રાશનકાર્ડ ધારકો માટે મોટા સમાચાર, આ કામ નહીં કરો તો નામ કમી થઈ જશે 

રેશનકાર્ડ ધારકો માટે એક નવું અપડેટ આવ્યું છે. રેશન કાર્ડ ધરાવનારા વ્યક્તિઓએ ઇ-કેવાયસી પૂર્ણ કરવું પડશે. ઇ-કેવાયસી માટેની અંતિમ તારીખ 30 એપ્રિલ સુધી લંબાવવામાં આવી છે.

પ્રતિકાત્મક તસવીર

Source : તસવીર સોશિયલ મીડિયા

રેશનકાર્ડ ધારકો માટે એક નવું અપડેટ આવ્યું છે. રેશન કાર્ડ ધરાવનારા વ્યક્તિઓએ ઇ-કેવાયસી પૂર્ણ કરવું પડશે. ઇ-કેવાયસી માટેની અંતિમ તારીખ 30 એપ્રિલ સુધી લંબાવવામાં આવી છે. દરેક રાજ્ય પ્રમાણે આ તારીખ અલગ-અલગ હોઈ શકે છે. આ પહેલા છેલ્લી તારીખ 31મી માર્ચ હતી. દરેક રાજ્ય સરકાર ઈકેવાયસીની સમયમર્યાદા લંબાવે છે.  જે કોઈ પણ ઈ-કેવાયસીનું કામ પૂર્ણ નહીં કરે, તેનું નામ રેશનકાર્ડમાંથી કમી કરવામાં આવશે.

સરકારે અત્યાર સુધીમાં તેની સમયમર્યાદા છ વખત લંબાવી છે, પરંતુ આ વખતે કહેવાય છે કે આ છેલ્લી વખત તારીખ લંબાવવામાં આવી રહી છે. ખાદ્ય અને પુરવઠા મંત્રાલયે તમામ રાજ્યોને પત્ર લખીને કહ્યું છે કે આ નવી તારીખ સુધીમાં e-KYCનું કામ પૂર્ણ કરવામાં આવે. એવું કહેવામાં આવ્યું છે કે e-KYC 30 એપ્રિલ સુધીમાં દરેક કિંમતે પૂર્ણ કરવું પડશે. e-KYC માટે, લાભાર્થીઓ PDS દુકાન પર જઈ શકે છે અને e-POS મશીનની મદદથી આ પ્રક્રિયા પૂર્ણ કરી શકે છે.

KYC શા માટે જરૂરી છે ?

મીડિયા રિપોર્ટ્સ અનુસાર, લગભગ 23.5% રાશન કાર્ડનું વેરિફિકેશન બાકી છે. તમને જણાવી દઈએ કે KYC નો અર્થ છે "તમારા ગ્રાહકને જાણો" (Know Your Customer).  KYC કરવાનું કહેવામાં આવી રહ્યું છે જેથી નકલી રેશન કાર્ડ ધરાવતા લોકોને સિસ્ટમમાંથી દૂર કરી શકાય. સરકારનો એકમાત્ર હેતુ એ છે કે સરકારી અનાજનો લાભ માત્ર લાયક લોકો સુધી પહોંચે.

ઘરેથી ઇ-કેવાયસી કેવી રીતે કરવું 

સૌથી પહેલા તમારા રાજ્યની જાહેર વિતરણ વ્યવસ્થાની વેબસાઈટ પર જાઓ. ત્યાં ‘ઈ-કેવાયસી ફોર રેશન કાર્ડ’ પર ક્લિક કરો. આ પછી રેશન કાર્ડ નંબર અને આધાર નંબર નાખો. પરિવારના વડાનો આધાર નંબર દાખલ કરો, પછી મોબાઇલ નંબર પર એક OTP આવશે, તેને ભરો, બધી માહિતી દાખલ કરો અને સબમિટ કરો.

જો તમને ઓનલાઈન વેરિફિકેશન અને ઓટીપી મેળવવામાં કોઈ સમસ્યા આવી રહી હોય, તો તમે તમારા આધાર કાર્ડ અને રેશન કાર્ડ સાથે તમારી નજીકની સરકારી રાશનની દુકાન પર જઈ શકો છો. ત્યાં દુકાનદાર તમારું રેશન કાર્ડ અને આધાર કાર્ડ નંબર દાખલ કરીને અને તમારું બાયોમેટ્રિક્સ લઈને તમારું કેવાયસી પૂર્ણ કરશે.

તમામ રેશનકાર્ડ ધારકોને તાકીદ કરવામાં આવે છે કે તેઓ 30 એપ્રિલ પહેલાં પોતાનું ઈ-કેવાયસી અવશ્ય કરાવી લે, જેથી તેમને મફત રાશન અને અન્ય સરકારી યોજનાઓના લાભ મળતા રહે.