Dwarka: દ્વારકાના પ્રખ્યાત શિવરાજપુર બીચ પર રેત શિલ્પ મહોત્સવનો પ્રારંભ, કલાકારોએ રજૂ બતાવી અદભૂત કલા
દ્વારકા: શિવરાજ પુર બ્લ્યુ ફ્લેગ બીચ પર આજથી બે દિવસીય રેત શિલ્પ મહોત્સવનો પ્રારંભ થયો છે. "રણ સંગ્રામે મધ્યે શ્રી કૃષ્ણાઅર્જુન" થીમ પર બે દિવસ શિવરાજપુર બીચ ખાતે ભવ્ય પ્રદર્શન આયોજન કરવામાં આવ્યું છે.
દ્વારકા: પ્રખ્યાત શિવરાજ પુર બ્લ્યુ ફ્લેગ બીચ પર આજથી બે દિવસીય રેત શિલ્પ મહોત્સવનો પ્રારંભ થયો છે. "રણ સંગ્રામે મધ્યે શ્રી કૃષ્ણાઅર્જુન" થીમ પર બે દિવસ શિવરાજપુર બીચ ખાતે ભવ્ય પ્રદર્શન આયોજન કરવામાં આવ્યું છે.
ગુજરાત સરકારના રમતગમત, યુવા અને સાંસ્કૃત્તિક પ્રવૃત્તિઓ વિભાગ હસ્તકની ગુજરાત રાજ્ય લલિતકલા અકાદમી, અમદાવાદ દ્વારા આયોજીત રેતીશિલ્પ મહોત્સવ ૨૦૨૩ ને આજે ઓખા પાલિકા પ્રમુખના હસ્તે ખુલ્લો મૂકાયો હતો. રણ સંગ્રામ મધ્યે શ્રી કૃષ્ણાઅર્જુનની થીમ પર રેતી શિલ્પ કલાકારોએ પોતાની ક્રુતિઓ કંડારી હતી. જેમાં જલ પરી,લાલ કીલ્લો , G20 lotus,બેટ દ્વારકાધીશની છબી, હનુમાન, કાનૂડો, ઓખો જગથી નોખો અસલ રહેણાંક મકાનની ક્રુતિ ઓસામેલ હતી. જો કે, આ તકે પ્રખ્યાત બીચ પર આ પ્રદર્શન જોવા પ્રવાસીઓ લોકોમાં નીરસતા નજરે ચડી હતી.
અમદાવાદના અનેક વિસ્તારોમાં કમોસમી વરસાદ
અમદાવાદઃ હવામાન વિભાગની વરસાદની આગાહી વચ્ચે ભરશિયાળામાં કેટલાક વિસ્તારોમાં કમોસમી વરસાદ વરસી રહ્યો છે. શહેરના પૂર્વના વસ્ત્રાલ, ઓઢવ અને અમરાઇવાડીમાં કમોસમી વરસાદ વરસ્યો હતો. મણીનગર, કાંકરિયા, ખોખરા વિસ્તારમાં પણ વરસાદ વરસ્યો હતો. ઇસનપુર, લાંભા અને વટવામાં પણ વરસાદ વરસ્યો હતો.
ઈસનપુર, નારોલમાં પણ વરસાદ નોંધાયો હતો. ઈસનપુર વિસ્તારમાં માવઠાએ લગ્નની મજા બગાડી હતી. લગ્નમાં આવેલા મહેમાનોએ ભોજનની થાળીઓ સાથે દોડવાની ફરજ પડી હતી. પૂર્વ વિસ્તારમાં વાદળછાયું વાતાવરણ અને તો કેટલાક વિસ્તારોમાં વરસાદ પડી રહ્યો છે.
વડોદરા શહેરના અનેક વિસ્તારમાં ઝરમર ઝરમર વરસાદ શરૂ થયો છે. કમોસમી વરસાદને કારણે શહેરીજનો પરેશાન થયા છે. શહેરના નિઝામપુરા, છાણી, સમા, ગોરવા, ફતેહગંજ, સયાજીગંજ, હરણી સહિતના વિસ્તારમાં કમોસમી વરસાદ વરસ્યો હતો. ખેડા જિલ્લામાં ઠંડકભર્યા વાતવરણ વચ્ચે વરસાદી ઝાપટા પડ્યા છે. ગળતેશ્વર તાલુકામાં વીજળીના કડાકા સાથે વરસાદી ઝાપટા પડ્યા. વરસાદી ઝાપટા પડતા ખેડૂતોની મુશ્કેલીમાં વધારો થયો છે.
સુરતના હજીરામાં પણ વાતાવરણમાં પલટો જોવા મળ્યાં. અહીં ઠંડા પવનો સાથે કમોસમી વરસાદ પડતા ઠંડી વધી હતી જેના કારણે લોકો હાડ થીજાવતી ઠંડીનો અનુભવ કરી રહ્યાં છે. કમોસમી વરસાદ થતાં ચણા, કપાસ, જીરૂ અને ઘઉંના પાકને વ્યાપક નુકસાનની ભીતિ સેવાઇ રહી છે. વેસ્ટન ડિસ્ટર્બન્સના કારણે વડોદરાના સાવલીમાં ભારે પવન અને વીજળીના કડાકા સાથે વરસાદ પડ્યો હતો જેના કારણે પાકને નુકસાન થવાની સંભાવના સેવાઇ રહી છે. કમોસમી વરસાદના કારણે ધરતીપુત્રોની ચિંતા વધી છે
આણંદ જિલ્લામાં પણ છુટા છવાયો વરસાદ પડતાં તમાકુ, ડાંગર, બાજરી, અને લીલા શાકભાજીના પાકને નુકસાનની ભીતિ સેવાઇ રહી છે.આણંદના નાવલી, નાપાડ, ખડોલ વિસ્તારમાં વરસાદી ઝાપટા પડતાં ધરતીપુત્રો ની ચિંતા વધી છે. માવઠાથી શિયાળુ પાકને નુકસાન થઇ શકે છે.
ટ્રેન્ડિંગ સમાચાર
ટોપ સ્ટોરી
