Gujarat Panchayat Election 2021 : જિલ્લા પંચાયતમાં 62.55 ટકા, તાલુકા પંચાયતમાં 63.52 ટકા અને નગરપાલિકામાં 55.10 ટકા મતદાન

Gujarat Panchayat Election 2021 Updates: રાજ્યની 31 જિલ્લા પંચાયત, 231 તાલુકા પંચાયત અને 81 નગરપાલિકાની ચૂંટણીમાટે મતદાન થયું હતું. જિલ્લા પંચાયતમાં 62.55 ટકા, તાલુકા પંચાયતમાં 63.52 ટકા અને નગરપાલિકામાં 55.10 ટકા મતદાન 2 માર્ચે મતગણતરી હાથ ધરાશે.

Background

અમદાવાદ: રાજ્યની 31 જિલ્લા પંચાયત, 231 તાલુકા પંચાયત અને 81 નગરપાલિકાની ચૂંટણીમાટે સવારે 7 વાગ્યાથી મતદાન શરૂ થઈ ગયું છે. અમુક બુથ પર વહેલી સવારથી જ લોકોએ લાઇન લગાવી દીધી છે. જ્યારે 2 માર્ચે મતગણતરી હાથ ધરાશે.

અમદાવાદ જિલ્લા પંચાયતની ચૂંટણી માટે 809 ઉમેદવાર મેદાનમાં છે. જિલ્લા અને તાલુકામાં 1 હજાર 199 મતદાન કેંદ્ર ઉભા કરાયા છે. જ્યારે ગાંધીનગર જિલ્લા પંચાયત, તાલુકા પંચાયતની સામાન્ય ચૂંટણીમાં કુલ 7 લાખ 15 હજાર 511 મતદારો પોતાના મતાધિકારનો ઉપયોગ કરી ઉમેદવારોનું ભાવિ નક્કી કરશે. જયારે ત્રણ નગરપાલિકાની સામાન્ય ચૂંટણીમાં ૧ લાખ ૩૮ હજાર ૨૭૩ મતદારો મતાધિકારનો ઉપયોગ કરશે.

રાજકોટ જિલ્લાના 1 હજાર 146 મતદાન બુથ પૈકી 396 કેંદ્રને સંવેદનશીલ મતદાન કેન્દ્ર જાહેર કરાયા છે. રાજકોટ જિલ્લા પંચાયતની 36 બેઠક માટે 111 ઉમેદવારો, જ્યારે 11 તાલુકા પંચાયતની 202 બેઠક માટે 586 ઉમેદવારો મેદાનમાં છે.

20:05 PM (IST)  •  28 Feb 2021

જિલ્લા પંચાયતમાં 62.55 ટકા મતદાન, નગરપાલિકામાં 55.10 ટકા અને તાલુકા પંચાયતમાં 63.52 ટકા મતદાન થયું.

20:05 PM (IST)  •  28 Feb 2021

નર્મદા જિલ્લા પંચાયતમાં સૌથી વધુ 75.64 ટકા મતદાન થયું છે. અમરેલી જિલ્લા પંચાયતમાં સૌથી ઓછું 53.76 ટકા મતદાન થયું છે.

18:20 PM (IST)  •  28 Feb 2021

પાટણના વોર્ડ નંબર 7 ના બુથમાં મતદારો પહોંચ્યા તે પહેલા જ થઇ ગયું મતદાન. વોર્ડ નંબર 7 ના માતા ,પુત્ર ચૂંટણી કાર્ડ લઈને મતદાન કરવા ગયા તે પહેલા જ મતદાન થઈ ગયું હતું. મતદાન કર્યા વગર માતા ,પુત્ર પરત ફર્યા હતા અને બોગસ મતદાન થયું હોવાની ફરિયાદ કરી છે. મતદાનકેન્દ્ર રહેલ અધિકારીઓએ દોષનો ટોપલો એજન્ટો પર ઢોળ્યો છે.

18:38 PM (IST)  •  28 Feb 2021

નગરપાલિકામાં 53.7, જિલ્લા પંચાયતમાં 60.44 અને તાલુકા પંચાયતમાં 61.83 મતદાન થયું છે.

17:47 PM (IST)  •  28 Feb 2021

અંકલેશ્વરના વોર્ડ નંબર 1ના કોંગ્રેસના ઉમેદવાર કેતન પણવાલાએ પીપીઇ કીટ પહેરી મતદાન કર્યું હતું.