Humayun Tomb: હુમાયુના મકબરા પરિસરમાં મોટી દુર્ઘટના, પાંચ લોકોના મોત, પાંચ ઈજાગ્રસ્ત
Humayun Tomb: વરસાદને કારણે કેટલાક લોકો ફસાઈ ગયા હતા અને અકસ્માતમાં દટાઈ ગયા હતા.
Humayun Tomb: દિલ્હીના નિઝામુદ્દીન વિસ્તારમાં 15 ઓગસ્ટ 2025, શુક્રવારના રોજ હુમાયુના મકબરા પર મોટી દુર્ઘટના બની હતી. જેમાં પાંચ લોકોના મોત થયા હતા. મૃતકોમાં ત્રણ મહિલાઓ અને બે પુરુષોનો સમાવેશ થાય છે. વાસ્તવમાં, ફતેહ શાહ દરગાહનો એક હિસ્સો મકબરા પરિસરની પાછળની બાજુએ તૂટી પડ્યો હતો. વરસાદને કારણે કેટલાક લોકો ફસાઈ ગયા હતા અને અકસ્માતમાં દટાઈ ગયા હતા. કાટમાળમાંથી 10-12 લોકોને બહાર કાઢવામાં આવ્યા હતા. ઘાયલોને એઈમ્સ અને એલએનજેપી હોસ્પિટલમાં દાખલ કરવામાં આવ્યા હતા.
#WATCH | Delhi | On the incident of roof collapse in Dargah Sharif Patte Shah premises, Joint CP Sanjay Jain says, "10 persons were rescued and sent to AIIMS Trauma Centre and LNJP. Out of the 10 people, five people at AIIMS Trauma Centre have died. The rescue operation has been… pic.twitter.com/iNCJBtBaXQ
— ANI (@ANI) August 15, 2025
તે એક નબળું અને જૂનું માળખું હતું - ફાયર ઓફિસર
ફાયર ઓફિસર મુકેશ વર્માએ જણાવ્યું હતું કે બે રૂમ તૂટી પડ્યા હતા. તે એક નબળું અને જૂનું માળખું હતું. પાંચની સારવાર ચાલી રહી છે. બચાવ કામગીરી પૂર્ણ થઈ ગઈ છે.
મોઈન નામના મૃતકના સસરા આ ઘટના પર રડવા લાગ્યા હતા. તેમણે કહ્યું હતું કે, "મોઈન કપડાની દુકાનમાં કામ કરતો હતો. તે નમાઝ પઢવા માટે દરગાહમાં ગયો હશે. મારા બે બાળકો છે, તેમનું શું થશે. મારી દીકરીએ ફોન કરીને કહ્યું કે છત પડી ગઈ છે. મારી દીકરીની હાલત ખરાબ છે."
ASI કબરની જાળવણી કરે છે
હુમાયુનો મકબરા દિલ્હીમાં પ્રખ્યાત છે. લોકો રજાઓ દરમિયાન પણ અહીં ફરવા આવે છે. આવી સ્થિતિમાં અહીં ભીડ રહે છે. ભારતીય પુરાતત્વ સર્વેક્ષણ (ASI) આ મકબરાની જાળવણી કરે છે.
હુમાયુની પહેલી બેગમે બનાવ્યો હતો
હુમાયુનો મકબરા, જેને મકબરા-એ-હુમાયુ તરીકે પણ ઓળખવામાં આવે છે, તે મુઘલ સમ્રાટ હુમાયુની યાદમાં બનાવેલ એક ભવ્ય સ્મારક છે. તે તેની પહેલી બેગમ બેગા બેગમ દ્વારા 1569-70 માં બનાવવામાં આવ્યો હતો. આ બેગમને હાજી બેગમ તરીકે પણ ઓળખવામાં આવે છે. આ ભવ્ય મકબરા પર્શિયન વાસ્તુકાર મીર મિર્ઝા ગિયાસ અને તેના પુત્ર સૈયદ મુહમ્મદ દ્વારા તૈયાર કરવામાં આવ્યો હતો.
1993માં યુનેસ્કોએ તેને વર્લ્ડ હેરિટેજ સાઇટનો દરજ્જો આપ્યો હતો, ત્યારબાદ અહીં મોટા પાયે સંરક્ષણ અને જીર્ણોદ્ધાર કરવામાં આવ્યો હતો. મુખ્ય મકબરાની સાથે આ સંકુલમાં ઘણા નાના સ્મારકો છે. ખાસ કરીને પશ્ચિમી પ્રવેશદ્વાર પાસે ઇસા ખાન નિયાઝીનો મકબરો સંકુલ છે. ઇસા ખાન સુરી વંશના શેરશાહ સૂરીના દરબારમાં એક અગ્રણી અફઘાન સરદાર હતો, જેણે 1547માં મુઘલો સામે લડાઈ લડી હતી. આ મકબરો માત્ર ઐતિહાસિક મહત્વ જ નથી ધરાવતો પણ મુઘલ સ્થાપત્યનું એક ભવ્ય ઉદાહરણ પણ છે, જે આજે પણ ઇતિહાસ અને કલા પ્રેમીઓને આકર્ષે છે.
ટોપ સ્ટોરી
ટ્રેન્ડિંગ સમાચાર
