પ્રધાનમંત્રી કુસુમ યોજના હેઠળ સોલર પંપ લગાવવા માટે 5600 રૂપિયા લીગલ ચાર્જની માગણી કરતો ફોન આવે તો શું કરશો ?

આ યોજનામાં ખેડૂતોને સિંચાઈ માટે સોલાર પેનલની સુવિધા આપવામાં આવી છે.

પ્રતિકાત્મક તસવીર

નવી દિલ્હી: સોશિયલ મીડિયા પર એક મંજૂરી પત્ર વાયરલ થઈ રહ્યો છે, જેમાં પ્રધાનમંત્રી કુસુમ યોજના હેઠળ સોલર પંપ લગાવવાનું કહેવામાં આવ્યું છે. જેમાં ફી તરીકે 10,600 રૂપિયાની પણ માંગણી કરવામાં આવી છે. પીઆઈબી ફેક્ટ ચેકે આ અંગે જણાવ્યું છે કે આ પત્ર નકલી છે. આના પર કોઈએ વિશ્વાસ ન કરવો જોઈએ અને આ પૈસા કોઈને આપવા જોઈએ નહીં.

PIBની ફેક્ટ ચેક સાઇટે તેના ટ્વીટમાં જણાવ્યું છે કે પ્રધાનમંત્રી કુસુમ યોજના હેઠળ જારી કરાયેલ મંજૂરી પત્રમાં કાનૂની ફી તરીકે રૂ. 5,600 અને સોલાર પંપ સ્થાપિત કરવા માટે વધારાની નોંધણી ફી તરીકે રૂ. 5,000ની માંગણી કરવામાં આવી છે. આ પત્ર સંપૂર્ણપણે નકલી છે. કેન્દ્ર સરકાર દ્વારા આવો કોઈ મંજૂરી પત્ર જારી કરવામાં આવ્યો નથી, તેથી તેને માનશો નહીં અને તેને શેર કરશો નહીં.

શું છે કેન્દ્ર સરકારની યોજના પ્રધાનમંત્રી કુસુમ યોજના

આ યોજનામાં ખેડૂતોને સિંચાઈ માટે સોલાર પેનલની સુવિધા આપવામાં આવી છે. આ યોજના હેઠળ, સરકાર સોલર પંપ લગાવવાના કુલ ખર્ચના લગભગ 80 ટકા આપે છે. નવી અને નવીનીકરણીય ઉર્જા મંત્રાલયે 2019માં પ્રધાનમંત્રી કિસાન ઉર્જા સુરક્ષા ઈવમ ઉત્થાન મહા અભિયાન (પ્રધાનમંત્રી કુસુમ યોજના) શરૂ કર્યું હતું. જેને લઈને આ ફેક મેસેજ પણ વાયરલ થઈ રહ્યા છે, આવી સ્થિતિમાં તમારે માત્ર સરકારી વેબસાઈટ પર આપવામાં આવેલી માહિતી પર વિશ્વાસ કરવો જોઈએ.

An approval letter issued under Pradhan Mantri KUSUM Yojana is asking for Rs 5,600 as legal charge & Rs 5,000 as additional registration charge to install a solar pump. #PIBFactCheck

▶️This approval letter is #FAKE

▶️@mnreindia has not issued this approval letter pic.twitter.com/5kU0pTxTG4

— PIB Fact Check (@PIBFactCheck) January 27, 2022

PIB ફેક્ટ ચેક શું છે?

નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.