Bipin Rawat: બિપિન રાવત અને 12 અન્ય મૃતકોના મૃતદેહને લઇ જઇ રહેલી એમ્બ્યુલન્સનો અકસ્માત, કોઇ ઇજાગ્રસ્ત નહી

એક રિપોર્ટ અનુસાર, અત્યાર સુધી અકસ્માતમાં કોઇ જાનહાનિના સમાચાર નથી. પાર્થિવ મૃતદેહોને સુલુર એરબેઝથી આજે સાંજ સુધીમાં દિલ્હી માટે એરલિફ્ટ કરવામાં આવશે.

નવી દિલ્હીઃ સીડીએસ જનરલ બિપિન રાવત, તેમની પત્ની મધુલિકા રાવત અને 11 અન્ય મૃતકોના મૃતદેહ લઇને જઇ રહેલી એમ્બ્યુલન્સમાંથી એકને અકસ્માત નડ્યો હતો. ગુરુવારે સવારે જ મૃતકોના પાર્થિવ દેહને વેલિંગ્ટનથી મદ્રાસ રેજિમેન્ટલ સેન્ટર લાવવામા આવી રહ્યો હતો. રેજિમેન્ટલ સેન્ટરથી તેમના પાર્થિવ દેહને સુલૂર એરબેઝ લઇ જવામાં આવી રહ્યા હતા ત્યારે કાફલામાં સામેલ એક એમ્બ્યુલન્સ અનિયંત્રિત થઇને પહાડ સાથે ટકરાઇ હતી.

#WATCH | Tamil Nadu: Locals shower flower petals as ambulances carrying the mortal remains of CDS Bipin Rawat, his wife and other personnel who died in the Coonoor Helicopter Crash, leave for Sulur airbase from Madras Regimental Centre in Nilgiris district pic.twitter.com/dWhw9kG3l9

— ANI (@ANI) December 9, 2021

એક રિપોર્ટ અનુસાર, અત્યાર સુધી અકસ્માતમાં કોઇ જાનહાનિના સમાચાર નથી. પાર્થિવ મૃતદેહોને સુલુર એરબેઝથી આજે સાંજ સુધીમાં દિલ્હી માટે એરલિફ્ટ કરવામાં આવશે.

તમિલનાડુના કુનુરમાં બુધવારે હેલિકોપ્ટર ક્રેશમાં દેશના પ્રથમ સીડીએસ જનરલ બિપિન રાવત, તેમના પત્ની મઘુલિકા રાવત અને 11 અન્ય સૈન્ય અધિકારીઓનું નિધન થયું હતું. દરમિયાન વેલિંગ્ટન મિલિટરી કોલેજ ખાતે મૃતકોને સંપૂર્ણ સૈન્ય સન્માન સાથે મદ્રાસ રેજિમેન્ટલ સેન્ટર ખાતે લાવવામાં આવ્યા હતા અને ત્યાં એક શ્રધ્ધાંજલિ સભા પણ યોજાઈ હતી.