Ramlala Pran Pratishtha: અયોધ્યામાં રામ મંદિરની પ્રાણ પ્રતિષ્ઠા પર રોક લગાવવાની માંગને લઇને અલાહાબાદ હાઇકોર્ટમાં અરજી દાખલ

Ram Mandir Opening:  અયોધ્યામાં રામ મંદિરના પ્રાણ પ્રતિષ્ઠા સમારોહને લઈને મોટા સમાચાર આવ્યા છે.

ફોટોઃ ટ્વિટર

Ram Mandir Opening:  અયોધ્યામાં રામ મંદિરના પ્રાણ પ્રતિષ્ઠા સમારોહને લઈને મોટા સમાચાર આવ્યા છે. પ્રાણ પ્રતિષ્ઠા કાર્યક્રમ પર પ્રતિબંધ મૂકવાની માંગણી કરતી PIL અલાહાબાદ હાઈકોર્ટમાં દાખલ કરવામાં આવી છે.

અલાહાબાદ હાઈકોર્ટમાં પીએમ નરેન્દ્ર મોદીના હાથે પ્રાણ પ્રતિષ્ઠા પર પ્રતિબંધ મુકવાની માંગ કરતી અરજી દાખલ કરવામાં આવી છે. અરજીમાં શંકરાચાર્યના વિરોધને ટાંકીને તેને સનાતન પરંપરા વિરુદ્ધ ગણાવવામાં આવ્યું છે. આરોપ છે કે ભાજપ 2024ની લોકસભા ચૂંટણીનો ફાયદો ઉઠાવવા માટે આ કાર્યક્રમનું આયોજન કરી રહ્યું છે.

'પ્રાણ પ્રતિષ્ઠા કાર્યક્રમ પર શંકરાચાર્યનો વિરોધ'

આ અરજી ગાઝિયાબાદના ભોલા દાસ તરફથી દાખલ કરવામાં આવી છે. પીઆઈએલમાં કહેવામાં આવ્યું છે કે શંકરાચાર્યને પ્રાણ પ્રતિષ્ઠા કાર્યક્રમ સામે વાંધો છે. પોષ મહિનામાં કોઈ ધાર્મિક કાર્યક્રમોનું આયોજન કરવામાં આવતું નથી. આ સિવાય મંદિર હજુ અધૂરું છે. અધૂરા મંદિરમાં કોઈ દેવી-દેવતાનો પ્રાણ પ્રતિષ્ઠા કરી શકાતો નથી.

આ સિવાય આ પ્રાણ પ્રતિષ્ઠા કાર્યક્રમમાં પીએમ અને સીએમ યોગીની ભાગીદારી બંધારણની વિરુદ્ધ છે. અરજીમાં આ કાર્યક્રમને માત્ર ચૂંટણી સ્ટંટ કહેવામાં આવ્યો છે. આ પીઆઈએલ પર શુક્રવારે હાઈકોર્ટમાં સુનાવણી થઈ શકે છે.                                                                                            

ડૉ.અનિલ મિશ્ર સાત દિવસ યજમાનની ભૂમિકા ભજવશે

અયોધ્યા રામલલાની પ્રાણ પ્રતિષ્ઠાના મુખ્ય યજમાન ડૉ. અનિલ મિશ્ર છે, જે શ્રી રામ જન્મભૂમિ તીર્થ ક્ષેત્ર ટ્રસ્ટના સભ્ય છે. યજમાન તરીકે તેમણે મંગળવારે તપ આરાધનામાં ભાગ લીધો હતો. હવે તે સાત દિવસ સુધી યજમાનની ભૂમિકામાં રહેશે. પવિત્ર વિધિ કરનારા બ્રાહ્મણોએ જણાવ્યું કે વડાપ્રધાન નરેન્દ્ર મોદી, સીએમ યોગી આદિત્યનાથ, રાજ્યપાલ આનંદીબેન પટેલ, રામ મંદિર ટ્રસ્ટના પ્રમુખ મહંત નૃત્ય ગોપાલ દાસ, સંઘના વડા મોહન ભાગવત અને ડૉ. અનિલ મિશ્ર સપત્નીક મુખ્ય આયોજન સમયે 22 જાન્યુઆરી હાજર રહેશે. વડાપ્રધાન મોદી ભોગ ધરાવવાની સાથે આરતી કરશે.