Delhi: દિલ્હીના પ્રશાંત વિહારમાં PVR પાસે વિસ્ફોટ, પોલીસે શરૂ કરી તપાસ
દિલ્હીના પ્રશાંત વિહારમાં PVR પાસે જોરદાર વિસ્ફોટ થયો હતો.
દિલ્હીના પ્રશાંત વિહારમાં PVR પાસે જોરદાર વિસ્ફોટ થયો હતો. દિલ્હી પોલીસને ફોન કરીને આ અંગે જાણ કરવામાં આવી છે. માહિતી મળ્યા બાદ પોલીસ ટીમે આ મામલે તપાસ શરૂ કરી છે. સૌથી પહેલા તો પોલીસ એ જાણવાનો પ્રયાસ કરી રહી છે કે આ બ્લાસ્ટ કયા પ્રકારનો છે.
Delhi | "A call regarding a blast was received from the Prashant Vihar area at 11.48 AM today. Fire tenders have reached the site," says Delhi Fire Service.
— ANI (@ANI) November 28, 2024
Details awaited.
દિલ્હી પોલીસને માહિતી મળી હતી કે દિલ્હીના પ્રશાંત વિહાર વિસ્તારમાં જોરદાર બ્લાસ્ટ થયો હતો. માહિતી મળતા જ દિલ્હી પોલીસના ઉચ્ચ અધિકારીઓ ઘટનાસ્થળે પહોંચી ગયા હતા. બ્લાસ્ટની સાથે પોલીસ કોલ કરનાર વ્યક્તિની ઓળખની પણ તપાસ કરી રહી છે.
#WATCH | Delhi | Teams of the Delhi Police Crime Branch, Special Cell and Bomb Disposal Squad are present on the spot, where an explosion occurred in the Prashant Vihar area today. The area has been cordoned off. pic.twitter.com/GincnzmAJ9
— ANI (@ANI) November 28, 2024
દરમિયાન, પોલીસે લોકોને શાંતિ જાળવવા અને અફવાઓ પર ધ્યાન ન આપવાની અપીલ કરી છે. પોલીસે કહ્યું છે કે ઘટનાની તપાસ કરવામાં આવી રહી છે અને વધુ માહિતી ટૂંક સમયમાં જાહેર કરવામાં આવશે.
દિલ્હી પોલીસને સવારે લગભગ 11.48 વાગ્યે વિસ્ફોટ અંગેનો ફોન આવ્યો હતો જેના પછી તરત જ મોટી સંખ્યામાં પોલીસ દળોને સ્થળ પર મોકલવામાં આવ્યા હતા. સાથે જ ફાયર વિભાગને પણ જાણ કરવામાં આવી હતી. ફાયર એન્જિન પણ ઘટનાસ્થળે મોકલવામાં આવ્યા છે.
વિસ્ફોટ થયા બાદ સ્થાનિક લોકોએ પોલીસ કંટ્રોલ રૂમને આની જાણ કરી હતી. તેમને જણાવવામાં આવ્યું હતું કે પ્રશાંત વિહારમાં બંસી સ્વીટ્સ પાસે બ્લાસ્ટ થયો હતો. માહિતી મળતા જ પોલીસ ઘટના સ્થળે પહોંચી ગઈ હતી. મામલાની તપાસ ચાલી રહી છે. બ્લાસ્ટ ક્યા સ્થળે થયો અને તે કયા પ્રકારનો હતો તે હજુ સુધી જાણી શકાયું નથી.
દિલ્હી પોલીસના સૂત્રોના જણાવ્યા પ્રમાણે, આ બ્લાસ્ટ સીઆરપીએફ સ્કૂલની દિવાલ પર થયેલા બ્લાસ્ટ જેવો જ છે. પરંતુ આ ઓછી તીવ્રતાનો વિસ્ફોટ હતો. એક વ્યક્તિને થોડી ઈજા થઈ છે.
એક મહિના પહેલા પણ આ જ વિસ્તારમાં વિસ્ફોટ થયો હતો
આને લગતો એક વીડિયો પણ સામે આવ્યો છે. વીડિયોમાં લોકોની ભીડ જોવા મળી રહી છે, જ્યારે પોલીસ તેમને વિસ્તારમાંથી હટાવવામાં વ્યસ્ત છે. 40 દિવસમાં બ્લાસ્ટની આ બીજી ઘટના છે. આ પહેલા ઓક્ટોબરમાં ઉત્તર-પશ્ચિમ દિલ્હીના પ્રશાંત વિહાર વિસ્તારમાં CRPF સ્કૂલ પાસે વિસ્ફોટ થયો હતો. કેસની તપાસની જવાબદારી બાદમાં NIAને સોંપવામાં આવી હતી. આ ઘટનામાં કોઈને ઈજા થઈ નથી પરંતુ મામલાની તપાસ ચાલી રહી છે.
ટોપ સ્ટોરી
ટ્રેન્ડિંગ સમાચાર
