Kalyan Singh : પીએમ મોદીએ કલ્યાણ સિંહને આપી શ્રદ્ધાંજલિ, બોલ્યા- તેમને પોતાના નામને સાર્થક કર્યુ
Kalyan Singh Death: ઉત્તરપ્રદેશના પૂર્વ મુખ્યમંત્રી કલ્યાણ સિંહનું 89 વર્ષની ઉંમરે નિધન
LIVE
Background
ઉત્તરપ્રદેશના પૂર્વ મુખ્યમંત્રી કલ્યાણ સિંહનું 89 વર્ષની ઉંમરે નિધન થયું છે. સંજય ગાંધી પીજીઆઈની ક્રિટિકલ કેર મેડિસિનના આઈસીયુમાં 4 જુલાઈએ તેમને ગંભીર હાલતમાં દાખલ કરવામાં આવ્યા હતા.
કલ્યાણ સિંહને પીએમએ આપી શ્રદ્ધાંજલિ
મોદીએ કહ્યું -આપણા બધા માટે અપૂરણીય ક્ષતિ છે. કલ્યાણ સિંહજીના માતા-પિતાએ જે નામ આપ્યુ હતુ તેમને તે નામને સાર્થક કર્યુ. તે જીવનભર જન કલ્યાણ માટે જીવ્યા. તેમને કલ્યાણને પોતાનો જીવનમંત્ર બનાવ્યો. બીજેપી, જનસંઘ આખા પરિવારને એક વિચાર માટે દેશના ઉજ્જવળ ભવિષ્ય માટે પોતાનુ જીવન સમર્પિત કર્યુ.
કલ્યાણ સિંહ જન કલ્યાણ માટે જીવ્યા
પીએમ મોદીએ કહ્યું કે, કલ્યાણ સિંહજી દેશના ખુણા ખુણામાં વિશ્વાસનુ નામ બની ગયા હતા. જીવનના મોટાભાગના સમય જન કલ્યાણ માટે હંમેશા પ્રયત્ન કરતા રહ્યાં. તેમને જ્યારે પણ જે જવાબદારી સોંપાઇ તો તેઓ હંમેશા પ્રેરણા કેન્દ્ર બન્યા. આપણે એક મૂલ્યવાન વ્યક્તિત્વ અને સામર્થ્યવાન નેતા ગુમાવ્યો.
પીએમ સાથે યોગી-નડ્ડા
વડાપ્રધાન નરેન્દ્ર મોદીએ લખનઉ જઇને પૂર્વ મુખ્યમંત્રી કલ્યાણ સિંહને શ્રદ્ધાંજલિ અર્પિત કરી. આ દરમિયાન પીએમ મોદી સાથે સીએમ યોગી અને બીજેપી અધ્યક્ષ જેપી નડ્ડા હાજર હતા.
પીએમ મોદીએ કલ્યાણ સિંહને શ્રદ્ધાંજલિ આપી
વડાપ્રધાન નરેન્દ્ર મોદીએ લખનઉ જઇને પૂર્વ મુખ્યમંત્રી કલ્યાણ સિંહને શ્રદ્ધાંજલિ આપી. પીએમ મોદીની સાથે યુપીના સીએમ યોગી આદિત્યનાથ અને બીજેપી અધ્યક્ષ જેપી નડ્ડા પણ હાજર રહ્યાં. મોદી આજે સવારે લખનઉ એરપોર્ટ પહોચ્યા હતા, એરપોર્ટથી મોદીનો કાફલો કલ્યાણ સિંહના આવાસ માટે રવાના થયો હતો.
લાલકૃષ્ણ અડવાણીએ શોક વ્યક્ત કર્યો
લાલકૃષ્ણ અડવાણીએ કહ્યું ઉત્તરપ્રદેશના પૂર્વ મુખ્યમંત્રી અને મારા સૌથી નજીકના સહયોગી કલ્યાણ સિંહના નિધન પર ઉંડો શોક વ્યક્ત કરુ છું. અડવાણીએ કહ્યું- કલ્યાણ સિંહ ભારતીય રાજનીતિના એક દિગ્ગજ અને જમીની સ્તરના દિગ્ગજ નેતા હતા, જેમના નેતૃત્વમાં ભારતીય જનતા પાર્ટીએ પહેલીવાર ઉત્તરપ્રદેશમાં સરકાર બનાવી. તેમને નબળા વર્ગોના ઉત્થાન માટે સખત મહેનત કરીને જનતા માટે ખુદને પ્રિય બનાવ્યા, અને રાજ્યની સમગ્ર પ્રગતિમાં યોગદાન આપ્યુ.
ટ્રેન્ડિંગ સમાચાર
ટોપ સ્ટોરી
