જમ્મુ કાશ્મીરમાં ઈન્ડિયન આર્મીની ગાડી પર આતંકી હુમલો, આતંકીઓએ ગ્રેનેડ ફેંક્યો
જમ્મુ-કાશ્મીરમાં ફરી એકવાર સેના પર હુમલો થયો છે. સોમવારે (08 જુલાઇ), જમ્મુના બિલાવાર, કઠુઆના ધડનોટા વિસ્તારમાં આતંકવાદીઓએ સેનાના એક વાહન પર ગોળીબાર કર્યો હતો.
Jammu Terrorist Attack: જમ્મુ-કાશ્મીરમાં ફરી એકવાર સેના પર હુમલો થયો છે. સોમવારે (08 જુલાઇ), જમ્મુના બિલાવાર, કઠુઆના ધડનોટા વિસ્તારમાં આતંકવાદીઓએ સેનાના એક વાહન પર ગોળીબાર કર્યો હતો, જેમાં ઓછામાં ઓછા બે સેનાના જવાનો ઘાયલ થયા હતા. પ્રારંભિક માહિતી અનુસાર, આતંકવાદીઓ એક ગ્રેનેડ લઈને આવ્યા હતા અને સેનાના વાહનને ઉડાડવાના ઈરાદાથી તેને ફેંક્યો હતો અને પછી ફાયરિંગ શરૂ કર્યું હતું.
આતંકવાદીઓએ લોઇ મરાડ ગામ પાસે સેનાના વાહન પર હુમલો કર્યો હતો. જવાબમાં ભારતીય સેનાએ વિસ્તારને ઘેરી લીધો અને આતંકીઓને શોધવા માટે સર્ચ ઓપરેશન શરૂ કર્યું. આ હુમલો કઠુઆ જિલ્લાના મચ્છેડી વિસ્તારના ધડનોટા ગામમાં ત્યારે થયો જ્યારે સેનાના જવાનો તેમના નિયમિત પેટ્રોલિંગ પર હતા. સુરક્ષા દળો દ્વારા આ વિસ્તારમાં સર્ચ ઓપરેશન ચાલુ રાખી રહ્યા છે.
JK: Indian Army convoy attacked by terrorists in Kathua, encounter underway
— ANI Digital (@ani_digital) July 8, 2024
Read @ANI Story | https://t.co/NsrNRzQUH2#JammuKashmir #Kathua #IndianArmy pic.twitter.com/YFGsWXUfpt
સૈનિકોએ આતંકી હુમલાનો જડબાતોડ જવાબ આપ્યો હતો
સંરક્ષણ અધિકારીઓએ જણાવ્યું કે ભારતીય સેનાના 9મી કોર્પ્સ હેઠળના વિસ્તારમાં ભારતીય સેનાના કાફલા પર હુમલો કરવામાં આવ્યો હતો. આતંકીઓના ગોળીબાર બાદ જવાનોએ પણ જવાબી કાર્યવાહી કરી હતી. આ સાથે વધારાના સુરક્ષા દળોને પણ મોકલવામાં આવ્યા છે. સૂત્રોએ જણાવ્યું હતું કે ત્યાં 2 થી 3 આતંકવાદીઓ હાજર છે, જેમણે કથિત રીતે સેનાના વાહન પર ગ્રેનેડથી હુમલો કર્યો હતો.
એક દિવસ પહેલા જ જમ્મુ કાશ્મીરના રાજૌરીમાં ભારતીય સેનાના કેમ્પ પર આતંકી હુમલાનો મામલો સામે આવ્યો હતો. આ હુમલામાં સેનાના એક જવાન ઘાયલ થયા હતા. આતંકીઓએ આર્મી કેમ્પ પર ગોળીબાર કર્યો હતો. આ દરમિયાન એલર્ટ સુરક્ષા ચોકી પર તૈનાત સૈનિકે પણ આતંકીઓ પર ગોળીબાર કર્યો હતો. આ ઘટના સમયે સેનાનો જવાન ઘાયલ થયો હતો. આતંકીઓ અંધારાનો ફાયદો ઉઠાવીને ભાગી જવામાં સફળ રહ્યા હતા.
બીજી તરફ આ હુમલાના થોડા કલાકો બાદ જ ચીનીગામ ગામમાં ગોળીબારની બીજી ઘટના સામે આવી છે. સેનાને લશ્કર જૂથ વિશે ગુપ્ત માહિતી મળી હતી, જેના પછી સુરક્ષા દળો તે વિસ્તારમાં પહોંચ્યા હતા. બંને તરફથી ગોળીબાર થયો હતો. સેનાને કુલગામ વિસ્તારમાં આતંકવાદીઓની હાજરી અંગે ગુપ્ત માહિતી મળી હતી. આ પછી સુરક્ષા દળોએ વિસ્તારમાં સર્ચ ઓપરેશન શરૂ કર્યું હતું. આ દરમિયાન સેનાના જવાનો અને આતંકીઓ વચ્ચે અથડામણ શરૂ થઈ ગઈ હતી.
ટ્રેન્ડિંગ સમાચાર
ટોપ સ્ટોરી
