મુંબઈના શ્રી સિદ્ધિવિનાયક મંદિરમાં ડ્રેસ કોડ લાગુ, દર્શન માટે ભારતીય પોશાક જરૂરી
લાખો ભક્તોની આસ્થાના કેન્દ્ર એવા મુંબઈના દાદર-પ્રભાદેવીના સિદ્ધિવિનાયક મંદિરની મુલાકાત લેવા માટે હવે તમારે તમારા કપડા પ્રત્યે સજાગ રહેવું પડશે.
મુંભઈ: લાખો ભક્તોની આસ્થાના કેન્દ્ર એવા મુંબઈના દાદર-પ્રભાદેવીના સિદ્ધિવિનાયક મંદિરની મુલાકાત લેવા માટે હવે તમારે તમારા કપડા પ્રત્યે સજાગ રહેવું પડશે. કારણ કે મંદિર પ્રશાસને ભક્તો માટે ડ્રેસ કોડ લાગુ કર્યો છે. આરાધ્ય ભગવાન ગણેશના દર્શન કરવા દેશભરમાંથી ભક્તો સિદ્ધિવિનાયક મંદિરે આવે છે. હવે અહીં દર્શન માટે આવતા ભક્તોએ પોતાના કપડાનું ધ્યાન રાખવું પડશે. મંદિર વહીવટીતંત્ર ડ્રેસ કોડનું પાલન ન કરનાર કોઈપણ ભક્તને પ્રવેશની મંજૂરી આપશે નહીં.
#WATCH | Mumbai, Maharashtra: On the decision of dress code by the temple trust, Treasurer of Siddhivinayak Temple Trust, Acharya Pawan Tripathi says, "... The dress code is applicable for all and devotees are expected to dress modestly when they visit the temple..." pic.twitter.com/sTe6oqBmbS
— ANI (@ANI) January 28, 2025
સિદ્ધિવિનાયક મંદિર ટ્રસ્ટે આ અંગે સત્તાવાર પત્ર જારી કર્યો છે. પત્રમાં મંદિર ટ્રસ્ટે કહ્યું છે કે ગણેશ ભક્તોએ ભારતીય પરંપરા મુજબ કપડાં પહેરવા જોઈએ જેથી કરીને સિદ્ધિવિનાયક મંદિરની મુલાકાત લેતી વખતે અન્ય નાગરિકોને શરમ ન આવે. ભક્તોએ તેમના આખા શરીર પર કપડાં પહેરવા જોઈએ, આ નિયમ દરેક માટે ફરજિયાત બનાવવામાં આવ્યો છે. જો આ ડ્રેસ કોડનું ઉલ્લંઘન થશે તો મંદિરમાં પ્રવેશ આપવામાં આવશે નહીં.
દેશના ઘણા ધાર્મિક સ્થળો પર ડ્રેસ કોડ લાગુ છે
દેશના ઘણા તીર્થસ્થાનોમાં ભક્તો માટે ડ્રેસ કોડ લાગુ છે. જેમાં કહેવામાં આવ્યું છે કે મંદિરમાં કોઈ પણ પુરુષ કે મહિલાએ અભદ્ર વસ્ત્રો પહેરવા જોઈએ નહીં. વળી, જો કોઈ ભક્ત અન્ય પોશાક પહેરીને મંદિર આવે છે, તો તેમને કેટલીક જગ્યાએ ધોતી પણ આપવામાં આવે છે. ડ્રેસ કોડને લઈને ઘણી દલીલો અને ચર્ચાઓ થઈ રહી છે. ઘણા મંદિરો મહિલાઓને મીની સ્કર્ટ અને જીન્સ પહેરવાથી રોકે છે. પુરુષો પણ આ ડ્રેસ કોડથી બાકાત નથી. દક્ષિણના ઘણા મંદિરોમાં ડ્રેસ કોડ લાગુ કરવામાં આવ્યો છે.
મોટી સંખ્યામાં ભક્તો દર્શન કરવા આવે છે
શ્રી સિદ્ધિવિનાયક મંદિરના દર્શન કરવા મોટી સંખ્યામાં ભક્તો આવે છે. કેટલીકવાર એવું પણ જોવા મળ્યું છે કે કેટલાક ભક્તો ખૂબ જ ટૂંકા કપડા પહેરીને આવ્યા હતા અથવા કેટલાક કપડા જે વાંધાજનક હતા. આ પછી, મંદિર પ્રશાસને હવે ડ્રેસ કોડ લાગુ કર્યો છે, જે પછી ફક્ત તે જ ભક્તોને અંદર જવાની મંજૂરી આપવામાં આવશે જે યોગ્ય રીતે પોશાક પહેરે છે.
ટોપ સ્ટોરી
ટ્રેન્ડિંગ સમાચાર
