હાઈકોર્ટના જજે મુસ્લિમ વિસ્તારને મિની પાકિસ્તાન કહ્યું, સુપ્રીમ કોર્ટે કાઢી ઝાટકણી, માંગ્યો જવાબ

કર્ણાટક હાઈકોર્ટના જજ જસ્ટિસ સી શ્રીસાનંદાએ ટ્રાફિક નિયમોના ઉલ્લંઘન સંબંધિત એક કેસની સુનાવણી દરમિયાન મુસ્લિમ વિસ્તારને મિની પાકિસ્તાન કહ્યું હતું. SC માં 5 જજોની બેંચે આ બાબતે સંજ્ઞાન લીધું છે.

સુપ્રીમ કોર્ટ (ફાઈલ ફોટો)

Source : PTI

સુપ્રીમ કોર્ટે કર્ણાટક હાઈકોર્ટના એક જજની ટિપ્પણી પર સ્વયં સંજ્ઞાન લીધું છે. કર્ણાટક હાઈકોર્ટના જજે એક કેસની સુનાવણી દરમિયાન બેંગલુરુના મુસ્લિમ વિસ્તારને મિની પાકિસ્તાન કહ્યું હતું. સુપ્રીમ કોર્ટે આ મામલે કર્ણાટક હાઈકોર્ટ પાસેથી જવાબ માંગ્યો છે. બાર એન્ડ બેન્ચના રિપોર્ટ અનુસાર, CJI જસ્ટિસ ચંદ્રચૂડ, જસ્ટિસ રાજીવ ખન્ના, જસ્ટિસ બીઆર ગવઈ, જસ્ટિસ સૂર્યકાંત અને જસ્ટિસ ઋષિકેશ રૉયની બેન્ચે આ અંગે કર્ણાટક હાઈકોર્ટના રજિસ્ટ્રાર જનરલ પાસેથી રિપોર્ટ માંગ્યો છે. બેન્ચે કહ્યું, અમારું ધ્યાન ન્યાયિક સુનાવણી દરમિયાન કર્ણાટક હાઈકોર્ટના જસ્ટિસ વી શ્રીશાનંદ દ્વારા કરવામાં આવેલી કેટલીક ટિપ્પણીઓ તરફ આકર્ષિત થયું છે. અમે AG અને SG પાસેથી સલાહ માંગી છે. અમે હાઈકોર્ટના રજિસ્ટ્રાર જનરલને કોર્ટને એક રિપોર્ટ સોંપવા માટે કહ્યું છે.

જસ્ટિસ શ્રીશાનંદના બે વીડિયો વાયરલ

લાઇવ લૉના રિપોર્ટ અનુસાર, કર્ણાટક હાઈકોર્ટના જજ જસ્ટિસ શ્રીશાનંદના બે વીડિયો સોશિયલ મીડિયા પર વાયરલ થયા છે, જેમાં તેઓ વિવાદાસ્પદ ટિપ્પણી કરતા જોવા મળી રહ્યા છે. આમાં એકમાં તેઓ બેંગલુરુના મુસ્લિમ બહુમતી વિસ્તારને મિની પાકિસ્તાન કહેતા જોવા મળી રહ્યા છે. જ્યારે બીજા વીડિયોમાં તેઓ મહિલા વકીલ પર અસંવેદનશીલ ટિપ્પણી કરતા જોવા મળી રહ્યા છે. વરિષ્ઠ વકીલ ઇન્દિરા જયસિંહે પણ આ વીડિયો શેર કર્યો છે.

We call upon the Chief Justice of India to take suo moto action agsinst this judge and send him for gender sensitisation training. pic.twitter.com/MPEP6x8Jov

— Indira Jaising (@IJaising) September 19, 2024

સોશિયલ મીડિયાના યુગમાં અમારા પર કડક નજર રખાય છે - CJI

CJI ચંદ્રચૂડે જજની ટિપ્પણી પર સંજ્ઞાન લેતા એટોર્ની જનરલ આર વેંકટરમણીને કહ્યું, અમે કેટલાક મૂળભૂત માર્ગદર્શિકા નક્કી કરી શકીએ છીએ. આ દરમિયાન CJIએ કહ્યું, સોશિયલ મીડિયાના આ યુગમાં, અમારા પર કડક નજર રખાય છે અને અમારે તે અનુસાર કાર્ય કરવું જોઈએ.

હવે આ અરજી પર આગામી સુનાવણી બુધવારે થશે. સોશિયલ મીડિયા પર ફરતી કોર્ટની કાર્યવાહીના એક વીડિયોમાં, ન્યાયાધીશ એક મહિલા વકીલને ઠપકો આપતા અને ગુરુવારે કથિત રીતે કેટલીક વાંધાજનક ટિપ્પણી કરતા જોઈ શકાય છે.

આ પણ વાંચોઃ