જાહેરાત કરવામાં આવી હતી. આ સિવાય તેમણે 500 રૂપિયામાં LPG સિલિન્ડર અને 10 લાખ યુવાનોને રોજગાર આપવાનું વચન આપ્યું હતું.