બીજેપી સામે રાજપૂતોએ બાંયો ચઢાવી, બોલ્યા- લાઠીચાર્જ કેમ કર્યો તેનો ખુલાસો આપો નહીં તો....... હરિયાણા BJPમાં અંદરોઅંદર તકરાર
બીજેપી કિસાન મોરચાના નેતા સંજીવ રાણાએ કહ્યું, "અમારા લોકો શાંતિથી બોલ્યા, અમારો વિરોધ શાંતિપૂર્ણ હતો, પરંતુ તંત્રએ જાણી જોઈને ગેરમાર્ગે દોરવા અને આંદોલનને વાળવા માટે લાઠીચાર્જ કર્યો.
Haryana BJP: હરિયાણા બીજેપીમાં અંદરોઅંદર તકરારની ખબર સામે આવી છે. મિહિર ભોજની પ્રતિમાના અનાવરણને લઈને ગુર્જર અને રાજપૂત સમુદાય વચ્ચે થયેલી અથડામણની અસર હરિયાણા ભાજપ પર પણ જોવા મળી રહી છે. કૈથલમાં બીજેપીના તમામ રાજપૂત નેતાઓએ પાર્ટીને પોતાના રાજીનામા મોકલી દીધા છે અને કહ્યું છે કે જ્યાં સુધી તેમના લોકો પર લાઠીચાર્જ કરવામાં આવ્યો તેની સ્પષ્ટતા ના મળે ત્યાં સુધી તેમનો ભાજપ સાથે કોઈ સંબંધ નથી.
બીજેપી કિસાન મોરચાના નેતા સંજીવ રાણાએ કહ્યું, "અમારા લોકો શાંતિથી બોલ્યા, અમારો વિરોધ શાંતિપૂર્ણ હતો, પરંતુ તંત્રએ જાણી જોઈને ગેરમાર્ગે દોરવા અને આંદોલનને વાળવા માટે લાઠીચાર્જ કર્યો. અમારા કેટલાય યુવાનો ઘાયલ થયા છે. અમારા સમાજે શું ગુનો કર્યો છે.".
સંજીવ રાણા બોલ્યા - તે 36 બિરાદરીયોના નેતા હતા -
તેમને કહ્યું કે એક મહાન માણસ, જે એક સમ્રાટ હતો જેને 36 બંધુઓને પોતાની સાથે લીધા, શું તેમને હિન્દુ સમ્રાટ લખવો એ ગુનો છે. જો આ ગુનો છે, તો અમે તેને વારંવાર કરીશું કારણ કે તે હિન્દુ હતા, હિન્દુ છે અને હિન્દુ જ રહેશે. તેમને દાવો કર્યો કે તે કોઈ એક બિરાદરીના નથી, તે 36 બિરાદરીના નેતા છે, તેથી અમે હિન્દુ સમ્રાટ લખવાની વાત કરી. અમે કહ્યું હતું કે રાજપૂત ના લખો, ગુર્જર ના લખો, જ્ઞાતિમાં વિભાજન ના કરો અને હિન્દુ સમ્રાટ લખો, પણ તેની સામે પણ વાંધો ઉઠાવ્યો હતો. આનો અર્થ એ છે કે તેઓ પોતાને સર્વેયર તરીકે વિચારી રહ્યા છે.
તેમને કહ્યું કે જ્યાં સુધી અમારી વાત પર મુખ્યમંત્રી મનોહર લાલ ખટ્ટર તરફથી સ્પષ્ટતા નહીં મળે ત્યાં સુધી અમે આના પર અડગ રહીશું. તેમને કહ્યું, "અમારા લોકો પર શા માટે લાઠીચાર્જ કરવામાં આવ્યો, શું તેઓએ ગુનો કર્યો છે? કૈથલમાં ભાજપ સાથે જોડાયેલા તમામ નેતાઓ અને પદાધિકારીઓએ પાર્ટીમાંથી રાજીનામું આપી દીધું છે. જ્યાં સુધી અમને આ અંગે ખુલાસો નહીં મળે ત્યાં સુધી અમારે બીજેપી સાથે કોઈ લેવાદેવા નથી."
સંજીવ રાણાએ કહ્યું કે, સમગ્ર દેશનો રાજપૂત સમાજ તેની વિરુદ્ધ છે -
સંજીવ રાણાએ કહ્યું કે તેમને માનનીય પ્રદેશ અધ્યક્ષ ઓમ પ્રકાશ ધનખર અને વેદ પ્રકાશને રાજીનામું મોકલી દીધું છે. સાથે જ તેમને એવો પણ દાવો કર્યો હતો કે, "અમારા સમગ્ર સમાજે રાજીનામું આપી દીધું છે. આ રીતે અમારો સમાજ અન્ય જિલ્લાઓ અને રાજ્યોમાં પણ રાજીનામું આપશે. સમગ્ર દેશનો રાજપૂત સમાજ આજે તેની વિરુદ્ધ છે અને પોતાના અધિકારો માટે લડવા માટે રસ્તા પર ઉતરી આવ્યો છે અને કરતો રહેશે."
ટ્રેન્ડિંગ સમાચાર
ટોપ સ્ટોરી
