હવામાન વિભાગની આગાહી વચ્ચે પાટણમાં ધોધમાર વરસાદ,આ સ્ટેટ હાઈવે પર વાહન વ્યવહાર બંધ

Patan Rain: હવામાન વિભાગે ઉત્તર ગુજરાતમાં આગામી 2 દિવસ ભારેથી અતિભારે વરસાદની આગાહી કરી છે. આ દરમિયાન પાટણમાં મેઘરાજાએ ધમાકેદાર એન્ટ્રી કરી

પાટણમાં વરસાદ

Source : abp asmita

Patan Rain: હવામાન વિભાગની આગાહી વચ્ચે ઉત્તર ગુજરાતમાં સારો વરસાદ વરસી રહ્યો છે. હવામાન વિભાગે ઉત્તર ગુજરાતમાં આ રાઉન્ડમાં ભારે વરસાદની આગાહી કરી છે. આજે સવારથી પાટણના વાતાવરણમાં પલટો જોવા મળ્યો જેના કારણે બફારાથી લોકોને રાહત મળી. અહી કાળા ડિબાંગ વાદળો વચ્ચે વરસાદ તૂટી પડતા અને વિસ્તાર જળમગ્ન બન્યા હતા. સમગ્ર પાટણ જિલ્લામાં સાર્વત્રિક વરસાદ વરસી રહયો છે. પાટણ- માતરવાડી -રૂની -અનાવાડા સહીત ગ્રામ્ય વિસ્તારમાં મેઘરાજાએ ધમાકેદાર એન્ટ્રી કરી. ભારે વરસાદના કારણે અનેક રસ્તા પણ પ્રભાવિત થયા છે.સાબરકાંઠાના ગાંભોઈ-ભિલોડા સ્ટેટ હાઈવે પર વાહન વ્યવહાર બંધ કરાયો છે.

ગુજરાતમાં આગામી 2 દિવસ વરસાદની આગાહી

લો પ્રેશર એરિયા ગુજરાત પર આવશે, જેના કારણે આજે દક્ષિણ ગુજરાત અને સૌરાષ્ટ્રમાં પવનની ગતિ વધી જશે. અહીં આ આવિસ્તારમાં ભારે પવન સાથે ગાજવીજ સાથે વરસાદનું અનુમાન છે. કેટલાક વિસ્તારમા 45 કિલોમીટર પ્રતિકલાકની ઝડપે પવન ફુંકાઇ શકે છે. આ સિસ્ટમની સૌથી વધુ અસર ઉત્તર ગુજરાતના વિસ્તારમાં થશે. પાટણ, મહેસાણા, બનાસકાંઠા, સાબરકાંઠામાં ભારે વરસાદનું અનુમાન છે. આ સિવાય મધ્ય ગુજરાતના કેટલાક જિલ્લમાં પણ ભારે વરસાદનું અનુમાન છે.  અમદાવાદમાં પણ આજે વરસાદનું પ્રમાણ ખૂબ રહેશે, આ સિવાય સૌરાષ્ટ્રના જિલ્લામાં સુરેન્દ્રનગર, મોરબી, રાજકોટમાં પણ વરસાદનું પ્રમાણ વધુ જોવા મળશે. વરસાદના આ રાઉન્ડમાં કેટલાક જગ્યા ભારે તો કેટલીક જગ્યાએ અતિ ભારે તો કેટલાક વિસ્તારમાં ભારેથી અતિભારે વરસાદ પણ  પડી શકે છે.

ખેડા, પંચમહાલ, દાહોદ,અરવલ્લી, મહિસાગરમાં પણ આજે વરસાદનું જોર રહેશે. દક્ષિણ ગુજરાતની વાત કરીએ તો વરસાદનું પ્રમાણ ઘટી શકે છે જો કે ત્યાં પણ મધ્યમ વરસાદ વરસતો રહેશે. આ સિસ્ટમ આગળ વધતા કચ્છમાં પણ આગામી દિવસોમાં વધુ વરસાદ પડવાની શક્યતા છે. આ સિસ્ટમ પાકિસ્તાન તરફ જતી રહેતા બાદ વરસાદનું પ્રમાણ ઘટશે. વરસાદ ઉત્તર ગુજરાત, મધ્ય ગુજરાત અને સૌરાષ્ટ્ર કચ્છમાં આ રાઉન્ડમાં ભારે વરસાદનું અનુમાન છે. હવામાન વિભાગની આગાહી મુજબ આગામી ત્રણ દિવસ ગુજરાતમાં મધ્યમથી ભારે વરસાદ સાર્વત્રિક વરસાદનું અનુમાન છે.

ભારે વરસાદ ક્યાં પડશે

બનાસકાંઠા,પાટણ, મહેસાણા, સાબરકાંઠા,ગાંધીનગર, અરવલ્લી,મહિસાગર,કચ્છ,મોરબી, સુરેન્દ્રનગર,અમદાવાદ, ખેડા,દાહોદ, પંચમહાલ, રાજકોટ, બોટાદ, જામનગર, દેવભૂમિ દ્વારકા,પોરબંદર, જૂનાગઢ, આ તમામ વિસ્તારમાં ભારેથી અતિ ભારે વરસાદની આગાહી છે. આ સાથે દક્ષિણ ગુજરાતમાં વરસાદનું પ્રમાણ ઘટશે પરંતુ હળવાથી મઘ્યમ વરસાદ વરસતો રહેશે, ટૂંકમાં આગામી 2ણ દિવસ ગુજરાતમાં મધ્યમથી ભારે સાર્વત્રિક વરસાદનું અનુમાન છે.