શોધખોળ કરો

Kheda: નદીમાં પુર આવતા અડધી રાત્રે આ ગામમાં ઘૂસ્યુ પાણી, લોકોએ ફટાફટ ખાલી કરી દુકાનો-ઘરો, ધારાસભ્ય મદદે

ખેડાના કપડવંજના મોટીઝેર ગામમાં અડધી રાત્રે નદીના પાણી ઘૂસી ગયા, જેના કારણે લોકોમાં ફફડાટ પેદા થયો છે.

By : એબીપી અસ્મિતા વેબ ટીમ | Updated at : 18 Sep 2023 02:38 PM (IST)

Kheda: river overflow and water goes into Mother village in midnight, latest pictures viral Kheda: નદીમાં પુર આવતા અડધી રાત્રે આ ગામમાં ઘૂસ્યુ પાણી, લોકોએ ફટાફટ ખાલી કરી દુકાનો-ઘરો, ધારાસભ્ય મદદે

તસવીર

Kheda: દક્ષિણ ગુજરાત અને મધ્ય ગુજરાતમાં છેલ્લા 24 કલાકથી વધુ સમયથી વરસાદ ખાબકી રહ્યો છે, સમગ્ર રાજ્યમાં વરસાદો સાર્વત્રિક રાઉન્ડ શરૂ થઇ ગયો છે, અને હજુ પણ હવામાન વિભાગે ભારે વરસાદની આગાહી વ્યક્ત કરી છે. આ બધાની વચ્ચે ખેડા જિલ્લામાં વરસાદી પાણીએ કેર વર્તાવ્યો છે. સમાચાર મળી રહ્યાં છે કે, ખેડાના કપડવંજના મોટીઝેર ગામમાં અડધી રાત્રે નદીના પાણી ઘૂસી ગયા, જેના કારણે લોકોમાં ફફડાટ પેદા થયો છે.

Kheda: નદીમાં પુર આવતા અડધી રાત્રે આ ગામમાં ઘૂસ્યુ પાણી, લોકોએ ફટાફટ ખાલી કરી દુકાનો-ઘરો, ધારાસભ્ય મદદે

મળતી માહિતી પ્રમાણે, ખેડે જિલ્લાના કપડવંજ તાલુકાના મોટીઝેર ગામમાં ગઇ રાત્રે વરસાદી પાણી કેર વર્તાવ્યો હતો.

ગામમાં અડધી રાત્રે -મધ્યરાત્રીએ નદીના પાણી ગામમાં ઘૂસી ગયા હતા. મોટી ઝેર ગામમાંથી પસાર થતી વરાસી નદીમાં અચાનક વરસાદના કારણે પુર આવ્યુ અને નદીના પાણી ગામમાં ઘૂસી ગયા હતા. વરાસી નદી બે કાંઠે વહેતી થઇ ગઇ છે. વરસાદ અને ઉપરવાસમાં થયેલા ભારે વરસાદના કારણે મોટી ઝેર સહિત કપડવંજ તાલુકામાં ભારે અસર જોવા મળી રહી છે.

પાણી ઘૂસતા ગામના મુખ્ય બજારમાં આવેલી 25થી વધું દુકાનોને તાત્કાલિક ખાલી પણ કરાવવામાં આવી હતી. જોકે, આ દરમિયાન કપડવંજ ધારાસભ્ય રાજેશકુમાર ઝાલાએ સ્થળ પર પહોંચી પરિસ્થિતિનું નિરીક્ષણ કર્યું હતુ.

ભાદરવામાં અનરાધાર વરસાદ, છેલ્લા 24 કલાકમાં 100 તાલુકામાં વરસાદ ખાબક્યો

ઓગસ્ટ મહિનાના વિરામ બાદ સપ્ટેમ્બર મહિનામાં મેઘરાજાનું ધમાકેદાર આગમન થયું છે. 24 કલાકમાં રાજ્યના 100 તાલુકાઓમાં 1થી 10 ઈંચ વરસાદ વરસ્યો છે અને હજુ પણ આગામી 4 દિવસ ભારેથી અતિભારે વરસાદની આગાહી છે. તેમાં પણ બનાસકાંઠા, સાબરકાંઠા, અરવલ્લીમાં તો વરસાદનું રેડ એલર્ટ આપવામાં આવ્યું છે. હવામાન વિભાગના મતે બંગાળની ખાડીમાં લો- પ્રેશર સક્રીય છે જેના કારણે ગુજરાતમાં વરસી રહ્યો છે ભારે વરસાદ અને હજુ ભારે વરસાદ રહેવાનું હવામાન વિભાગનું અનુમાન છે. જેથી માછીમારોને પણ દરિયો ન ખેડવા હવામાન વિભાગે સૂચના આપી છે.

છેલ્લા 24 કલાકમાં રાજ્યના 204 તાલુકામાં ખાબક્યો વરસાદ

છેલ્લા 24 કલાકમાં ગોધરામાં સાડા નવ ઈંચ વરસાદ

છેલ્લા 24 કલાકમાં શહેરામાં સાડા નવ ઈંચ વરસાદ

છેલ્લા 24 કલાકમાં તલોદમાં સવા આઠ ઈંચ વરસાદ

છેલ્લા 24 કલાકમાં બાયડમાં સવા આઠ ઈંચ વરસાદ

છેલ્લા 24 કલાકમાં ધનસુરામાં સવા આઠ ઈંચ વરસાદ

છેલ્લા 24 કલાકમાં મોરવા હડફમાં સાડા સાત ઈંચ વરસાદ

છેલ્લા 24 કલાકમાં લુણાવાડામાં સાત ઈંચ વરસાદ

છેલ્લા 24 કલાકમાં પ્રાંતિજમાં સાત ઈંચ વરસાદ

છેલ્લા 24 કલાકમાં કપડવંજમાં સવા છ ઈંચ વરસાદ

છેલ્લા 24 કલાકમાં મહુધામાં છ ઈંચ વરસાદ

છેલ્લા 24 કલાકમાં લીમખેડામાં છ ઈંચ વરસાદ