આ તારીખથી વેરાવળથી સુરત માટે સાપ્તાહિક એક્સપ્રેસ ટ્રેન દોડશે, બુકિંગ શરુ

12 ડિસેમ્બરથી વેરાવળથી સુરત માટે સાપ્તાહિક એક્સપ્રેસ ટ્રેન દોડશે. આ ટ્રેનનું ટિકિટ બુકિંગ શરૂ થઈ ગયું છે.

તસવીર-સોશિયલ મીડિયા

ભાવનગર:  12 ડિસેમ્બરથી વેરાવળથી સુરત માટે સાપ્તાહિક એક્સપ્રેસ ટ્રેન દોડશે. આ ટ્રેનનું ટિકિટ બુકિંગ શરૂ થઈ ગયું છે. મુસાફરોની સુવિધા માટે પશ્ચિમ રેલવેએ વેરાવળ અને સુરત વચ્ચે વિશેષ ભાડા પર સાપ્તાહિક વિશેષ ટ્રેન દોડાવવાનો નિર્ણય કર્યો છે. ભાવનગર ડિવિઝનના સીનિયર ડીસીએમ માશૂક અહમદના જણાવ્યા મુજબ આ ટ્રેન વેરાવળથી દર મંગળવારે સવારે 11.05 કલાકે દોડશે. આ ટ્રેનને 12 ડિસેમ્બર, 2023 થી 30 જાન્યુઆરી, 2024 સુધી ચલાવવાનો નિર્ણય લેવામાં આવ્યો છે.

ટ્રેન નંબર 09018/09017 વેરાવળ-સુરત-વેરાવળ સાપ્તાહિક એક્સપ્રેસ ટ્રેન. ટ્રેન નંબર 09018 વેરાવળ-સુરત સાપ્તાહિક વિશેષ ટ્રેન વેરાવળથી દર મંગળવારે 11.05
કલાકે ઉપડશે અને તે જ દિવસે 23.45 કલાકે સુરત પહોંચશે. આ ટ્રેન 12 ડિસેમ્બર, 2023 થી 30 જાન્યુઆરી, 2024 સુધી વેરાવળથી દોડશે.

એ જ રીતે ટ્રેન નંબર 09017 સુરત-વેરાવળ સાપ્તાહિક વિશેષ ટ્રેન દર સોમવારે સુરતથી 19.30 કલાકે ઉપડશે અને બીજા દિવસે 08.05 કલાકે વેરાવળ પહોંચશે. આ ટ્રેન 11 ડિસેમ્બર, 2023 થી 29 જાન્યુઆરી, 2024 સુધી ચાલશે.

આ ટ્રેન માળીયા હાટીના, કેશોદ, જૂનાગઢ, જેતલસર, ગોંડલ, રાજકોટ, અમદાવાદ અને વડોદરા સ્ટેશન પર બંને દિશામાં ઉભી રહેશે. ટ્રેન નંબર 09018 અને 09017 માટે બુકિંગ પેસેન્જર રિઝર્વેશન સેન્ટર્સ અને IRCTC વેબસાઇટ પર શરૂ થઈ ગયું છે. આ ટ્રેનના ઓપરેટિંગ સમય, સ્ટોપ અને સ્ટ્રક્ચર અંગેની વિગતવાર માહિતી માટે મુસાફરો www.enquiry.indianrail.gov.in વેબસાઇટની મુલાકાત લઈ શકે છે. 

ટિકિટ કેન્સલ કરાવવા પર ભારતીય રેલવે મુસાફરોને સંપૂર્ણ રિફંડ આપે છે

ટ્રેનો કેન્સલ થવાથી અથવા મોડી ચાલવાને કારણે ટિકિટ કેન્સલ કરાવવા પર ભારતીય રેલવે મુસાફરોને સંપૂર્ણ રિફંડ આપે છે. જો કે, મોટાભાગના પ્રવાસીઓને આની જાણ હોતી નથી. દેશના ઘણા ભાગો આ સમયે વરસાદની ઝપેટમાં છે અને આવી સ્થિતિમાં, રેલ વ્યવહાર પર માર્ગ ખરાબ રીતે પ્રભાવિત થયો છે. જો તમે પણ આવા સમયે ટ્રેનની ટિકિટ કેન્સલ કરીને સંપૂર્ણ રિફંડ મેળવવા માંગો છો, તો તેના માટે તમારે એક નાની પ્રક્રિયાને અનુસરવી પડશે. 

રેલવેના નિયમો મુજબ, જો તમારી ટ્રેન 3 કલાક કે તેથી વધુ મોડી હોય તો તમે તમારી ટિકિટનું સંપૂર્ણ રિફંડ મેળવવા માટે હકદાર છો. આ સ્થિતિમાં તમે ટિકિટ કેન્સલ કરી શકો છો. કાઉન્ટર પરની ટિકિટ માટે, ટિકિટ રદ કરવા માટે રિઝર્વેશન કાઉન્ટરની મુલાકાત લેવાની સલાહ આપવામાં આવે છે. જો તમે આઈઆરસીટીસી દ્વારા તમારી ટિકિટ ઓનલાઈન ખરીદી છે, તો વેબસાઈટ પર આપવામાં આવેલા કેન્સલેશન સ્ટેપ્સને અનુસરો.