Eid 2022: દેશના ઘણા રાજ્યોમાં ચાંદ દેખાયો, આવતીકાલે ધામધૂમથી ઉજવવામાં આવશે ઈદનો તહેવાર
રમઝાન મહિનો પૂરો થયા બાદ દેશભરમાં ઈદ-ઉલ-ફિત્રની ધામધૂમથી ઉજવણી કરવામાં આવી રહી છે. પંજાબ અને હિમાચલ પ્રદેશ સહિત દેશમાં મંગળવારે ઈદનો તહેવાર ધામધૂમથી મનાવવામાં આવશે.
Eid Ul Fitr 2022: રમઝાન મહિનો પૂરો થયા બાદ દેશભરમાં ઈદ-ઉલ-ફિત્રની ધામધૂમથી ઉજવણી કરવામાં આવી રહી છે. પંજાબ અને હિમાચલ પ્રદેશ સહિત દેશમાં મંગળવારે ઈદનો તહેવાર ધામધૂમથી મનાવવામાં આવશે. શવ્વાલનો ચંદ્ર સોમવારે સાંજે દેખાયો હતો. દેશના ઘણા ભાગોમાં ચંદ્ર જોવા મળ્યો હતો.
ઇસ્લામિક કેલેન્ડર અનુસાર, પવિત્ર રમઝાન મહિના પછી શવ્વાલ મહિનામાં આવતા ઇદ-ઉલ-ફિત્રનો તહેવાર ખૂબ જ વિશેષ છે. મુસ્લિમ સમાજના લોકો આખો મહિનો ઉપવાસ કરે છે અને પછી બીજા દિવસે ઈદનો ચાંદ જોઈને ઈદની ઉજવણી કરે છે. વિશ્વના ઘણા દેશોમાં આ તહેવાર ખૂબ જ ધામધૂમથી ઉજવવામાં આવે છે. ઈદ નિમિત્તે પોતાનાથી નાનાને ઈદીના રૂપમાં ભેટ-સોગાદો ઉપરાંત પૈસા પણ આપવામાં આવે છે અને તમામ મનદુઃખ ભૂલીને એકબીજાને ગળે મળીને ઈદની શુભકામનાઓ આપવામાં આવે છે.
તમને જણાવી દઈએ કે આજે એટલે કે સોમવારે સાઉદી અરેબિયા અને ઘણા ખાડી દેશોમાં ઈદની ઉજવણી કરવામાં આવી છે. ઈદની જાહેરાત બાદ મુસ્લિમોમાં તેને લઈને ખુશીનો માહોલ જોવા મળી રહ્યો છે. જણાવી દઈએ કે, ઈદની જાહેરાત બાદ દરેકે એકબીજાને શુભકામનાઓ પાઠવી હતી. લોકો ભગવાનનો આભાર માનીને રમઝાન મહિનાને અલવિદા કહે છે.
તમને જણાવી દઈએ કે, ઈદના દિવસે લોકો સવારે વહેલા ઉઠે છે. ઈદની નમાજ અદા કરવા જાય છે. જે પછી પરિવાર, મિત્રો અને સંબંધીઓને મળવા જાય છે. ઘણી જગ્યાએ સાંજે દાવત પણ રાખવામાં આવે છે.
મુસ્લિમ ધર્મના અનુયાયીઓ વિશેષ કેલેન્ડરનું પાલન કરે છે. જે ચાંદની હાજરી અને અવલોકન દ્વારા નક્કી થાય છે. આ મુજબ રમઝાન મહિના બાદ ઈદનો ચાંદ જોવા મળે છે. રમઝાનનો પવિત્ર મહિનો ચાંદના દીદાર સાથે શરૂ થાય છે અને તેનો અંત પણ ચાંદના દીદાર સાથે થાય છે.
મુસ્લિમ સમુદાયના લોકો ઈદના દિવસે અલ્લાહને શુક્રિયા અદા કરે છે કારણ કે અલ્લાહે તેમને 30 દિવસ સુધી ઉપવાસ કરવાની શક્તિ આપી છે. રમઝાન મહિનામાં દાન પણ કરવામાં આવે છે.
ટોપ સ્ટોરી
ટ્રેન્ડિંગ સમાચાર
