બર્થ સર્ટિફિકેટ બનાવવું કેમ હોય છે જરૂરી, આ છે બનાવવાની આસાન રીત

જન્મ પ્રમાણપત્ર માટે સરકારી કચેરીની મુલાકાત લઈને અરજી કરી શકાય છે. તો તેની સાથે જ તેના માટે ઓનલાઈન પણ અરજી કરી શકો છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Birth Certificate Applying Process: બાળકના જન્મ સાથે, કેટલીક વસ્તુઓ કાયદેસર રીતે તૈયાર કરવી પડે છે. તેમાંથી એક બાળકનું જન્મ પ્રમાણપત્ર છે. આ ખૂબ જ મહત્વપૂર્ણ છે અને પછીથી, આ પ્રમાણપત્રનો ઉપયોગ તમારા જીવનભર તમારી જન્મ તારીખ સાબિત કરવા માટે થાય છે. તેનો ઉપયોગ માત્ર સરકારી હેતુઓ માટે જ નહીં પરંતુ શાળા-કોલેજોમાં પ્રવેશથી માંડીને ઘણા ખાનગી હેતુઓ માટે પણ થાય છે. ચાલો જાણીએ બર્થ સર્ટિફિકેટ કેવી રીતે બનાવવું અને જન્મ પ્રમાણપત્ર બનાવવું શા માટે જરૂરી છે?

બર્થ સર્ટિફિકેટ 21 દિવસની અંદર બનાવવું પડશે

બાળક માટે પ્રથમ પ્રમાણપત્ર તેનું જન્મ પ્રમાણપત્ર છે. આ પ્રમાણપત્રના આધારે, અન્ય દસ્તાવેજો પાછળથી તૈયાર કરવામાં આવે છે. જો તે જન્મ પછી કોઈપણ યોજનાનો લાભ મેળવવા માંગે છે, તો તેને જન્મ પ્રમાણપત્રના આધારે જ મળે છે. જન્મના 21 દિવસની અંદર બર્થ સર્ટિફિકેટ બનાવવું પડશે. તેના માટે તમે તમારી નજીકની મ્યુનિસિપલ કોર્પોરેશન ઓફિસમાં જઈ શકો છો. ત્યાં ગયા પછી તમારે જરૂરી માહિતી અને દસ્તાવેજો આપવા પડશે અને થોડા દિવસોમાં તમને બાળકનું જન્મ પ્રમાણપત્ર મળી જશે.

તમે ઓનલાઈન પણ અરજી કરી શકો છો

જન્મ પ્રમાણપત્ર માટે સરકારી કચેરીની મુલાકાત લઈને અરજી કરી શકાય છે. તો તેની સાથે જ તેના માટે ઓનલાઈન પણ અરજી કરી શકો છે. આ માટે તમારે તમારા રાજ્યની નાગરિક સેવાઓની અધિકૃત વેબસાઈટ પર જઈને ઓનલાઈન અરજી કરવાની રહેશે. જન્મ પ્રમાણપત્ર માટે બાળકના માતાપિતાના દસ્તાવેજો જરૂરી છે. જેમાં હોસ્પિટલ દ્વારા આપવામાં આવેલ જન્મ પત્ર, માતા-પિતાનું આધાર કાર્ડ અને લગ્નનું પ્રમાણપત્ર ઉપલબ્ધ હોય તો તેની નકલ પણ જમા કરાવવાની રહેશે.