PFI Ban: દેશમાં PFI પર 5 વર્ષ માટે પ્રતિબંધને લઈ લાલુ પ્રસાદ યાદવે શું કહ્યું ?
PFI Ban : લાલુ યાદવે કહ્યું સૌથી પહેલા આરએસએસ પર પ્રતિબંધ લગાવવો જોઈએ. આ લોકો મુસ્લિમ સંગઠનોને નિશાન બનાવી રહ્યા છે અને દરેક બાબતમાં હિન્દુ-મુસ્લિમ કરે છે.
PFI Ban : બિહારની રાજધાની પટનાના ફુલવારી શરીફમાંથી ફુલવારી શરીફ ટેરર મોડ્યુલની વાત સામે આવી હતી. આ પછી ધીરે ધીરે તપાસ એટલી તેજ થઈ ગઈ કે ઘણા રાજ્યોમાં દરોડા પાડવામાં આવ્યા અને ઘણા લોકોની ધરપકડ કરવામાં આવી. ફુલવારી શરીફથી વર્ષ 2047 સુધીમાં ભારતને ઈસ્લામિક રાષ્ટ્ર બનાવવાના 'મિશન 2047'નું રહસ્ય જાણવા મળ્યું. 12 જુલાઈના રોજ પટનામાં વડાપ્રધાન નરેન્દ્ર મોદીના કાર્યક્રમ દરમિયાન હુમલાની યોજના ઘડવામાં આવી હોવાનું પણ બહાર આવ્યું છે. દેશમાં ગૃહ મંત્રાલય દ્વારા PFI પર પાંચ વર્ષ માટે પ્રતિબંધ લગાવ્યા બાદ હવે નેતાઓના નિવેદનો પણ સામે આવી રહ્યા છે.
RJD સુપ્રીમો લાલુ પ્રસાદ યાદવે પણ PFI પર દેશમાં પાંચ વર્ષ માટે પ્રતિબંધને લઈને નિવેદન આપ્યું હતું. પીએફઆઈ પ્રતિબંધ પર વાત કરતા તેમણે કહ્યું કે આવા સંગઠનો પર પ્રતિબંધ મૂકવો જોઈએ. સાથે જ કહ્યું કે સૌથી પહેલા આરએસએસ પર પ્રતિબંધ લગાવવો જોઈએ. આ લોકો મુસ્લિમ સંગઠનોને નિશાન બનાવી રહ્યા છે અને દરેક બાબતમાં હિન્દુ-મુસ્લિમ કરે છે.
"PFI is being investigated. All organisations like PFI including RSS should be banned and an investigation should be done," says RJD chief Lalu Prasad Yadav on #PFIBan pic.twitter.com/9nnxvwIEGU
— ANI (@ANI) September 28, 2022
ગૃહ મંત્રાલય તરફથી એક મોટા સમાચાર સામે આવ્યા છે. જેમાં કહેવામાં આવ્યું છે કે વિવાદાસ્પદ સંગઠન પોપ્યુલર ફંડ ઓફ ઈન્ડિયા (PFI) પર પ્રતિબંધ મૂકવામાં આવ્યો છે. દેશભરમાં છેલ્લા ઘણા દિવસોથી આ સંગઠન વિરુદ્ધ દરોડા પાડવામાં આવી રહ્યા હતા, ત્યારબાદ આ મોટી કાર્યવાહી કરવામાં આવી છે. પીએફઆઈને ગેરકાયદેસર સંગઠન જાહેર કરીને તેને આગામી પાંચ વર્ષ માટે પ્રતિબંધિત કરવામાં આવ્યો છે. આ સાથે જ આ પ્રતિબંધ તેની સાથે જોડાયેલા અન્ય તમામ સંગઠનો પર પણ લાગુ થશે. અગાઉ NIA દ્વારા દેશભરના તમામ રાજ્યોમાં આ સંગઠન વિરુદ્ધ દરોડા પાડવામાં આવ્યા હતા, આ દરોડા દરમિયાન આતંકવાદી સંબંધોના આરોપો સહિત અનેક મહત્વપૂર્ણ પુરાવા એજન્સીઓને હાથ લાગ્યા હતા.
ઓપરેશન ઓક્ટોપસ હાથ ધરવામાં આવ્યું હતું
દેશભરમાં પોપ્યુલર ફ્રન્ટ ઓફ ઈન્ડિયા (PFI) વિરુદ્ધ શરૂ થયેલી કાર્યવાહીને ઓપરેશન ઓક્ટોપસ નામ આપવામાં આવ્યું હતું. આ અંતર્ગત પહેલા દેશના કેટલાક રાજ્યોમાં દરોડા પાડવામાં આવ્યા હતા, પરંતુ ત્યારબાદ અચાનક એક સાથે 15 રાજ્યોમાં દરોડા પાડવામાં આવ્યા હતા. આ દરમિયાન પીએફઆઈના તમામ નેતાઓની ધરપકડ કરવામાં આવી હતી. ઓપરેશનના બીજા રાઉન્ડ હેઠળ, 27 સપ્ટેમ્બરના રોજ, દેશના 8 રાજ્યોમાં એજન્સીઓના ઇનપુટ્સ પર, એટીએસ અને રાજ્ય પોલીસે PFIના ઘણા સ્થળો પર દરોડા પાડ્યા હતા.
મધ્યપ્રદેશ, ઉત્તર પ્રદેશ, તેલંગાણા, દિલ્હી, મહારાષ્ટ્ર, ગુજરાત, કર્ણાટક અને આસામમાં, સુરક્ષા એજન્સીઓ દ્વારા મહા દરોડામાં 170 થી વધુ PFI શંકાસ્પદોની અટકાયત કરવામાં આવી હતી. આસામ અને મહારાષ્ટ્રમાં 25થી વધુ લોકોની, યુપીમાં 57, દિલ્હીમાં 30, મધ્યપ્રદેશમાં 21, ગુજરાતમાં 10 અને કર્ણાટકમાં 80 લોકોની ધરપકડ કરવામાં આવી છે. આ દરમિયાન ખૂબ જ મહત્વપૂર્ણ પુરાવા હાથમાં આવ્યા.
ટોપ સ્ટોરી
ટ્રેન્ડિંગ સમાચાર
