LPG કટોકટી વચ્ચે સરકારનો મોટો નિર્ણય, આ લોકોને 5 કિલોના ગેસ સિલિન્ડર આપવામાં મળશે ખાસ પ્રાથમિકતા!

મધ્ય પૂર્વના યુદ્ધને લીધે સર્જાયેલી સ્થિતિમાં મોટી રાહત; રાજ્યોને કોમર્શિયલ ગેસનો 50 ટકા વધુ જથ્થો અપાશે, ગભરાટમાં થતા બુકિંગ ઘટી ગયાનો સરકારનો દાવો.

Middle East War LPG Crisis 5kg Gas Cylinder For Workers Govt Decision

Source : PTI

Show Quick Read

Key points generated by AI, verified by newsroom

• 5 કિલોના નાના LPG સિલિન્ડરને પ્રાથમિકતા મળશે.
• રાજ્યોને કોમર્શિયલ LPG નો 50% વધારાનો જથ્થો મળશે.
• લોકોમાં ગેસની અછતનો ડર ઘટ્યો, પેનિક બુકિંગમાં ઘટાડો.
• ઘરેલું LPG સિલિન્ડરની ડિલિવરી DAC સિસ્ટમ દ્વારા ચાલુ.

LPG crisis: મધ્ય પૂર્વમાં (મિડલ ઈસ્ટ) ચાલી રહેલા ભીષણ યુદ્ધને કારણે ઊભી થયેલી LPG ગેસની કટોકટી વચ્ચે કેન્દ્ર સરકારે સામાન્ય માણસ અને મજૂર વર્ગને ધ્યાનમાં રાખીને એક ખૂબ જ મોટો અને રાહત આપનારો નિર્ણય લીધો છે. હવેથી મજૂર વર્ગ અને કામદારોને 5 કિલોના નાના ગેસ સિલિન્ડર પૂરા પાડવા માટે ખાસ પ્રાથમિકતા આપવામાં આવશે. આ ઉપરાંત, હોટલ-રેસ્ટોરન્ટ અને અન્ય કોમર્શિયલ વપરાશકારોને પડતી મુશ્કેલી દૂર કરવા માટે 21 માર્ચના રોજ સરકારે રાજ્ય સરકારોને કોમર્શિયલ LPG નો 50 ટકા વધારાનો જથ્થો ફાળવવાની પણ જાહેરાત કરી છે.

'લોકોમાં ગભરાટ ઘટ્યો, પેનિક બુકિંગમાં મોટો ઘટાડો'

સોમવારે (23 માર્ચના રોજ) પેટ્રોલિયમ મંત્રાલયના સંયુક્ત સચિવ સુજાતા શર્માએ આ અંગે પ્રેસને માહિતી આપતા જણાવ્યું હતું કે, લોકોમાં હવે LPG ખૂટી પડવાનો ડર ઓછો થયો છે અને ગભરાટમાં થતા એડવાન્સ બુકિંગ (પેનિક બુકિંગ) માં ખાસ્સો ઘટાડો નોંધાયો છે.

તેમણે કહ્યું કે છેલ્લા 3 અઠવાડિયામાં જ લગભગ 3.5 મિલિયન (એટલે કે 35 લાખ) જેટલા નવા ઘરેલુ અને કોમર્શિયલ LPG કનેક્શન આપવામાં આવ્યા છે અથવા તો ચાલુ કરવામાં આવ્યા છે. રિટેલ ગેસ એજન્સીઓ પર અત્યારે પરિસ્થિતિ એકદમ સામાન્ય છે. ભલે ઈન્ટરનેશનલ માર્કેટમાં ગેસનો સપ્લાય થોડો ચિંતાનો વિષય હોય, પરંતુ આપણા સ્થાનિક વિતરકો (ડિસ્ટ્રીબ્યુટર્સ) પાસે ગેસની કોઈ જ અછત નથી.

#WATCH | Delhi: Sujata Sharma, Joint Secretary (Marketing & Oil Refinery), Ministry of Petroleum & Natural Gas, says, "About 3.5 lakh domestic and commercial PNG connections have been given or activated in the last three weeks. The supply of LPG still remains a matter of concern,… pic.twitter.com/tjKSncMuuN

— ANI (@ANI) March 23, 2026

રાજ્યોને કોમર્શિયલ ગેસનો સપ્લાય વધારાયો

કોમર્શિયલ સિલિન્ડરના વપરાશ અંગે વાત કરતા તેમણે કહ્યું કે, હવે લગભગ 50 ટકા જેટલો કોમર્શિયલ LPG સીધો રાજ્ય સરકારો અને કેન્દ્રશાસિત પ્રદેશોને ઉપલબ્ધ કરાવવામાં આવશે.

કેન્દ્ર સરકારે રાજ્યોને ખાસ અપીલ કરી છે કે તેઓ રેસ્ટોરન્ટ, ઢાબા, હોટલ, ઔદ્યોગિક કેન્ટીન, ફૂડ પ્રોસેસિંગ પ્લાન્ટ, ડેરી, સબસિડીવાળી સરકારી કેન્ટીન, કોમ્યુનિટી કિચન અને ખાસ કરીને રોજનું કમાઈને ખાતા સ્થળાંતરિત મજૂરો (માઈગ્રન્ટ વર્કર્સ) માટે 5 કિલોના FTL (ફ્રી ટ્રેડ LPG) સિલિન્ડરની ખાસ વ્યવસ્થા કરે. અત્યાર સુધીમાં 20 જેટલા રાજ્યો અને કેન્દ્રશાસિત પ્રદેશોએ આ નવી સિસ્ટમ લાગુ કરી દીધી છે અને આશરે 15,800 ટન કોમર્શિયલ ગેસનું વિતરણ પણ થઈ ચૂક્યું છે.

ઘરેલુ ગેસની ડિલિવરી રાબેતા મુજબ ચાલુ

મંત્રાલય તરફથી એ પણ સ્પષ્ટ કરવામાં આવ્યું છે કે લોકોના ઘરમાં વપરાતા રેગ્યુલર LPG સિલિન્ડરની ડિલિવરી એકદમ સામાન્ય રીતે ચાલી રહી છે. હાલમાં મોટાભાગની ડિલિવરી સુરક્ષા માટે 'ડિલિવરી ઓથેન્ટિકેશન કોડ' (DAC) સિસ્ટમ દ્વારા જ કરવામાં આવી રહી છે. દેશમાં કોઈ પણ ગેસ એજન્સી કે વિતરક પાસે ગેસની અછત હોવાની કોઈ જ ફરિયાદ હજુ સુધી મળી નથી.

આ પણ વાંચો

મધ્ય પૂર્વમાં મહાયુદ્ધ, ભારતમાં PM મોદી એક્શન મોડમાં: CCSની બેઠકમાં લેવાયા મોટા નિર્ણયો