દમણના દરિયા કિનારે વાવાઝોડાનો ખતરો, 1 નંબરનું સિગ્નલ લગાવાયું, માછીમારોને દરિયો ન ખેડવા સૂચના

દમણના દરિયા કિનારા વિસ્તારમાં વાવાઝોડાનો ખતરો છે.  આ વાવાઝોડાના ખતરાને લઈને દમણના દરિયા કિનારે 1 નંબરનું સિગ્નલ લગાવાયું છે.

દમણના દરિયા કિનારે 1 નંબરનું સિગ્નલ

દમણના દરિયા કિનારા વિસ્તારમાં વાવાઝોડાનો ખતરો છે.  આ વાવાઝોડાના ખતરાને લઈને દમણના દરિયા કિનારે 1 નંબરનું સિગ્નલ લગાવાયું છે.  સંભવિત વાવાઝોડાની અસર  અને પ્રશાસન પણ સતર્ક થયું છે.  વાવાઝોડાની અસરને કારણે ઝડપી પવન અને ભારે વરસાદની શક્યતા છે.  સંઘપ્રદેશ દમણના દરિયામાં કરંટ જોવા મળ્યો છે. જેથી દમણના દરિયા કિનારે ભય સૂચક 1 નંબરનું સિગ્નલ લગાવવામાં આવ્યું છે.  સંભવિત વાવાઝોડાને લઈ વલસાડ જિલ્લા વહીવટી તંત્ર પણ એલર્ટ થયું છે. માછીમારોને દરિયો ન ખેડવા સૂચના આપવામાં આવી છે. 

દમણના દરિયામાં કરંટને લઈને સલામતીના ભાગરૂપે દરિયા કિનારે અલર્ટ જાહેર કરાયું છે. દરિયામાં ગયેલા માછીમારોને પરત આવવા અને દરિયો ન ખેડવા માટે સૂચન કરવામાં આવ્યું છે. દમણમાં ફરવા આવતા પર્યટકોને પણ દરિયા કિનારા નજીક ન જવા સૂચના અપાઈ છે. દરિયો તોફાની બને તેવી શક્યતાને પગલે માછીમારોને દરિયો ન ખેડવાની સૂચના અપાઈ છે. દરિયાકાંઠાના વિસ્તારો પર વાવાઝોડાની અસર વધુ હોઈ શકે છે.  

Cyclone Biporjoy: કેટલો કહેર વરસાવશે ચક્રવાત 'બિપરજૉય'? ક્યાં ક્યાં થશે અસર?

દેશના દરિયાકાંઠાના વિસ્તારો પર વધુ એક ચક્રવાતનો ખતરો મંડરાઈ રહ્યો છે. ભારતીય હવામાન વિભાગ (IMD)એ મંગળવારે જણાવ્યું હતું કે, ગુજરાતના દક્ષિણ પોરબંદર ખાતે દક્ષિણપૂર્વ અરબી સમુદ્ર પરનું લો પ્રેશર ક્ષેત્ર ઉત્તરપશ્ચિમ તરફ આગળ વધે તેવી શક્યતા છે. તે ચક્રવાતી તોફાનમાં પરિવર્તિત થવાની સંભાવના છે. આ તોફાનને 'બિપરજોય' નામ આપવામાં આવ્યું છે. આ નામ બાંગ્લાદેશ દ્વારા આપવામાં આવ્યું છે.

હવામાન વિભાગે એક બુલેટિનમાં જણાવ્યું હતું કે, સવારે 8.30 વાગ્યે લો પ્રેશર વિસ્તાર દક્ષિણ-પશ્ચિમ ગોવાથી લગભગ 950 કિમી, દક્ષિણ-દક્ષિણ પશ્ચિમ મુંબઈથી 1,100 કિમી, દક્ષિણ પોરબંદરથી 1,190 કિમી અને પાકિસ્તાનના દક્ષિણ કરાચીથી 1,490 કિમી દૂર હતું. આગામી 24 કલાક દરમિયાન ડિપ્રેશન ઉત્તર તરફ આગળ વધે તેવી શક્યતા છે. તે પૂર્વ-મધ્ય અરબી સમુદ્ર અને નજીકના દક્ષિણપૂર્વ અરબી સમુદ્ર પર ચક્રવાતી વાવાઝોડામાં પરિવર્તિત થવાની સંભાવના છે.

ચક્રવાત ધારણ કરી શકે છે ભયાનક સ્વરૂપ 

હવામાન વિભાગે જણાવ્યું હતું કે, ચક્રવાતી તોફાન ગુરુવાર (8 જૂન) સવાર સુધીમાં ગંભીર ચક્રવાતી વાવાઝોડામાં પરિવર્તિત થવાની સંભાવના છે અને શુક્રવાર (9 જૂન) સાંજ સુધીમાં ગંભીર સ્વરૂપ ધારણ કરશે. તેની સીધી અસર કેરળ-કર્ણાટક અને લક્ષદ્વીપ-માલદીવના દરિયાકાંઠે જોવા મળશે. આ સાથે કોંકણ-ગોવા-મહારાષ્ટ્રના દરિયાકાંઠે 8 થી 10 જૂન સુધી દરિયામાં ખૂબ ઊંચા મોજા ઉછળવાની સંભાવના છે. ખતરાને જોતા દરિયામાં ગયેલા માછીમારોને દરિયા કિનારે પાછા ફરવાની સલાહ આપવામાં આવી છે.