ગાળો આપતી હતી પત્ની, ગુજારતી હતી અત્યાચાર, હાઇકોર્ટે કહ્યુ- 'તમે ડિવોર્સ લેવાના હકદાર'

મહિલાની અપીલને ફગાવી દેતા હાઈકોર્ટે કહ્યું હતું  કે ફેમિલી કોર્ટનો નિર્ણય ખોટો નથી

પ્રતિકાત્મક તસવીર

પત્નીના અત્યાચારથી પીડિત પતિનો એક કેસ દિલ્હી હાઈકોર્ટમાં આવ્યો હતો. કેસની સુનાવણી બાદ કોર્ટે ચુકાદો આપ્યો કે દરેક વ્યક્તિને સન્માન સાથે જીવવાનો અધિકાર છે. એટલા માટે પતિનો તલાક લેવાનો નિર્ણય યોગ્ય છે. ફેમિલી કોર્ટના આદેશ બાદ આ મામલો દિલ્હી હાઈકોર્ટમાં પહોંચ્યો હતો. ફેમિલી કોર્ટે પતિને પત્નીને તલાક આપવાની મંજૂરી આપી હતી. આ નિર્ણય સામે પત્નીએ હાઈકોર્ટમાં અરજી કરી હતી.

મહિલાની અપીલને ફગાવી દેતા હાઈકોર્ટે કહ્યું હતું  કે ફેમિલી કોર્ટનો નિર્ણય ખોટો નથી. ફેમિલી કોર્ટ સાચા તારણ પર આવી છે કે પતિ સાથે ક્રૂરતા આચરવામાં આવી છે. તેને ત્રાસ આપવામાં આવ્યો છે. કોર્ટે કહ્યું, 'અમે સંતુષ્ટ છીએ કે રેકોર્ડ પર સાબિત થયેલી ક્રૂરતા પૂરતી છે. તેથી ક્રૂરતાના આધારે તલાક આપવાના ચુકાદો યોગ્ય છે. જસ્ટિસ સંજીવ સચદેવા અને વિકાસ મહાજનની બેન્ચે આ ચુકાદો આપ્યો હતો.

બે ન્યાયાધીશોની બેન્ચે પોતાના ચુકાદામાં કહ્યું હતું કે, તે રેકોર્ડ પર સાબિત થયું છે કે પતિને નિયમિત રીતે માનસિક ત્રાસ, પીડા અને વેદના સહન કરવી પડે છે. આ સ્પષ્ટપણે ક્રૂરતા છે. પતિએ કોર્ટમાં સુનાવણી દરમિયાન જણાવ્યું હતું કે જ્યારે પણ બંને વચ્ચે ઝઘડો થતો હતો ત્યારે પત્ની વારંવાર અપશબ્દોનો ઉપયોગ કરતી હતી. તેના પર કોર્ટે કહ્યું હતું કે કોઈ પણ વ્યક્તિ વિરુદ્ધ અપમાનજનક શબ્દોનો ઉપયોગ ન કરવો જોઈએ. દરેકને સન્માન સાથે જીવવાનો અધિકાર છે.

કેસની સુનાવણી દરમિયાન મહિલાના વકીલે દલીલ કરી હતી કે જ્યારે પતિ સાથે ક્રૂરતા થઈ હતી. આ માટે કોઈ સ્પષ્ટ તારીખોનો ઉલ્લેખ કરવામાં આવ્યો નથી. પરંતુ કોર્ટે વકીલની આ દલીલને ફગાવી દીધી હતી. કોર્ટે કહ્યું કે આ દલીલનું કોઈ મહત્વ નથી. કારણ કે પતિએ પોતાના પુરાવામાં કહ્યું છે કે જ્યારે પણ બંને વચ્ચે ઝઘડો થતો હતો ત્યારે મહિલા તેની અને તેના પરિવાર વિરુદ્ધ અપશબ્દોનો ઉપયોગ કરતી હતી.

ફેમિલી કોર્ટે જુલાઈ 2022ના રોજ આ મામલે પોતાનો ચુકાદો આપ્યો હતો. કોર્ટે કહ્યું હતું કે પતિ એ સાબિત કરવામાં સફળ રહ્યો છે કે તેની પત્નીનું વર્તન તેના સાસરિયાઓ અને પતિ માટે સારું નથી. મહિલા તેની સાથે સતત ખરાબ વર્તન કરતી હતી. તેના આધારે જ ફેમિલી કોર્ટે પતિને તલાક લેવાની મંજૂરી આપી હતી.