શોધખોળ કરો

Tiktok Star Kirti Patel: ટિકટોક સ્ટાર કીર્તિ પટેલ સહિત 10 લોકોની ભેંસાણ પોલીસે કેમ કરી ધરપકડ ? જાણો વિગત

Kirti Patel News: ટિકટોક સ્ટાર કીર્તિ પટેલ ગેરકાયદેસર મંડળી રચીને પોતાના સાગરીતો સાથે ભેસાણના પરિવાર સાથે ઝઘડો કરવા માટે આવી હતી

By : એબીપી અસ્મિતા વેબ ટીમ | Updated at : 23 Dec 2022 10:36 AM (IST)

ટિકટોક સ્ટાર કીર્તિ પટેલ

Kirti Patel News : ટિકટોક સ્ટાર કીર્તિ પટેલ ફરી એક વખત વિવાદમાં આવી છે. ભેંસાણાના એક પરિવારના હેરાન કરવાના આક્ષેપ બદલ પોલીસે કીર્તિ સહિત 10 લોકોની ધરપકડ કરી છે.

ટિકટોક સ્ટાર કીર્તિ પટેલ ગેરકાયદેસર મંડળી રચીને પોતાના સાગરીતો સાથે ભેસાણના પરિવાર સાથે ઝઘડો કરવા માટે આવી પહોંચી હતી. જેથી પોલીસે તેમની સામે ગેરકાયદેસર મંડળી રચવી, રાયોટીંગ સહિતના વિવિધ કલમો હેઠળ ગુનો દાખલ કરી 10 વ્યક્તિઓની ધરપકડ કરી છે.

શું છે મામલો

ભેસાણના નવા બસ સ્ટેશન સામે રહેતા જમનભાઈ ભાયાણી વિરુદ્ધ કીર્તિ પટેલ ઘણા સમયથી પોતાના ઈન્સ્ટાગ્રામ આઈડી માંથી બેફામ વાણી વિલાસ કરતી હતી. તેમજ જમનભાઈ ભાયાણીને વીડિયોના માધ્યમથી ભૂંડી ગાળો આપીને માર મારવાની ધમકી આપતી હતી. કીર્તિ પટેલ સાગરીતો સાથે ભેસાણ આવી પહોંચતા ભેસાણ પોલીસ અને એલ.સી.બી.એ કીર્તિ પટેલ અને તેના સાગરીતોને ઝડપી લીધા હતા. અજમનભાઈની ફરિયાદ લઈને પોલીસે કીર્તિ પટેલ (સુરત) , અજય મંગુ જેબલીયા (સુરત) ,અવનીક ભરત વધાસીયા (સુરત) ,ભરત ધીરુ મજેઠીયા (નાના ભાદરકા) , જીતેન્દ્રસિંહ રાઠોડ ( અમદાવાદ) , જતિન લાઠીયા (સુરત), વૈશાખ અરવિંદ રફાળીયા (સુરત) , યશ વિપુલભાઈ મુજપરા (સુરત) , સુરેન્દ્રસિંહ જસુ સિસોદિયા (સાણંદ), જયદિપ લાઠીયા (સુરત) વિરુદ્ધ ગેરકાયદે મંડળી રચીને મારી મારવાની ધમકી આપ્યાની ફરિયાદ દાખલ કરીને કાયદેસર ની કાર્યવાહી હાથ ધરી છે.