પૂર્વ સાંસદ પ્રજ્વલ રેવન્ના બળાત્કાર કેસમાં દોષિત જાહેર, જજનો ચૂકાદો સાંભળતા જ રડી પડ્યા
હાસનના ભૂતપૂર્વ સાંસદ પ્રજ્વલ રેવન્ના વિરુદ્ધ કોર્ટે ચુકાદો સંભળાવતા જ તેઓ કોર્ટમાં જ ભાવુક થઈ ગયા અને રડવા લાગ્યા હતા.
JDS માંથી હાંકી કાઢવામાં આવેલા નેતા અને પૂર્વ લોકસભા સાંસદ પ્રજ્વલ રેવન્નાને હસન જિલ્લાના હોલેનરસીપુરા સ્થિત એક ફાર્મહાઉસમાં ઘરેલુ નોકરાણી પર બળાત્કારના કેસમાં બેંગલુરુમાં જનપ્રતિનિધિઓની વિશેષ અદાલત દ્વારા દોષિત ઠેરવવામાં આવ્યા છે. હાસનના ભૂતપૂર્વ સાંસદ પ્રજ્વલ રેવન્ના વિરુદ્ધ કોર્ટે ચુકાદો સંભળાવતા જ તેઓ કોર્ટમાં જ ભાવુક થઈ ગયા અને રડવા લાગ્યા હતા. એફઆઈઆર નોંધાયાના 14 મહિના પછી જ આ ચુકાદો આપવામાં આવ્યો છે. કોર્ટ 2 ઓગસ્ટના રોજ સજાની જાહેરાત કરશે.
પૂર્વ સાંસદ પ્રજ્વલ રેવન્ના ભૂતપૂર્વ વડા પ્રધાન એચડી દેવગૌડાના પૌત્ર અને ભૂતપૂર્વ મુખ્ય પ્રધાન એચડી કુમારસ્વામીના ભત્રીજા છે. તેમના પર જાતીય હિંસા અને બળાત્કારના ચાર અલગ-અલગ કેસોમાં ગંભીર આરોપો છે. 28 એપ્રિલથી 10 જૂન 2024 વચ્ચે 4 એફઆઈઆર નોંધાઈ હતી. આ કેસ હાસન જિલ્લાના હોલેનરસીપુરા પોલીસ સ્ટેશનમાં નોંધાયા હતા. 2 સાયબર ક્રાઈમ કેસમાંથી એક સીઆઈડી હેઠળ સાયબર ક્રાઈમ પોલીસ સ્ટેશનમાં નોંધાયો હતો.
ટેકનિકલ તપાસ અને પોર્નોગ્રાફિક વીડિયો વિવાદ
આ કેસમાં એક કથિત પોર્નોગ્રાફિક વીડિયો સામે આવ્યો હતો, જેના માટે કોર્ટે ટેકનિકલ સ્પષ્ટતા માંગી હતી. કોર્ટે સ્પષ્ટતા કરવી પડી હતી કે આ વીડિયો પ્રજ્વલ રેવન્નાના મોબાઇલથી તેના ડ્રાઇવર કાર્તિકના મોબાઇલમાં કેવી રીતે ટ્રાન્સફર થયો. CID હેઠળ રચાયેલી સ્પેશિયલ ઇન્વેસ્ટિગેશન ટીમ (SIT) એ હવે કોર્ટમાં આ અંગેનો વિગતવાર ફોરેન્સિક રિપોર્ટ રજૂ કર્યો છે. રિપોર્ટમાં ટ્રાન્સફરના ડિજિટલ લોગ, વીડિયોનું મેટાડેટા વિશ્લેષણ, વોટ્સએપ/બ્લુટુથ જેવા માધ્યમોની ટેકનિકલ પુષ્ટિનો સમાવેશ થાય છે.
પરિવાર પર પણ કાયદાનો શિકંજો
માત્ર પ્રજ્વલ જ નહીં, તેના પિતા એચડી રેવન્ના, જે હાલમાં હોલેનરસીપુરાના ધારાસભ્ય છે. તેમની સામે કેઆર નગર પોલીસ સ્ટેશનમાં એક અલગ કેસ નોંધવામાં આવ્યો છે. આ કેસ પુરાવા સાથે છેડછાડ, ધમકીઓ અથવા સહ-ગુનામાં સંડોવણી સાથે સંબંધિત હોઈ શકે છે.
ટીમે કુલ 123 પુરાવા એકત્રિત કર્યા
મૈસુરના કેઆર નગરની એક ઘરકામ કરતી નોકરાણીની ફરિયાદ પર સીઆઈડી સાયબર ક્રાઈમ પોલીસ સ્ટેશનમાં પ્રજ્વલ રેવન્ના વિરુદ્ધ બળાત્કારનો કેસ નોંધવામાં આવ્યો હતો. એવો આરોપ છે કે પૂર્વ સાંસદે પીડિતા પર બળાત્કાર કર્યો હતો અને આ કૃત્યનો વીડિયો પણ રેકોર્ડ કર્યો હતો. આ કેસની તપાસ સીઆઈડીની સ્પેશિયલ ઇન્વેસ્ટિગેશન ટીમ (SIT) દ્વારા કરવામાં આવી હતી, જેણે લગભગ 2,000 પાનાની ચાર્જશીટ દાખલ કરી હતી. તપાસ દરમિયાન, ટીમે કુલ 123 પુરાવા એકત્રિત કર્યા હતા.
ટોપ સ્ટોરી
ટ્રેન્ડિંગ સમાચાર
