Rain Effect: ભારે વરસાદના કારણે ત્રણ જિલ્લામાં શૈક્ષણિક કાર્ય બંધ, શાળાઓમાં અપાઇ રજા
Rain Effect: રાજ્યમાં છેલ્લા બે દિવસથી ભારે વરસાદ ખાબકી રહ્યો છે. સૌરાષ્ટ્ર અને દક્ષિણ ગુજરાતમાં બાદ ગઇકાલથી મેઘરાજાએ મધ્ય ગુજરાતમાં તાંડવ મચાવવાનું શરૂ કર્યુ છે
Rain Effect: રાજ્યમાં છેલ્લા બે દિવસથી ભારે વરસાદ ખાબકી રહ્યો છે. સૌરાષ્ટ્ર અને દક્ષિણ ગુજરાતમાં બાદ ગઇકાલથી મેઘરાજાએ મધ્ય ગુજરાતમાં તાંડવ મચાવવાનું શરૂ કર્યુ છે. મધ્ય ગુજરાતમાં મોટા ભાગના શહેરો અને ગામોમાં કેડ સામ પાણી ઘૂસ્યા છે. નદી-નાળા અને સરોવરો ઓવરફ્લો થયા છે. વરસાદી માહોલ અસર હવે મધ્ય ગુજરાતના ત્રણ જિલ્લા પર દેખાઇ રહી છે અને શૈક્ષણિક કાર્ય બંધ રાખવાનો નિર્ણય કરાયો છે.
રાજ્યમાં છેલ્લા 24 કલાકમાં 236 જિલ્લામાં ભારે વરસાદ ખાબક્યો છે, સૌથી વધુ આણંદ જિલ્લાના બોરસદમાં 14 ઇંચ વરસાદ પડ્યો છે. આ ઉપરાંત વડોદરા, તિલકવાડા, પાદરા, ભરૂચ અને નર્મદામાં પણ ભારે વરસાદ ખાબકતા શૈક્ષણિક કાર્ય પર અસર પહોંચી છે. મળતી માહિતી પ્રમાણે, રાજ્યમાં આજથી ત્રણ જિલ્લાની શાળાઓમાં રજા જાહેર કરાઇ છે. જિલ્લા કલેક્ટરે બાળકોની સુરક્ષાને ધ્યાનમાં રાખીને, વડોદરા, ભરુચ અને નર્મદા જિલ્લાની શાળાઓમાં રજાઓ જાહેર કરી છે. આજે વડોદરા જિલ્લાની શાળાઓમાં રજાઓ જાહેર કરાઇ છે. આની સાથે સાથે કલેક્ટરે ભરૂચ અને નર્મદા જિલ્લાઓની શાળાઓમાં પણ રજાઓ અપાઇ છે.
છેલ્લા 24 કલાકમાં ક્યાં વરસ્યો વરસાદ ?
-બોરસદમાં 14 ઈંચ વરસાદ
- વડોદરામાં પોણા નવ ઈંચ વરસાદ
-તિલકવાડામાં સાડા આઠ ઈંચ વરસાદ
- પાદરામાં સવા આઠ ઈંચ વરસાદ
- ભરૂચમાં સાડા સાત ઈંચ વરસાદ
- ખેરગામમાં સાડા છ ઈંચ વરસાદ
- નસવાડીમાં સવા છ ઈંચ વરસાદ
- સુબિરમાં છ ઈંચ વરસાદ
- નાંદોદમાં છ ઈંચ વરસાદ
- શિનોરમાં પોણા છ ઈંચ વરસાદ
- અંકલેશ્વરમાં સાડા પાંચ ઈંચ વરસાદ
- ઝઘડિયામાં સાડા પાંચ ઈંચ વરસાદ
- દહેગામમાં સવા પાંચ ઈંચ વરસાદ
- હાંસોટમાં પાંચ ઈંચ વરસાદ
- મહુવામાં પાંચ ઈંચ વરસાદ
- સંખેડામાં પાંચ ઈંચ વરસાદ
- હાલોલમાં પોણા પાંચ ઈંચ વરસાદ
- વાગરામાં સાડા ચાર ઈંચ વરસાદ
- માંગરોળ સાડા ચાર ઈંચ વરસાદ
-ડભોઈમાં સાડા ચાર ઈંચ વરસાદ
-વઘઈમાં સાડા ચાર ઈંચ વરસાદ
- કરજણમાં સવા ચાર ઈંચ વરસાદ
- બારડોલીમાં ચાર ઈંચ વરસાદ
- કપડવંજમાં ચાર ઈંચ વરસાદ
- વાલિયામાં ચાર ઈંચ વરસાદ
રાજ્યમાં અત્યાર સુધીમાં 50 ટકા વરસાદ નોંધાયો છે. ક્ષમતાના 100 ટકા ભરાયેલા ડેમની સંખ્યા 46, 70થી 100 ટકા ભરાયેલા ડેમની સંખ્યા 25, 50થી 70 ટકા ભરાયેલા ડેમની સંખ્યા 41 તો 25 ટકાથી નીચે ભરાયેલા ડેમની સંખ્યા 69 છે. આ સાથે રાજ્યની 10 નદીઓમાં પૂરની સ્થિતિ જોવા મળી રહી છે. રાજ્યના ચાર જિલ્લામાં ભારેથી અતિભારે વરસાદની આગાહી વ્યકત કરવામાં આવી છે. ત્યારે વરસાદના પગલે NDRFની ટીમ સ્ટેન્ડ બાય રાખવામાં આવી છે. હાલ અલગ-અલગ વિસ્તારમાં NDRFની કુલ 14 ટીમને તૈનાત કરવામાં આવી છે. વડોદરામાં NDRFની ત્રણ ટીમ તો દેવભૂમિ દ્વારકામાં બે ટીમ તૈનાત કરવામાં આવી છે. જ્યારે નર્મદા, કચ્છ, વલસાડ, જૂનાગઢ, ભાવનગર, અમરેલી, સુરત, ગીર સોમનાથ અને પોરબંદરમાં એક-એક ટીમને તૈનાત કરાઈ છે. વડોદરામાં ભારે વરસાદથી વિશ્વામિત્રીના જળસ્તરમાં વધારો થયો છે. વિશ્વામિત્રી નદી હાલમાં 22 ફૂટના સ્તરે વહી રહી છે જ્યારે નદીની ભયજનક સપાટી 26 ફૂટ છે. નદીનું જળસ્તર વધતા નદીકાંઠાના વિસ્તારના લોકોને સલામત સ્થળે ખસી જવા સૂચના આપી છે.
ટોપ સ્ટોરી
ટ્રેન્ડિંગ સમાચાર
