Election Commission Big Decision: SIR વિવાદ વચ્ચે ચૂંટણી પંચનો ઐતિહાસિક નિર્ણય, BLO ના પગારને લઈ કરી મોટી જાહેરાત
કામના ભારણના વિરોધ વચ્ચે ECI એ ભથ્થાં બમણા કર્યા: સુપરવાઈઝર અને AERO ને પણ થશે મોટો આર્થિક ફાયદો, જાણો નવા દરો.
Election Commission BLO salary hike notification 2025: દેશભરમાં ચાલી રહેલી મતદાર યાદી સુધારણા (SIR Special Intensive Revision) પ્રક્રિયાને લઈને રાજકીય ગરમાવો તેજ છે. વિપક્ષી દળો અને કર્મચારી સંગઠનો દ્વારા કામના ભારણ અને મતદાર યાદીમાંથી નામ રદ થવા અંગેના આક્ષેપો વચ્ચે, ભારતના ચૂંટણી પંચે (ECI) એક મોટું અને રાહતદાયક પગલું ભર્યું છે. પંચે આ પ્રક્રિયામાં પાયાની કામગીરી કરતા બૂથ લેવલ ઓફિસર્સ (BLO) ના માનદ વેતનમાં સીધો બમણો વધારો કરવાનો આદેશ જારી કર્યો છે. હવે BLO ને વાર્ષિક ₹12,000 મળશે. આ નિર્ણયથી હજારો કર્મચારીઓને સીધો આર્થિક ફાયદો થશે અને કામગીરીને વેગ મળશે.
વિવાદો વચ્ચે કર્મચારીઓને મળી મોટી ભેટ
ભારતના ચૂંટણી પંચ દ્વારા હાલમાં કેરળ, પશ્ચિમ બંગાળ, તમિલનાડુ અને પુડુચેરી સહિત 12 રાજ્યોમાં મતદાર યાદીના ખાસ સઘન સુધારણા (SIR) કાર્યક્રમ ચાલી રહ્યો છે. આ પ્રક્રિયાને લઈને રાજકીય વાતાવરણ તંગ છે. બિહારમાં પ્રથમ તબક્કા બાદ વિપક્ષે માન્ય મતો રદ થયાનો આક્ષેપ કર્યો હતો, જ્યારે બંગાળમાં તૃણમૂલ કોંગ્રેસ (TMC) એવો દાવો કરી રહી છે કે કામના અસહ્ય ભારણને કારણે BLO આત્મહત્યા કરવા મજબૂર બની રહ્યા છે. આ તમામ વિવાદો અને ફરિયાદો વચ્ચે પંચે કર્મચારીઓના હિતમાં પગાર વધારાનો માસ્ટરસ્ટ્રોક માર્યો છે.
પગારમાં કેટલો વધારો થયો? (નવા દરો)
ચૂંટણી પંચે જારી કરેલા આદેશ મુજબ, વિવિધ કેડરના અધિકારીઓના મહેનતાણામાં નીચે મુજબનો સુધારો કરવામાં આવ્યો છે:
BLO (બૂથ લેવલ ઓફિસર): અગાઉ વાર્ષિક ₹6,000 મળતા હતા, જે વધારીને હવે ₹12,000 કરવામાં આવ્યા છે. (સીધો 100% વધારો).
ઇન્સેન્ટિવ: વધારાના પ્રોત્સાહન ભથ્થાને ₹1,000 થી વધારીને ₹2,000 કરવામાં આવ્યું છે.
BLO સુપરવાઇઝર: તેમનું વેતન ₹12,000 થી વધારીને ₹18,000 કરવામાં આવ્યું છે.
ERO અને AERO: આસિસ્ટન્ટ ઇલેક્ટોરલ રજીસ્ટ્રેશન ઓફિસર (AERO) ને હવે ₹25,000 અને ઇલેક્ટોરલ રજીસ્ટ્રેશન ઓફિસર (ERO) ને ₹30,000 નું માનદ વેતન મળશે. અગાઉ AERO માટે ચોક્કસ જોગવાઈ ન હતી.
શા માટે લેવાયો આ નિર્ણય?
ચૂંટણી પંચે પોતાના આદેશમાં નોંધ્યું છે કે લોકશાહીમાં મતદાર યાદી એ પાયાની ઈમારત છે. નિષ્પક્ષ અને પારદર્શક યાદી તૈયાર કરવા માટે BLO અને સુપરવાઈઝર્સ તડકો છાંયો જોયા વિના મહેનત કરે છે. તેમની આ મહેનતને બિરદાવવા અને કામગીરીમાં ગુણવત્તા જળવાઈ રહે તે માટે આર્થિક પ્રોત્સાહન જરૂરી હતું. ઉલ્લેખનીય છે કે, વેતનમાં છેલ્લો મોટો સુધારો વર્ષ 2015 માં કરવામાં આવ્યો હતો.
બિહાર માટે ખાસ પ્રોત્સાહન
બિહારમાં હાથ ધરવામાં આવેલી SIR પ્રક્રિયામાં શ્રેષ્ઠ કામગીરી બદલ ત્યાંના BLO માટે ₹6,000 નું અલગથી ખાસ પ્રોત્સાહન (Special Incentive) પણ મંજૂર કરવામાં આવ્યું છે. ચૂંટણી પંચનો આ અભિગમ દર્શાવે છે કે તે ગ્રાઉન્ડ લેવલના કર્મચારીઓની સમસ્યાઓ અને મહેનત પ્રત્યે ગંભીર છે.
Before You Go
Electricity Crisis: રાજ્યમાં વીજ સંકટ પર સરકારે તોડ્યું મૌન?
ટોપ સ્ટોરી
ટ્રેન્ડિંગ સમાચાર
