ગુજરાત કોંગ્રેસના કયા દિગ્ગજ નેતાએ મોટા પદ પરથી આપી દીધું રાજીનામું? શું આપ્યું કારણ?

ગુજરાત કોંગ્રેસના દિગ્ગજ નેતા અને પોરબંદર જીલ્લા કોંગ્રેસના અધ્યક્ષે આપ્યુ રાજીનામુ આપ્યું છે. જીલ્લા કોંગ્રેસના અધ્યક્ષ નાથાભાઇ ઓડેદરાએ પોતાના પદ પરથી રાજીનામુ આપ્યું છે.

કોંગ્રેસ

પોરબંદરઃ ગુજરાત કોંગ્રેસના દિગ્ગજ નેતા અને પોરબંદર જીલ્લા કોંગ્રેસના અધ્યક્ષે આપ્યુ રાજીનામુ આપ્યું છે. જીલ્લા કોંગ્રેસના અધ્યક્ષ નાથાભાઇ ઓડેદરાએ પોતાના પદ પરથી રાજીનામુ આપ્યું છે. ચૂટણી લડવા માંગતા હોવાનુ કારણ દર્શાવી પક્ષના જીલ્લા અધ્યક્ષ પદ પરથી રાજીનામુ આપ્યુ છે. ટીકીટમાં અન્યાય થશે તો પાર્ટી છોડવાની તૈયારી બતાવી છે. 

અમદાવાદ: વિધાનસભાની ચૂંટણીને લઈને ગુજરાતમાં કોંગ્રેસ કમર કસી રહી છે તો બીજી તરફ નારાજ નેતાઓ પણ પાર્ટીનું ટેન્શન વધારી રહ્યા છે. છેલ્લા ઘણા સમયથી નારાજગીના કારણે નિષ્ક્રિય થયેલા પૂર્વ MLA કામિનીબા નવાજૂનીના મૂડમાં છે. દહેગામના પૂર્વ ધારાસભ્ય કામિનીબા રાઠોડે ટેકેદારોની બેઠક યોજી હતી. આગામી સમયમાં શું કરવું તે અંગે ટેકેદારો સાથે ચર્ચા કરી હોવાની વાત સામે આવી છે. ગુરુવારે રાત્રે કામિનીબા અને ટેકેદારો વચ્ચે આ બેઠક બે કલાક ચાલી હતી. પક્ષમાં થયેલા અન્યાય અંગે ટેકેદારોએ પણ રોષ વ્યક્ત કર્યો હતો. પ્રભારી રઘુ શર્માએ મિટિંગ કરવાનું કહેતા હાલ થોભો અને રાહ જુવોની નીતિ અપનાવી છે. એક તરફ હાર્દિકના નિવેદનોએ અને બીજી તરફ કામિનીબાની આ બેઠકે કોંગ્રેસને આગામી સમયમાં વિચારવા મજબૂર કરી છે.

11 વખત ધારાસભ્ય બનેલા કોંગ્રેસના આ નેતાએ 2022માં ચૂંટણી ન લડવાની કરી જાહેરાત

કોંગ્રેસના વધુ એક દિગ્ગજ નેતાએ ગુજરાત વિધાનસભા ચૂંટણી-2022 ન લડવાની જાહેરાત કરી છે. છોટા ઉદેપુર વિધાનસભા બેઠક - 182 પરથી છેલ્લી 11 ટર્મથી એટલે કે  1972થી અત્યાર સુધી સતત ધારાસભ્ય તરીકે ચૂંટાઈને આવતા મોહનસિંહ રાઠવાએ આગામી વિધાનસભા ચૂંટણી ન લડવાની જાહેરાત કરી છે. મોહનસિંહ રાઠવા સૌથી વધુ વાર ધારાસભ્ય બનવાનો રેકોર્ડ ધરાવે છે. 

આ અંગે એબીપી અસ્મિતા સાથેની વાતચીત દરમિયાન મોહનસિંહ રાઠવાએ કહ્યું કે 55 વર્ષ સુધી વિધાનસભાના સભ્ય તરીકે પ્રતિનિધિત્વ કર્યું. મારી લાગણી એવી છે કે ગુજરાતના યુવાનો રાજકારણમાં આવે.  જે લોકો વર્ષોથી વિધાનસભાના સભ્ય તરીકે રહ્યાં હોય એમણે રાજીખુશીથી યુવાનોને આગળ લાવવા જોઈએ. 

280 કરોડના હેરોઇનનું દિલ્લી બાદ યુપી કનેક્શન  નીકળ્યું
કચ્છના જખૌમાંથી પકડાયેલા 280 કરોડના હેરોઇનનું દિલ્લી બાદ યુપી કનેક્શન  નીકળ્યું છે. જખૌની દરિયાઈ સીમાંથી પકડાયેલ 280 કરોડના હેરોઇન કેસમાં દિલ્હી NCB અને ATSના  સંયુક્ત ઓપરેશનમાં દિલ્લીથી ચાર આરોપીની ધરપકડ કરવામાં આવી છે.જેમાં મુઝફરનગરની એક ફેક્ટરીમાંથી 35 કિલો ડ્રગ્સ મળી આવ્યું.જે મામલે દિલ્લી NCB એક ગુનો નોંધી બે આરોપીની ધરપકડ કરી છે.અન્ય બે આરોપીને ગુજરાત ATS ભુજ કોર્ટમાં લાવી રિમાન્ડ મેળવ્યા છે. 

ગુજરાત ATSની ગિરફતમાં રહેલ પાકિસ્તાનીઓ અલહજલ બોટમાં 280 કરોડનું હેરોઇન જથ્થો લઈ આવ્યા હતા.જે હેરોઇનનો જથ્થો પાકિસ્તાની કરાચી ડ્રગ્સ માફિયા મુસ્તુફાએ મોકલ્યો હતો. જે દરિયાઈ સીમામાંથી ગુજરાતમાં ડ્રગ્સનો જથ્થો ઉતારી બાય રોડ દિલ્લી મોકલવાના હતા.હેરોઇનો જથ્થો દિલ્હીનો હૈદર રાજી રિસીવ કરવાનો હતો.જેથી ગુજરાત ATS અને દિલ્હી NCB સંયુક્ત ઓપરેશનથી હૈદર રાજીની મુઝફરનગરમાં આવેલી ફેક્ટરીમાં દરોડા પાડી 35 કિલો ડ્રગ્સ પકડયું.