Weather Update: દેશના આ રાજ્યોમાં અતિભારે વરસાદની આગાહી, હવામાન વિભાગે આપ્યું ‘રેડ એલર્ટ’
આગામી સાત દિવસ સુધી પૂર્વોત્તર અને તેની આસપાસના પૂર્વી ભારતમાં ભારે વરસાદની આગાહી કરવામાં આવી છે.
IMD RED ALERT: આગામી સાત દિવસ સુધી પૂર્વોત્તર અને તેની આસપાસના પૂર્વી ભારતમાં ભારે વરસાદની આગાહી કરવામાં આવી છે. 2 ઓગસ્ટના દિવસે આસામ અને મેઘાલમાં ભારેથી અતિભારે વરસાદની આગાહી કરવામાં આવી છે. 1 ઓગસ્ટે પૂર્વી રાજસ્થાનમાં પણ અત્યંત ભારે વરસાદને લઈ રેડ એલર્ટ આપવામાં આવ્યું છે. હવામાન વિભાગ દ્વારા મધ્યપ્રદેશ અને રાજસ્થાનના કેટલાક જિલ્લાઓમાં ભારે વરસાદને લઈ રેડ એલર્ટ આપવામાં આવ્યું છે.
રાજસ્થાન અને મધ્યપ્રદેશમાં ભારે વરસાદ વરસી રહ્યો છે. આગામી દિવસોમાં પણ અત્યંત ભારે વરસાદની આગાહીને પગલે હવામાન વિભાગ દ્વારા ચેતવણી આપવામાં આવી છે.
31 જૂલાઈથી લઈને 6 ઓગસ્ટ સુધી હિમાચલ પ્રદેશ, ઉત્તરાખંડમાં ભારે વરસાદની શક્યતા છે. આ સિવાય 3 અને 4 ઓગસ્ટે પંજાબમાં અને 5 ઓગસ્ટે હરિયાણામાં વરસાદની શક્યતા છે. આગામી 6 ઓગસ્ટ સુધીમાં પૂર્વી રાજસ્થાનના કેટલાક વિસ્તારોમાં અત્યંત ભારે વરસાદનું એલર્ટ છે.
પૂર્વોત્તર ભારતની વાત કરીએ તો ઓગસ્ટમાં આસામ, મેઘાલયમાં અલગ-અલગ સ્થળો પર અત્યંત ભારે વરસાદ વરસી શકે છે. આગામી 6 ઓગસ્ટ સુધી અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરામાં સામાન્યથી લઈ મધ્યમ વરસાદ વરસી શકે છે.
હિમાચલ પ્રદેશ: હિમાચલ પ્રદેશના કાંગડા, મંડી, કુલ્લુ અને શિમલા જેવા જિલ્લાઓમાં 31 જુલાઈ સુધી ભારે વરસાદ માટે ઓરેન્જ એલર્ટ જારી કરવામાં આવ્યું છે. ભૂસ્ખલન અને અચાનક પૂરની શક્યતાને કારણે લોકોને સતર્ક રહેવાની સલાહ આપવામાં આવી છે. 31 જુલાઈ પછી ચોમાસું નબળું પડી શકે છે.
ઉત્તરાખંડ: ઉત્તરાખંડના કુમાઉ પ્રદેશ (નૈનિતાલ, ચંપાવત, પિથોરાગઢ, બાગેશ્વર) માં ભારે વરસાદ માટે ઓરેન્જ એલર્ટ જારી કરવામાં આવ્યું છે, જ્યારે ગઢવાલ પ્રદેશ (તેહરી, પૌરી, દેહરાદૂન) માં યલો એલર્ટ જારી કરવામાં આવ્યું છે.
બિહાર: પશ્ચિમ ચંપારણ, મુઝફ્ફરપુર, સિવાન, સારણ, બેગુસરાય, માધેપુરા, પટના અને બિહારના અન્ય જિલ્લાઓમાં ભારે વરસાદ અને વાવાઝોડાની ચેતવણી આપવામાં આવી છે.
દિલ્હી-એનસીઆર: દિલ્હી અને એનસીઆરમાં 4 ઓગસ્ટ સુધી મધ્યમથી ભારે વરસાદની આગાહી છે. પાણી ભરાઈ શકે છે અને ટ્રાફિક જામ થઈ શકે છે.
ચોમાસાની સ્થિતિ
હવામાનશાસ્ત્રીઓના મતે, બંગાળની ખાડીમાં એક નવા લો પ્રેશર ક્ષેત્રના સક્રિય થવાને કારણે ચોમાસાની ગતિવિધિઓ વધુ તીવ્ર બની છે. આ સ્થિતિ 31 જુલાઈ સુધી ચાલુ રહેવાની શક્યતા છે, ત્યારબાદ કેટલાક વિસ્તારોમાં વરસાદની તીવ્રતા ઓછી થઈ શકે છે. લોકોને હવામાન વિભાગની નવીનતમ માહિતી પર નજર રાખવા અને કોઈપણ કટોકટીની સ્થિતિમાં સ્થાનિક વહીવટીતંત્રની માર્ગદર્શિકાનું પાલન કરવાની અપીલ કરવામાં આવે છે.
ટોપ સ્ટોરી
ટ્રેન્ડિંગ સમાચાર
