(Source: ECI/ABP News/ABP Majha)
Assembly Election Results 2023 LIVE: ત્રિપુરા-નાગાલેન્ડ અને મેઘાલયના પરિણામ બાદ પીએમ મોદીનું સંબોધન
Assembly Election Results 2023 LIVE Updates: ત્રિપુરાની 60 સભ્યોની વિધાનસભામાં બહુમત માટે 31 બેઠકો જરૂરી છે
LIVE
Background
મેઘાલય, ત્રિપુરા અને નાગાલેન્ડ વિધાનસભા ચૂંટણીના પરિણામોનો દિવસ આવી ગયો છે. આજે એટલે કે ગુરુવારે (2 માર્ચ) ત્રણેય રાજ્યોના ચૂંટણી પરિણામો જાહેર થશે. ત્રિપુરામાં 16 ફેબ્રુઆરીએ મતદાન થયું હતું. રાજ્યમાં લગભગ 88 ટકા મતદાન થયું હતું. જ્યારે મેઘાલય અને નાગાલેન્ડમાં 27 ફેબ્રુઆરીએ મતદાન થયું હતું. નાગાલેન્ડમાં લગભગ 84 ટકા અને મેઘાલયમાં 76 ટકા મતદાન થયું હતું.
ત્રિપુરાની 60 સભ્યોની વિધાનસભામાં બહુમત માટે 31 બેઠકો જરૂરી છે. ઈન્ડિયા ટુડે-એક્સિસ માય ઈન્ડિયાના એક્ઝિટ પોલ અનુસાર, ભાજપને ત્રિપુરામાં મહત્તમ 36-45 બેઠકો મળવાની ધારણા છે. જ્યારે ટીએમપી (ટીપ્રા મોથા)ને 9-16 બેઠકો મળી શકે છે, જ્યારે લેફ્ટ+કોંગ્રેસને 6-11 બેઠકો મળી શકે છે. અન્યને કોઈ બેઠક મળતી હોય તેવું લાગતું નથી. ટાઇમ્સ નાઉ ETGના એક્ઝિટ પોલે ભાજપને 21-27, ડાબેરીઓને 18-24, TMPને 12-17 બેઠકો આપી છે. મોટાભાગના એક્ઝિટ પોલમાં ત્રિપુરામાં ભાજપની વાપસીની વાત કહેવામાં આવી રહી છે.
નાગાલેન્ડમાં ભાજપ-એનડીપીપી માટે બહુમતી?
નાગાલેન્ડ વિધાનસભા ચૂંટણીના એક્ઝિટ પોલમાં ભાજપ-એનડીપીપી ગઠબંધનની જંગી જીતની આગાહી કરવામાં આવી છે. ઈન્ડિયા ટુડે-એક્સિસ માય ઈન્ડિયાના એક્ઝિટ પોલ્સ મુજબ, BJP-NDPP ગઠબંધનને 38-48 બેઠકો, NPFને 3-8 બેઠકો, કોંગ્રેસને 1-2 બેઠકો અને અન્યને 5-15 બેઠકો મળવાનું અનુમાન છે. ટાઇમ્સ નાઉ ઇટીજીના એક્ઝિટ પોલ દર્શાવે છે કે ભાજપ-એનડીપીપીને 39-49 બેઠકો, એનપીએફને 4-8 બેઠકો મળી છે. જ્યારે કોંગ્રેસનું ખાતું પણ ખૂલતું નથી. નાગાલેન્ડની 60 સભ્યોની વિધાનસભામાં બહુમત માટે 31 બેઠકો જરૂરી છે.
મેઘાલયમાં ત્રિશંકુ વિધાનસભાની સંભાવના
બીજી તરફ મેઘાલયના વાત કરીએ તો મોટાભાગના એક્ઝિટ પોલ્સે અહીં ત્રિશંકુ વિધાનસભાની આગાહી કરી છે. ઈન્ડિયા ટુડે-એક્સિસ માય ઈન્ડિયા એક્ઝિટ પોલે NPPને 18-24 બેઠકો, BJPને 4-8 બેઠકો, કોંગ્રેસને 6-12 બેઠકો, TMCને 5-9 બેઠકો અને અન્યને 4-8 બેઠકો આપી છે.
શું BJP-NPP ગઠબંધન કરશે?
ટાઈમ્સ નાઉ ETG એક્ઝિટ પોલમાં NPP માટે 18-26 બેઠકો, BJPને 3-6 બેઠકો, TMCને 8-14 બેઠકો, કોંગ્રેસને 2-5 બેઠકોની આગાહી કરવામાં આવી છે. મેઘાલયમાં કોનરાડ સંગમાની NPP ફરી એકવાર ભાજપ સાથે સરકાર બનાવી શકે છે. એક્ઝિટ પોલ બાદ તેમણે આ વાતનો સંકેત પણ આપ્યો હતો. તેમણે કહ્યું હતું કે જો પરિણામો બાદ ભાજપ સાથે ગઠબંધનની જરૂર પડશે તો રાજ્યના હિતમાં નિર્ણય લેવામાં આવશે.
શું કહ્યું પીએમ મોદીએ
પીએમ મોદીએ કહ્યું કે આ ચૂંટણી દિલો વચ્ચેના અંતરને ખતમ કરવાની સાથે નવી વિચારસરણીનું પ્રતિબિંબ છે. હવે નોર્થ ઈસ્ટ ન તો દિલ્હીથી દૂર છે અને ન તો દિલથી દૂર છે. આ એક નવો યુગ અને નવો ઈતિહાસ રચવાની ક્ષણ છે. ચૂંટણી જીતવા કરતાં પણ વધુ મને એ વાતનો સંતોષ છે કે પીએમના કાર્યકાળ દરમિયાન તેમણે વારંવાર ઉત્તર પૂર્વમાં જઈને લોકોના દિલ જીત્યા. આપણા કેટલાક શુભચિંતકો એવા છે કે જેમને ચિંતા છે કે ભાજપની જીતનું રહસ્ય શું છે? પરિણામો આવ્યા ત્યાં સુધી મેં ટીવી જોયું નથી અને એ પણ જોયું નથી કે ઈવીએમને ગાળો ભાંડવાની શરુ થઈ કે નહીં.
#WATCH | PM Narendra Modi arrives at BJP headquaters in Delhi after the Assembly polls results of Tripura, Nagaland and Meghalaya. pic.twitter.com/1FfOhk2aOl
— ANI (@ANI) March 2, 2023
જેપી નડ્ડા બીજેપી હેડક્વાર્ટર પહોંચ્યા
મેઘાલય, ત્રિપુરા અને નાગાલેન્ડની વિધાનસભા ચૂંટણીના પરિણામો બાદ ભાજપના અધ્યક્ષ જે.પી. નડ્ડા દિલ્હી બીજેપી હેડક્વાર્ટર પહોંચ્યા છે. પીએમ મોદી પણ થોડીવારમાં પહોંચશે અને સંબોધન કરશે.
મેઘાલયમાં એનપીપી બહુમતી ન મેળવી શકી
એનપીપી મેઘાલયની ચૂંટણીમાં સૌથી મોટી પાર્ટી તરીકે ઉભરી આવી છે, જોકે બહુમતી મેળવી શકી નથી. આના પર, મેઘાલયના મુખ્ય પ્રધાન કોનરાડ સંગમાએ કહ્યું, 'અમે અમારા પક્ષને મત આપવા બદલ લોકોનો આભાર માનીએ છીએ. અમારી પાસે થોડી સીટો ઓછી છે, તેથી અમે અંતિમ પરિણામોની રાહ જોઈ રહ્યા છીએ. પછી અમે આગળ કેવી રીતે આગળ વધવું તે નક્કી કરીશું.
મુખ્યમંત્રી માણિક સાહાને વિજયનું પ્રમાણપત્ર મળ્યું
વિજયનું પ્રમાણપત્ર પ્રાપ્ત કર્યા બાદ ત્રિપુરાના મુખ્યમંત્રી માણિક સાહાએ કહ્યું, "જીત્યા પછી આ પ્રમાણપત્ર મેળવવું ખૂબ જ સારી અનુભૂતિ છે. હું વડા પ્રધાન, ગૃહ પ્રધાન, સંરક્ષણ પ્રધાન, ભાજપના રાષ્ટ્રીય અધ્યક્ષ સહિત તમામ કાર્યકરોનો આભાર માનું છું. છું."
નાગાલેન્ડમાં ભાજપ ગઠબંધનની સરકાર બનશે
#NagalandAssemblyElections2023 | Nationalist Democratic Progressive Party wins 1 seat, leading on 22 seats, BJP won two seats and leading on 11 seats
— ANI (@ANI) March 2, 2023
Republican Party of India (Athawale) wins one seat and leads on one seat. pic.twitter.com/AtSGPWyhIO
ટ્રેન્ડિંગ સમાચાર
ટોપ સ્ટોરી
