COVID 19: નવ રાજ્યમાં ઝડપથી વધી રહ્યા છે કોરોનાના કેસ, સ્વાસ્થ્ય મંત્રાલયે યોજી બેઠક

રાજ્યોને પ્રથમ, બીજા અને બુસ્ટર ડોઝ માટે મફત કોવિડ-19 રસીકરણને ઝડપી બનાવવા માટે કહેવામાં આવ્યું હતું

પ્રતિકાત્મક તસવીર

ભારતમાં કોરોના (કોવિડ-19)ના કેસ વધી રહ્યા છે, તેથી આજે કેન્દ્રીય આરોગ્ય સચિવ રાજેશ ભૂષણે કેરળ, પશ્ચિમ બંગાળ, તમિલનાડુ, મહારાષ્ટ્ર, આસામ, આંધ્રપ્રદેશ, હિમાચલ પ્રદેશ, મિઝોરમના 9 રાજ્યો અને અરુણાચલ પ્રદેશમાં કોવિડ-19ની સ્થિતિની સમીક્ષા કરવા માટે આજે ઉચ્ચ સ્તરીય બેઠક યોજાઈ હતી. આ રાજ્યોમાં નવા કેસ વધી રહ્યા છે અને કેટલાકમાં પોઝિટિવીટી રેટ  ઘણો ઊંચો છે. તેથી, આ રાજ્યોમાં કોવિડના સર્વેલન્સ, નિયંત્રણ અને વ્યવસ્થાપન માટેના જાહેર આરોગ્ય પગલાંની પણ સમીક્ષા કરવામાં આવી હતી.

Centre reviews COVID-19 situation in 115 districts of 9 states showing an upsurge in COVID cases and positivity. Flags concerns regarding low levels of testing and vaccination. States to report and monitor district-wise SARI and ILI cases on a daily basis

— ANI (@ANI) July 20, 2022

બેઠકમાં જણાવવામાં આવ્યું હતું કે આંધ્ર પ્રદેશ, અરુણાચલ પ્રદેશ, આસામ, પશ્ચિમ બંગાળ, મહારાષ્ટ્ર અને હિમાચલ પ્રદેશમાં પ્રતિ મિલિયન વસ્તી પર સરેરાશ પરીક્ષણ રાષ્ટ્રીય સરેરાશ કરતા ઓછું છે. RT-PCR પરીક્ષણોનો હિસ્સો મિઝોરમ, અરુણાચલ પ્રદેશ અને આસામમાં ઘણો ઓછો છે અને હિમાચલ પ્રદેશ, કેરળ અને પશ્ચિમ બંગાળ રાજ્યોમાં રાષ્ટ્રીય સરેરાશ કરતા ઓછો છે.

નીતિ આયોગના સભ્યો પણ હાજર રહ્યા

આ રાજ્યોને RT-PCR ટેસ્ટ ઘટતા તેમાં તાત્કાલિક સુધારો કરવા અને પ્રતિ મિલિયન સરેરાશ દૈનિક ટેસ્ટિંગમાં સુધારો કરવાનું કહેવામાં આવ્યું છે. આ બેઠકમાં નીતિ આયોગના હેલ્થ મેમ્બર ડૉ. વિનોદ પોલ પણ હાજર રહ્યા હતા.

બેઠકમાં શું સૂચના આપવામાં આવી?

કેન્દ્રીય આરોગ્ય સચિવે કોવિડ નિયંત્રણ અને વ્યવસ્થાપન વ્યૂહરચના અંગે કેટલીક માર્ગદર્શિકા અને સલાહ આપી છે. ઉચ્ચ પોઝિટિવીટી રેટની જાણ કરતા તમામ જિલ્લાઓએ વધુ RTPCR ટેસ્ટિંગ કરવાની જરૂર છે. કોઈપણ બેદરકારી આ જિલ્લાઓમાં પરિસ્થિતિને વધુ ખરાબ કરી શકે છે. હોમ આઇસોલેશનના કેસો પર અસરકારક અને કડક રીતે દેખરેખ રાખવાની જરૂર છે જેથી કરીને તેઓ તેમના પડોશ, સમુદાય, ગામ, મહોલ્લા, વોર્ડમાં ભળી ન જાય અને ચેપ ન ફેલાવે.

રાજ્યોને 9 જૂન, 2022ના રોજ બહાર પાડવામાં આવેલી સુધારેલી સર્વેલન્સ વ્યૂહરચના અનુસાર દેખરેખ રાખવા સલાહ આપવામાં આવી હતી. તેઓને વધુમાં જિલ્લાવાર SARI (ગંભીર તીવ્ર શ્વાસોચ્છવાસની બીમારી) અને ILI (ઈન્ફલ્યુએન્ઝા જેવી બીમારી)ના કેસોની દૈનિક ધોરણે જાણ કરવા નિર્દેશ આપવામાં આવ્યો હતો. તેમજ આને જીનોમ સિક્વન્સીંગ માટે મેપ કરેલ INSACG પ્રયોગશાળાઓમાં મોકલવાના રહેશે.

રાજ્યોને પ્રથમ, બીજા અને બુસ્ટર ડોઝ માટે મફત કોવિડ-19 રસીકરણને ઝડપી બનાવવા માટે કહેવામાં આવ્યું હતું. ઉપરાંત, રાજ્યોને 30મી સપ્ટેમ્બર, 2022 સુધીમાં 'કોવિડ રસીકરણ અમૃત મહોત્સવ' હેઠળ 18+ વસ્તી માટે મફત રસીકરણના ડોઝના અમલીકરણને ઝડપી બનાવવા માટે કહેવામાં આવ્યું છે.