મહારાષ્ટ્રમાં ચોમાસાની એન્ટ્રી: મુંબઈમાં ભારે વરસાદ, જાણો ગુજરાતમાં ક્યારે આવશે મેઘરાજા

Mumbai monsoon arrival 2026: કાળઝાળ ગરમી વચ્ચે મહારાષ્ટ્રમાં ચોમાસાનું આગમન થતાં લોકોને મોટી રાહત; આગામી 2 થી 3 દિવસમાં ગુજરાત, મધ્યપ્રદેશ અને છત્તીસગઢમાં ચોમાસું બેસવા માટે સાનુકૂળ વાતાવરણ.

monsoon arrives in maharashtra heavy rain hits mumbai pune imd forecast

Source : ai

Show Quick Read

Key points generated by AI, verified by newsroom

• મુંબઈ સહિત મહારાષ્ટ્રમાં ચોમાસું આવ્યું, લોકોએ રાહત અનુભવી.
• ગુજરાત સહિત ઘણા રાજ્યોમાં ચોમાસું ટૂંક સમયમાં પહોંચશે.
• પશ્ચિમ કિનારા, પૂર્વ ભારતમાં ભારે વરસાદ, અમુક સ્થળે ગરમી.

Mumbai monsoon arrival 2026: દેશભરમાં આકરી ગરમી અને હીટવેવનો સામનો કર્યા પછી હવે આખરે લોકો માટે રાહતના સમાચાર આવ્યા છે. દક્ષિણ-પશ્ચિમ ચોમાસાએ ધીમે ધીમે ભારતના અલગ-અલગ રાજ્યોમાં પોતાની જમાવટ કરવાનું શરૂ કરી દીધું છે. મંગળવારે (23 જૂન, 2026) મુંબઈ અને પુણે સહિત મહારાષ્ટ્રના અનેક જિલ્લાઓમાં વાતાવરણમાં અચાનક પલટો આવ્યો હતો અને બપોર પછી ધોધમાર વરસાદ પડ્યો હતો. આ વરસાદના કારણે લોકોને અસહ્ય ગરમી અને બફારામાંથી મોટી રાહત મળી છે અને વાતાવરણમાં સારી એવી ઠંડક પ્રસરી ગઈ છે. આગામી થોડા જ દિવસોમાં આ ચોમાસું ગુજરાત સહિત ઉત્તર અને મધ્ય ભારતના રાજ્યોને પણ ધમરોળશે તેવી હવામાન વિભાગે આગાહી કરી છે.

ગુજરાત અને અન્ય રાજ્યોમાં ક્યારે પહોંચશે ચોમાસું?

ભારતીય હવામાન વિભાગ (IMD) ના જણાવ્યા મુજબ, દક્ષિણ-પશ્ચિમ ચોમાસું હવે મહારાષ્ટ્રના વધુ વિસ્તારો (રાજધાની મુંબઈ સહિત), તેલંગાણા, ઓડિશા, છત્તીસગઢ, ઝારખંડ અને બિહાર તરફ આગળ વધી ચૂક્યું છે. સૌથી સારા સમાચાર એ છે કે, આગામી 2 થી 3 દિવસમાં આ ચોમાસું ગુજરાતના કેટલાક વિસ્તારોની સાથે મહારાષ્ટ્ર, મધ્યપ્રદેશ અને છત્તીસગઢના બાકીના ભાગોમાં પણ પહોંચી જશે. આ ઉપરાંત, આવનારા 3 થી 4 દિવસમાં યુપી (ઉત્તર પ્રદેશ), ઝારખંડ અને બિહારના બાકીના વિસ્તારોમાં પણ ચોમાસાની એન્ટ્રી થવાની પૂરી શક્યતા છે.

મધ્ય અને ઉત્તર-પૂર્વ ભારતમાં ભારે વરસાદની ચેતવણી

હવામાન વિભાગની આગાહી મુજબ, આ અઠવાડિયે પશ્ચિમ કિનારાના વિસ્તારો, ઉત્તર-પૂર્વ ભારત અને પશ્ચિમ બંગાળ તેમજ સિક્કિમમાં 7 થી 20 સેમી જેટલો અતિ ભારે વરસાદ પડી શકે છે. જોકે, એક તરફ વરસાદની મજા છે તો બીજી તરફ અમુક રાજ્યોમાં ગરમીનો પ્રકોપ હજુ પણ ચાલુ રહેશે. આગામી 4 થી 5 દિવસ સુધી પૂર્વ ઉત્તર પ્રદેશમાં અને 2 થી 3 દિવસ સુધી વિદર્ભ, દક્ષિણ-પૂર્વ મધ્યપ્રદેશ અને બિહારમાં ગરમીનું મોજું (હીટવેવ) યથાવત્ રહેવાની સંભાવના છે.

આ પણ વાંચોઃ ગુજરાતમાં આ તારીખે બેસશે સત્તાવાર ચોમાસું! આજે વરસાદનું યલો એલર્ટ! સુરત, વલસાડ અને અમરેલી સહિત ક્યાં તૂટી પડશે મેઘો?

ઉત્તર-પશ્ચિમ ભારતમાં મેઘરાજાની સવારી ક્યારે આવશે?

જો તમે જમ્મુ-કાશ્મીર, લદ્દાખ અથવા ઉત્તરાખંડ અને હિમાચલ પ્રદેશ તરફ જવાનો પ્લાન કરી રહ્યા છો, તો જાણી લો કે ત્યાં 23 થી 29 જૂન વચ્ચે વરસાદ, ગાજવીજ અને વીજળી પડવાની શક્યતા છે.

આ સાથે જ દિલ્હી, પંજાબ, હરિયાણા અને ચંદીગઢમાં 23 થી 26 જૂન અને 29 જૂનના રોજ સારો એવો વરસાદ પડી શકે છે. આ રાજ્યોમાં 40 થી 50 કિમી પ્રતિ કલાકની ઝડપે ભારે પવન ફૂંકાશે.

ઉત્તર પ્રદેશ અને રાજસ્થાનના અલગ-અલગ ભાગોમાં પણ 23 થી 29 જૂન દરમિયાન 30 થી 50 કિમી પ્રતિ કલાકની ઝડપે પવન ફૂંકાવા સાથે વરસાદ થવાની આગાહી કરવામાં આવી છે.

આ પણ વાંચોઃ અમરેલી-ગીર સોમનાથમાં ધોધમાર વરસાદ: ગુજરાતમાં આ તારીખે થશે ચોમાસાની એન્ટ્રી, આજે યલો એલર્ટ

મધ્ય અને પૂર્વ ભારતમાં કેવો રહેશે માહોલ?

મધ્યપ્રદેશ (પૂર્વ અને પશ્ચિમ) તેમજ છત્તીસગઢમાં 23 થી 29 જૂન દરમિયાન 50 કિમી પ્રતિ કલાકની ઝડપે પવન ફૂંકાવાની અને ગાજવીજ સાથે વરસાદ પડવાની સંભાવના છે. ખાસ કરીને 29 જૂને અહીં ભારેથી અતિ ભારે વરસાદ ખાબકી શકે છે. જ્યારે પૂર્વ ભારતની વાત કરીએ તો, આંદામાન અને નિકોબાર ટાપુઓ, પશ્ચિમ બંગાળ, સિક્કિમ, ઝારખંડ, બિહાર અને ઓડિશામાં 23 થી 29 જૂન વચ્ચે ધોધમાર વરસાદ પડી શકે છે. અહીં પણ 50 થી 60 કિમીની ઝડપે તોફાની પવન ફૂંકાશે તેવી ચેતવણી આપવામાં આવી છે.