Gujarat Rain Forecast: ગુજરાતના આ 5 જિલ્લામાં આજે તૂટી પડશે વરસાદ, હવામાન વિભાગની આગાહી
હવામાન વિભાગની આગાહી મુજબ આજે રાજ્યના પાંચ જિલ્લામાં ગાજવીજ સાથે ભારે વરસાદનું અનુમાન છે. આ 5 જિલ્લામાં સુરત, તાપી, નવસારી, ડાંગ અને વલસાડનો સમાવેશ થાય છે.
Gujarat Rain Forecast:હવામાન વિભાગની આગાહી મુજબ રાજ્યમાં 9 જુલાઇ સુધી છુટછવાયો વરસાદ રહેશે. ત્યારબાદ 9થી 12 જુલાઇ વચ્ચે સારા વરસાદનું અનુમાન છે. હવામાન વિભાગની આગાહી મુજબ આજે રાજ્યના પાંચ જિલ્લામાં મૂશળધાર વરસાદનું અનુમાન છે.
સંઘ પ્રદેશ દમણ અને દાદરાનગર હવેલીમાં પણ ભારે વરસાદની હવામાન વિભાગે આગાહી વ્યક્ત કરી છે. તો પ્રવાસન સ્થળ દીવના કેટલાક વિસ્તારોમાં છુટોછવાયો વરસાદ વરસી શકે છે. શુક્રવારે રાજ્યના 121 તાલુકામાં વરસાદ નોંઘાયો છે. સુરતના ઉમરપાડા અને કામરેજમાં સૌથી વધુ ચાર ચાર ઈંચથી વધુ વરસાદ વરસ્યો છે. તો વાંસદામાં સવા ચાર, ખેરગામમાં વરસ્યો ત્રણ ઈંચ વરસાદ વરસ્યો છે.
કેટલા ટકા વરસાદ વરસી ચૂક્યો છે
રાજ્યમાં સિઝનનો અત્યાર સુધીમાં 22.62 ટકા વરસાદ
રાજ્યમાં સિઝનનો અત્યાર સુધીમાં 22.62 ટકા વરસાદ વરસી ચૂક્યો છે. સૌરાષ્ટ્રમાં સિઝનનો અત્યાર સુધીમાં 30.21 ટકા વરસાદ વરસ્યો છે. તો કચ્છમાં સિઝનનો અત્યાર સુધીમાં 25.63 ટકા વરસાદ પડ્યો છે. દ.ગુજરાતમાં સિઝનનો અત્યાર સુધીમાં 25.44 ટકા વરસાદ વરસી ચૂક્યો છે. ઉતર ગુજરાતમાં સિઝનનો અત્યાર સુધીમાં 15.66 ટકા વરસાદ વરસ્યો, મધ્ય ગુજરાત સિઝનનો અત્યાર સુધીમાં 14.98 ટકા વરસાદ વરસ્યો છે
ઉપરવાસ અને રાજ્યમાં વરસેલા વરસાદથી જળાશયોની જળસપાટીમાં વઘારો થયો છે. સરદાર સરોવર ડેમમાં હાલ 49.92 ટકા જળસંગ્રહ છે. રાજ્યના કુલ 207 જળાશયોમાં હાલ 38.38 ટકા જળસંગ્રહ છે.સૌરાષ્ટ્રના 141 પૈકી બે જળાશયો સંપૂર્ણ ભરાયેલા છે. સૌરાષ્ટ્રના જળાશયોમાં હાલ 23.46 ટકા જળસંગ્રહ છે. તો કચ્છના 20 જળાશયોમાં 21.24 ટકા જળસંગ્રહ છે. મધ્ય ગુજરાતના 17 જળાશયોમાં 41.60 ટકા, તો દક્ષિણ ગુજરાતના 13 જળાશયોમાં 32.90 ટકા જળસંગ્રહ.. ઉત્તર ગુજરાતના 15 જળાશયોમાં હાલની સ્થિતિએ 25.80 ટકા જળસંગ્રહ છે.
છેલ્લા 24 કલાકમાં 131 તાલુકામાં નોંધાયો વરસાદ
છેલ્લા 24 કલાકમાં સુરતના ઉમરપાડામાં પાંચ ઈંચ વરસાદ વરસ્યો છે,તો અન્ય વિસ્તારની વાત કરીએ તો છેલ્લા 24 કલાકમાં નવસારીના વાંસદામાં સાડા ચાર ઈંચ, વલસાડના કપરાડામાં સાડા ચાર ઈંચ, નવસારીના ખેરગામમાં સવા ચાર ઈંચ,વલસાડના પારડીમાં ચાર ઈંચ ,સુરતના કામરેજમાં ચાર ઈંચ,ભાવનગરના વલ્લભીપુરમાં પોણા ચાર ઈંચ,ડેડીયાપાડામાં સાડા ત્રણ ઈંચ,ડોલવણમાં સાડા ત્રણ ઈંચ,તિલકવાડામાં સાડા ત્રણ ઈંચ,ઉમરાળામાં સવા ત્રણ ઈંચ, બારડોલીમાં ત્રણ ઈંચ,ધરમપુરમાં ત્રણ ઈંચ,નવસારીના ચીખલીમાં પોણા ત્રણ ઈંચ,સુરતના મહુવામાં અઢી ઈંચ,ડાંગના વઘઈમાં અઢી ઈંચ, વાલોડ, વ્યારામાં અઢી ઈંચ,નવસારી તાલુકામાં અઢી ઈંચ,સુરત શહેરમાં સવા બે ઈંચ,સુરતના માંગરોળમાં સવા બે ઈંચ, નેત્રંગમાં બે ઈંચ,સોનગઢમાં બે ઈંચ,જલાલપોરમાં બે ઈંચ,વાપી તાલુકામાં બે ઈંચ, ભાવનગરમાં પોણા બે ઈંચ, ગણદેવીમાં પોણા બે ઈંચ, ઓલપાડમાં પોણા બે ઈંચ, સાગબારામાં પોણા બે ઈંચ, ચોર્યાસીમાં પોણા બે ઈંચ,ચુડા,નીઝર, સુબિરમાં પોણા બે ઈંચ,નાંદોદ, વલસાડમાં દોઢ ઈંચ,વલસાડ, વાસો,સિનોરમાં દોઢ ઈંચ,ગળતેશ્વર, માંડવીમાં દોઢ,સુરતના માંડવીમાં દોઢ ઈંચ,લસાણામાં સવા ઈંચ,પોશિના,આહવામાં સવા ઈંચ,છોટા ઉદેપુરના નસવાડીમાં સવા ઈંચ,ભરૂચના વાલીયામાં એક ઈંચ,ઉમરગામ, દેવગઢબારીયામાં એક ઈંચ,તળાજા, પાલિતાણા, શિહોરમાં એક ઈંચ,ભાવનગરના મહુવા,ગઢડામાં એક એક ઈંચ વરસાદ વરસ્યો છે.
ટ્રેન્ડિંગ સમાચાર
ટોપ સ્ટોરી
