હરિયાણામાં AAPએ લોન્ચ કર્યું ચૂંટણી કેમ્પેઈન,'...અબ લાએંગે કેજરીવાલ'

Haryana Assembly Election 2024: હરિયાણા વિધાનસભા ચૂંટણી માટે પ્રચારની શરૂઆત કરતા પંજાબના મુખ્યમંત્રી ભગવંત માને કહ્યું કે હરિયાણાને કોંગ્રેસ અને ભાજપ દ્વારા લૂંટવામાં આવ્યું છે. પૂરી તાકાત સાથે ચૂંટણી લડશે.

આમ આદમી પાર્ટી (Source : X@AamAadmiParty )

Source : twitter

Haryana Assembly Election 2024: આમ આદમી પાર્ટી (AAP) એ આજે ​​(ગુરુવાર, 18 જુલાઈ) થી હરિયાણા વિધાનસભા ચૂંટણી માટે ચૂંટણી પ્રચાર શરૂ કર્યો છે. પ્રચારની શરૂઆત કરતી વખતે પાર્ટીએ 'બદલેંગે હરિયાણા કા હાલ, અબ લાએંગે કેજરીવાલ ' નો નારો આપ્યો હતો. આ પ્રસંગે પંજાબના મુખ્યમંત્રી ભગવંત માન, રાજ્યસભાના સાંસદ સંજય સિંહ અને સંદીપ પાઠક હાજર હતા.

 

आम आदमी पार्टी ने हरियाणा में पूरी मज़बूती के साथ लड़ने का फ़ैसला किया है। यहां पिछले 10 वर्षों से BJP के ‘डबल इंजन’ की सरकार है, जिसने राज्य को बर्बाद कर दिया है।

इस डबल इंजन की सरकार में किसानों, युवाओं पर लाठियां बरसाई गई हैं। हरियाणा को फिरौती का राज्य बना दिया है।… pic.twitter.com/HQztaUwwp0

— AAP (@AamAadmiParty) July 18, 2024

મુખ્યમંત્રી માને કહ્યું કે અમે પૂરી તાકાત સાથે ચૂંટણી લડીશું. અડધું હરિયાણા પંજાબને અને અડધું હરિયાણા દિલ્હીને સ્પર્શે છે. બંને રાજ્યોમાં અમારી સરકારો છે. હરિયાણાએ દરેક પક્ષને સમય આપ્યો છે, કોંગ્રેસ અને ભાજપની સાથે પ્રાદેશિક પક્ષોને પણ સમય આપ્યો છે પરંતુ કોઈએ વફાદારી બતાવી નથી. જે પણ આવ્યો તેણે લૂંટફાટ કરી.

ભગવંત માને કહ્યું, હરિયાણાના લોકો પરિવર્તન ઈચ્છે છે. કેજરીવાલ હરિયાણાના જ છે. અહીંના લોકો ગર્વ અનુભવે છે કે તેમણે રાજકારણ બદલ્યું છે. અમે અહીં પુરી તાકાત સાથે ચૂંટણી લડીશું.

 

बदलेंगे हरियाणा का हाल - अब लाएंगे केजरीवाल 🔥

हरियाणा की संस्कृति पंजाब और दिल्ली से काफ़ी मिलती-जुलती है। दोनों राज्यों से हरियाणा जुड़ा हुआ है।

हमारी आपस में रिश्तेदारियां भी हैं। हम यहां पूरी मेहनत से और एकजुट होकर चुनाव लड़ेंगे। @BhagwantMann pic.twitter.com/o56AqIS6eS

— AAP (@AamAadmiParty) July 18, 2024

સંજય સિંહે શું કહ્યું?

રાજ્યસભાના સાંસદ સંજય સિંહે કહ્યું કે આ ચૂંટણીમાં જનતા ભાજપને જડબાતોડ જવાબ આપશે. અહીં પાર્ટી તમામ સીટો પર ચૂંટણી લડશે આમ આદમી પાર્ટીના મહાસચિવ અને રાજ્યસભાના સાંસદ સંદીપ પાઠકે કહ્યું કે આમ આદમી પાર્ટી હરિયાણામાં એવી રીતે ચૂંટણી લડશે કે દુનિયા દંગ રહી જશે. પાર્ટી સરકાર બનાવવા માટે દરેક સીટ અને દરેક બૂથ પર પૂરી તાકાત સાથે ચૂંટણી લડશે.

તેમણે કહ્યું, હરિયાણામાં સાડા છ હજાર ગામડાં છે, અમે ત્યાં જાહેર સંવાદ કર્યો છે. જનતા બદલાવની માંગ કરી રહી છે. તે આશાભરી નજરે કેજરીવાલ તરફ જોઈ રહી છે. હાલ હરિયાણામાં ભાજપની સરકાર છે. આ વર્ષના અંતમાં અહીં વિધાનસભાની ચૂંટણી યોજાવા જઈ રહી છે. અહીં મુખ્યત્વે ભાજપ અને કોંગ્રેસ વચ્ચે સ્પર્ધા છે. આપની એન્ટ્રી બંને પક્ષો માટે સમસ્યાઓ વધારી શકે છે. INLD અને JJP પણ હરિયાણામાં મજબૂતીથી ચૂંટણી લડવાની યોજના બનાવી રહી છે. INLDએ હાલમાં જ અહીં ભાજપ સાથે ગઠબંધનની જાહેરાત કરી છે.