Election Commission: ચૂંટણી પંચનો મોટો નિર્ણય, મહારાષ્ટ્રના DGP રશ્મિ શુક્લાને હટાવ્યા

કોંગ્રેસ સહિત રાજ્યના ઘણા મોટા રાજકીય પક્ષોએ રશ્મિ શુક્લા વિરુદ્ધ ફરિયાદ કરી હતી.

મહારાષ્ટ્રના ડીજીપી

Source : ફોટોઃ X

મહારાષ્ટ્રમાં વિધાનસભા ચૂંટણી પહેલા મોટી કાર્યવાહી કરતા ચૂંટણી પંચે રાજ્યના પોલીસ મહાનિર્દેશક (ડીજીપી) રશ્મિ શુક્લાને હટાવવાનો આદેશ આપ્યો છે. કોંગ્રેસ સહિત રાજ્યના ઘણા મોટા રાજકીય પક્ષો દ્વારા રશ્મિ શુક્લા વિરુદ્ધ ફરિયાદ કરવામાં આવ્યા બાદ પંચે તેમની તાત્કાલિક અસરથી બદલી કરી હતી.

ECI orders transfer of Maharashtra DGP Rashmi Shukla will immediate effect

Read @ANI Story | https://t.co/E2RbFr1Ntr#assemblypolls #MaharashtraDGP #RashmiShukla pic.twitter.com/GE6Al9PVLJ

— ANI Digital (@ani_digital) November 4, 2024

કોંગ્રેસ અને અન્ય પક્ષો દ્વારા કરવામાં આવેલી ફરિયાદો પર કાર્યવાહી કરતા ચૂંટણી પંચે તાત્કાલિક અસરથી ડીજીપી રશ્મિ શુક્લાની બદલી કરી હતી અને મુખ્ય સચિવને તેમનો ચાર્જ કેડરના સૌથી વરિષ્ઠ IPS અધિકારીને સોંપવાનો નિર્દેશ આપ્યો. સૂત્રોના જણાવ્યા મુજબ, મુખ્ય સચિવને મહારાષ્ટ્રના નવા ડીજીપીના પદ પર નિમણૂક માટે આવતીકાલે મંગળવાર (બપોરે 1 વાગ્યા) સુધીમાં 3 આઈપીએસ અધિકારીઓની પેનલ મોકલવાનો નિર્દેશ પણ આપવામાં આવ્યો છે.

Mumbai: On EC ordering transfer of Maharashtra DGP Rashmi Shukla, Shiv Sena (UBT) chief Uddhav Thackeray says, "We welcome the decision taken by the Election Commission against Maharashtra DGP Rashmi Shukla." pic.twitter.com/nAx2DPxnrx

— ANI (@ANI) November 4, 2024

કોંગ્રેસે આ નિર્ણયને આવકાર્યો છે

વિપક્ષે પંચના નિર્ણયનું સ્વાગત કર્યું છે. કોંગ્રેસના ઓબીસી નેતા અને મહારાષ્ટ્ર વિધાનસભામાં વિરોધ પક્ષના નેતા વિજય વડેટ્ટીવારે સોશિયલ મીડિયા X પરની તેમની પોસ્ટમાં કહ્યું કે અમે ડીજીપીની બદલીના ચૂંટણી પંચના નિર્ણયનું સ્વાગત કરીએ છીએ. આ નિર્ણયથી સ્પષ્ટ થઈ ગયું કે આ ગઠબંધન સરકાર બેઈમાન છે. ચૂંટણી પંચે આજે રાજ્યના પોલીસ મહાનિર્દેશક રશ્મિ શુક્લાની બદલીનો નિર્ણય લીધો છે. અમે તમારા નિર્ણયને આવકારીએ છીએ.

સૂત્રોના જણાવ્યા અનુસાર, મુખ્ય ચૂંટણી પંચ (CEC) રાજીવ કુમારે અગાઉ યોજાયેલી સમીક્ષા બેઠકો અને રાજ્યમાં વિધાનસભા ચૂંટણીની જાહેરાત દરમિયાન અધિકારીઓને નિષ્પક્ષ રહેવાની ચેતવણી આપી હતી. સાથે તેમની ફરજો નિભાવતી વખતે તટસ્થ રહેવાનું પણ સૂચન કર્યું હતું.

ડીજીપીને હટાવવા માટે પત્ર લખવામાં આવ્યો હતો

અગાઉ કોંગ્રેસના મહારાષ્ટ્ર એકમના પ્રદેશ અધ્યક્ષ નાના પટોલેએ તાજેતરમાં 20 નવેમ્બરે યોજાનારી ચૂંટણીને ધ્યાનમાં રાખીને પોલીસ મહાનિર્દેશક (ડીજીપી) રશ્મિ શુક્લાને હટાવવા માટે પંચ સમક્ષ માંગ કરી હતી. કમિશનને લખેલા તેમના પત્રમાં તેમણે આક્ષેપ કર્યો હતો કે તેઓ એક વિવાદાસ્પદ અધિકારી છે જેમણે તેમના કાર્યકાળ દરમિયાન ભારતીય જનતા પાર્ટી (BJP) ની તરફેણ કરી હતી અને તેમના પદ પર ચાલુ રહેવાથી ચૂંટણી નિષ્પક્ષ અને પારદર્શક રીતે હાથ ધરવા પર શંકા ઊભી થઇ છે.

પટોલેએ કહ્યું કે કોંગ્રેસ પાર્ટીએ 24 સપ્ટેમ્બર અને 4 ઓક્ટોબરે પત્રો દ્વારા રશ્મિ શુક્લાને હટાવવાની માંગ કરી હતી. પાર્ટીના એક પ્રતિનિધિમંડળે પણ 27 સપ્ટેમ્બરે મુંબઈમાં ચૂંટણી અધિકારીઓ સમક્ષ આ માંગનો પુનરોચ્ચાર કર્યો હતો.