Valsad: અકસ્માતના કેસમાં વલસાડ કોર્ટનો ઐતિહાસિક ચુકાદો, 4 કરોડ 30 લાખ રૂપિયાનું વળતર ચૂકવવા આદેશ

વલસાડની કોર્ટે અકસ્માતના કેસમાં 4 કરોડ 30 લાખ રૂપિયાનું વળતર ચૂકવવા આદેશ કર્યો હતો

પ્રતિકાત્મક તસવીર

વલસાડઃ વલસાડ કોર્ટે અકસ્માત નુકસાનીના કેસમાં ઐતિહાસિક ચુકાદો આપ્યો હતો. મળતી જાણકારી અનુસાર, વલસાડની કોર્ટે અકસ્માતના કેસમાં 4 કરોડ 30 લાખ રૂપિયાનું વળતર ચૂકવવા આદેશ કર્યો હતો. 32 વર્ષીય હિતેશ ટંડેલનું અકસ્માતમાં મોત થયું હતું અને વળતર મેળવવા માટે મૃતક હિતેશ ટંડેલની પત્નીએ એક્સિડેન્ટલ ટ્રિબ્યુનલ કોર્ટમાં અરજી કરી હતી.

જો કે કોરોનામાં હિતેશ ટંડેલની પત્નીનું પણ અવસાન થયું હતું અને તેમની નાનકડી દીકરીએ પિતાની તેમજ માતાની છત્રછાયા ગુમાવી હતી. જેથી 12 વર્ષની નાની દીકરી શ્રેયાને 14 વર્ષ બાદ વળતર પેટે 4 કરોડ 30 લાખ રૂપિયા ચૂકવવા હુકમ કરાયો હતો.

Ahmedabad: ગુજરાત ATS અને કોસ્ટગાર્ડે મધ દરિયે પાર પાડ્યું ઓપરેશન, 425 કરોડના ડ્રગ્સ સાથે 5 ક્રૂ મેમ્બરની ધરપકડ

અમદાવાદ: ગુજરાત ATS અને કોસ્ટગાર્ડે સંયુક્ત ઓપરેશન કરી નશિલા પદાર્થોના સોદાગરોને ઝડપી પાડ્યા છે. મધ દરિયે ઈરાની બોટને 61 કિલો ડ્રગ્સ સાથે જપ્ત કરવામાં આવી છે. 425 કરોડના ડ્રગ્સ સાથે 5 ક્રૂ મેમ્બરની ધરપકડ કરવામાં આવી છે. બોટને વધુ તપાસ માટે ઓખા લાવવામાં આવી છે. નોંધનીય છે કે, છેલ્લા ઘણા સમયથી ગુજરાતની એજન્સીઓ નશાના કાળા કારોબાર પર તિક્ષ્ણ નજર રાખી રહી છે અને મોટી માત્રામાં ડ્રગ્સ ઝડપી રહી છે.

 શેત્રુજી અને આંબાજળ નદીમાં ભર ઉનાળે પૂર

 હવામાન વિભાગની આગાહીને પગલે આજે રાજ્યના 15 જિલ્લામાં વરસાદ પડ્યો છે. જેના કારણે ખેતીના પાકને મોટી નુકસાની ગઈ છે. કેરી,ચીકુ અને કપાસના પાકને મોટી નુકસાની ગઈ છે. અમરેલી અને જુનાગઢ વિસ્તારમાં ભારે વરસાદને કારણે નદીઓમાં પુરની સ્થિતિ જોવા મળી હતી. જૂનાગઢના આંબાજળ નદીમાં પૂર આવ્યું હતું. વિસાવદર પંથકમાં વરસાદથી રસ્તાઓ પર પાણી ભરાઈ ગયા હતા. મુંડીયારાવણી, વેકરીયા, રાજપરા ગામમાં ભારે પવન સાથે વરસાદ પડ્યો હતો. કમોસમી વરસાદથી ખેડૂતોને નુકસાનની ભીતિ છે.

તો બીજી તરફ  અમરેલી જિલ્લામાં વરસાદ આવતા નદીમાં પુર આવ્યું હતું. ધારી પંથકમાં ધોધમાર વરસાદ પડ્યો હતો. ધારીના બોરડી ગામે શેત્રુજી નદીમાં પૂર આવ્યું હતું. તો ધારીના મીઠાપુર નક્કી ગામે પણ નદીમાં પૂર આવ્યું હતું. ધારીના મીઠાપુર, દલખાણીયા, કુબડા, ચાચઇ પાણીયા,ગીગાસણ, ગોવિંદપુર, ફાચરિયા, સરસિયા, જીરા, ખિસરી સહિતના ગ્રામ્ય વિસ્તારોમાં વરસાદી માહોલ જોવા મળ્યો હતો

હવામાન વિભાગની આગાહીને પગલે ગુજરાતના અનેક વિસ્તારોમાં વાતાવરણમાં પલટો આવ્યો છે. તો આજે સુરત શહેરમાં અચાનક વાતાવરણમાં પલટો આવ્યો છે. બપોર બાદ શહેરમાં વરસાદી માહોલ જોવા મળી રહ્યો છે. શહેરના કેટલાક વિસ્તારમાં વરસાદી ઝાપટા પડ્યા છે. જેને લઈને વાતાવરણમાં ઠંડક પ્રસરી છે અને લોકને ગરમીથી રાહત મળી છે.  તો બીજી તરફ કેરી, કપાસ અને ઘઉંના પાકને નુકસાનની ભીતિ સેવાઈ રહી છે.  આ ઉપરાંત હોળીના તહેવારના દિવસે ઠેક ઠેકાણે હોળીના દહનની તૈયારી ચાલુ હતી જે બાદ આયોજકો દ્વારા પ્લાસ્ટિકથી હોળીને ઢાકવાનો વારો આવ્યો છે. વીજળીના કડાકા થતા હોળી દહન માટે લોકો મુશ્કેલીમાં મુકાયા છે.