![ABP Premium](https://cdn.abplive.com/imagebank/Premium-ad-Icon.png)
સૌરાષ્ટ્રના આ શહેરમાં PSIને ચાર દિવસમાં ત્રણ વાર સસ્પેન્ડ કરતાં પોલીસ તંત્રમા સોપો પડી ગયો...
અમરેલી જિલ્લા પોલીસ વડા નિર્લિપ્ત રાયે સોમવારે પીએસઆઇ પી.બી.લક્કડને વધુ બે અલગ અલગ કેસમાં વધુ બે સસ્પેન્શન ઓર્ડર પકડાવી દીધા હતા.
![સૌરાષ્ટ્રના આ શહેરમાં PSIને ચાર દિવસમાં ત્રણ વાર સસ્પેન્ડ કરતાં પોલીસ તંત્રમા સોપો પડી ગયો... In this city of Saurashtra, PSI was suspended three times in four days સૌરાષ્ટ્રના આ શહેરમાં PSIને ચાર દિવસમાં ત્રણ વાર સસ્પેન્ડ કરતાં પોલીસ તંત્રમા સોપો પડી ગયો...](https://feeds.abplive.com/onecms/images/uploaded-images/2022/02/22/3da707929886d8055b257f1ebd0eba8b_original.jpg?impolicy=abp_cdn&imwidth=1200&height=675)
અમરેલીઃ અમરેલી જિલ્લા પોલીસ વડા નિર્લિપ્ત રાયે પીએસઆઇ પી.બી.લક્કડને ચાર દિવસમાં ત્રણ વાર સસ્પેન્ડ કરી દેવાતાં પોલીસ બેડામાં સોપ પડી ગયો છે. અમરેલી જિલ્લા પોલીસ વડા નિર્લિપ્ત રાયે અમરેલી તાલુકામાં થઈ રહેલી બેફમા રેતી ચોરીને કારણે અમરેલી તાલુકા પોલીસ મથકના તમામ સ્ટાફને બદલી નાંખ્યો હતો. આ સાથે તેમણે અમરેલ તાલુકા પોલીસ મથકના પીએસઆઇ પી.બી.લક્કડને સસ્પેન્ડ કરી નાખ્યાં હતા.
અમરેલી જિલ્લા પોલીસ વડા નિર્લિપ્ત રાયે સોમવારે પીએસઆઇ પી.બી.લક્કડને વધુ બે અલગ અલગ કેસમાં વધુ બે સસ્પેન્શન ઓર્ડર પકડાવી દીધા હતા. આમ પીએસઆઇ પી.બી.લક્કડને માત્ર ચાર દિવસના ગાળામાં જ ત્રણ વખત સસ્પેન્ડ કરાયાની અભૂતપુર્વ ઘટના બનતાં પોલીસ બેડામાં સોપો પડી ગયો છે. અમરેલી તાલુકામા વધેલા બેફામ રેતી ચોરીના કારણે જિલ્લા પોલીસ વડા નિર્લિપ્ત રાયે સોમવારે એલસીબીમાં ફરજ બજાવતા કોન્સ્ટેબલ ગીરીરાજસિંહ જાડેજાને પણ અમરેલી જિલ્લા હેડ કવાર્ટરમા મુકી દીધા હતા. પોલીસ સૂત્રોમાં ચાલી રહેલી ચર્ચા પ્રમાણે એસઓજીમાથી 70 ટકા સ્ટાફની બદલી કરાયા બાદ હવે પોલીસ વડા દ્વારા એલસીબીની સાફ સફાઇ શરૂ કરાઇ છે.
પોલીસ તંત્રમાં મલ્ટિપલ સસ્પેન્શનની ઘટના ભાગ્યે જ બનતી હોય છે. આવી જ એક ઘટનામાં અમરેલી તાલુકા પોલીસ મથકના પીએસઆઇ તરીકે ફરજ બજાવતા પી.બી.લક્કડને ખુબ જ ટુંકાગાળામા ત્રણ વખત સસ્પેન્ડ કરી દેવામા આવ્યા છે. તાલુકા પોલીસ મથકની હદમાં બેફામ રેતી ચોરી ચાલી રહી છે અને પોલીસ દ્વારા હપ્તા લઈને આંખ આડા કાન કરાતા હોવાની વ્યાપક ફરિયાદો ઉઠતા જિંલ્લા પોલીસ વડાએ પીએસઆઈ લક્કડ સામે તપાસ શરૂ કરાવીને સસ્પેન્ડ કરી દીધા હતા.
પીએસઆઈ લક્કડ સામે અન્ય બે મામલામા પણ તપાસ ચાલી રહી હતી. આ વિસ્તારમા દારૂની હેરફેરના એક મામલામા પણ આજે તેમને સસ્પેન્ડ કરતો ઓર્ડર આપી દેવાયો હતો. એક આરોપી સામે અટકાયતી પગલા લેવામા કસૂરર કરવા બદલ તેમને ત્રીજી વખત પણ સસ્પેન્શનનો ઓર્ડર આપી દેવાયો હતો.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)